മൂന്നാർ: ചിന്നക്കനാൽ മേഖലയിൽ വീണ്ടും ചക്കക്കൊന്പന്റെ ആക്രമണം. ചിന്നക്കനാൽ വിലക്കുഭാഗത്തെത്തിയ ചക്കക്കൊന്പൻ പാർക്കു ചെയ്തിരുന്ന കാർ തകർത്തു. ചൊവ്വാഴ്ച രാത്രിയാണ് ചിന്നക്കനാൽ സ്വദേശി ഞാറോട്ടിപറന്പിൽ എൻ.കെ. മണിയുടെ കാർ കാട്ടാന തകർത്തത്. ചിന്നക്കനാൽ ഗവ. സ്കൂൾ വളപ്പിൽ പാർക്ക് ചെയ്തിരുന്ന ടാക്സി കാറിനു നേരെയാണ് ആക്രമണം ഉണ്ടായത്. സ്കൂളിന്‍റെ ഗേറ്റ് തകർത്ത് അകത്തു കടന്നാണ് ചക്കകൊന്പൻ വാഹനം തകർത്തത്.