എജിഇ ഡയറ്റ് അൾട്രാ പ്രോസസ് ചെയ്തതും വറുത്തതുമായ ഭക്ഷണങ്ങൾ അടങ്ങിയ ഭക്ഷണ ശൈലിയാണ് എജിഇ ഡയറ്റ്. ഇതിൽ പ്രോട്ടീൻ അല്ലെങ്കിൽ ലിപിഡുകൾ ഒരുതരം കാർബോഹൈഡ്രേറ്റ് ആൽഡോസ് ഷുഗറുകളായി പരിഷ്കരിക്കപ്പെടുന്നു. ഇത് ശരീരത്തിൽ വീക്കം, ഓക്സിഡേറ്റീവ് സമ്മർദം, കോശങ്ങളിൽ തകരാർ, ഇൻസുലിൻ പ്രതിരോധം തുടങ്ങിയ ആരോഗ്യപ്രശ്നങ്ങളിലേക്കു നയിക്കാം. റെഡ് മീറ്റ്, ഫ്രഞ്ച് ഫ്രൈസ്, വറുത്ത ഭക്ഷണങ്ങൾ, ബേക്കറി പലഹാരങ്ങൾ, പറാത്ത, സമൂസ, മധുരപലഹാരങ്ങൾ എന്നിവയാണ് ഉയർന്ന എജിഇ അടങ്ങിയ ഭക്ഷണങ്ങൾ. കൂടാതെ ഫ്രൈ, റോസ്റ്റ്, ഗ്രിൽ തുടങ്ങിയ രീതിയിൽ പാകം ചെയ്യുന്ന ഭക്ഷണങ്ങളും എജിഇ അളവ് വർധിപ്പിക്കാൻ കാരണമാകും. വേവിച്ച ഭക്ഷണത്തിന് ഇതു ബാധകമല്ല.