ബിജെപി ഏതു സംസ്ഥാനത്ത് സർക്കാർ രൂപീകരിച്ചാലും ജനം ദീർഘകാല പിന്തുണയാണു നൽകുക. പ്രവേശനം ഇല്ലായെന്ന് കോൺഗ്രസിനോടു പറയുകയും ചെയ്യും-മോദി അവകാശപ്പെട്ടു. അധികാരത്തിൽ തിരിച്ചെത്തുന്ന കോൺഗ്രസ് സർക്കാരുകൾ അപൂർവമാണ്.
ചില സംസ്ഥാനങ്ങളിൽ 60 വർഷമായി അധികാരം വീണ്ടെടുക്കാൻ കോൺഗ്രസിനു കഴിഞ്ഞിട്ടില്ല. ഒരിക്കൽ ജനങ്ങൾ കോൺഗ്രസിനെ പുറത്താക്കിയാൽ തിരിച്ചെത്താൻ അവർക്കു കഴിയാറില്ല-പ്രധാനമന്ത്രി പറഞ്ഞു.
1966 ൽ രൂപീകൃതമായ ഹരിയാനയിൽ 13 തെരഞ്ഞെടുപ്പുകളാണ് ഇതുവരെ നടന്നത്. ഇതിൽ പത്ത് തെരഞ്ഞെടുപ്പുകളിലും സർക്കാർ മാറിമാറി വരികയായിരുന്നു. എന്നാൽ ചരിത്രത്തിൽ ആദ്യമായി ഒരു സർക്കാരിന് മൂന്നുതവണ അധികാരത്തുടർച്ച ലഭിച്ചിരിക്കുകയാണ്-പ്രധാനമന്ത്രി വ്യക്തമാക്കി.