ഓ​ണ്‍​ലൈ​ൻ ത​ട്ടി​പ്പു വ്യാ​പ​കം: ജാ​ഗ്ര​ത വേ​ണ​മെ​ന്ന് സൈ​ബ​ർ പോ​ലീ​സ്
Monday, September 2, 2024 12:07 AM IST
തൊ​ടു​പു​ഴ: ജി​ല്ല​യി​ൽ ഓ​ണ്‍​ലൈ​ൻ ത​ട്ടി​പ്പ് കേ​സു​ക​ൾ അ​ടി​ക്ക​ടി വ​ർ​ധി​ക്കു​ന്ന​താ​യി ജി​ല്ലാ സൈ​ബ​ർ ക്രൈം ​വി​ഭാ​ഗം. ക​ഴി​ഞ്ഞ ദി​വ​സം തൊ​ടു​പു​ഴ സ്വ​ദേ​ശി​ക്ക് ന​ഷ്ട​പ്പെ​ട്ട​ത് ഒ​ന്നേ​കാ​ൽ കോ​ടി​യാ​ണ്. പ​ണം ന​ഷ്ട​പ്പെ​ട്ടാ​ൽ മാ​ന​ഹാ​നി​യോ​ർ​ത്ത് മി​ണ്ടാ​തി​രി​ക്കു​ന്ന​വ​ർ, പെ​ട്ടെ​ന്ന് പ​ണ​ക്കാ​ര​നാ​കാ​ൻ മോ​ഹി​ച്ച് ഓ​ണ്‍​ലൈ​ൻ ട്രേ​ഡിം​ഗി​നു ത​ല​വ​ച്ച് ജീ​വ​ത​കാ​ല​ത്തെ സ​ന്പാ​ദ്യം മു​ഴു​വ​ൻ ന​ഷ്ട​മാ​യ​വ​ർ തു​ട​ങ്ങി വി​വി​ധ കെ​ണി​ക​ളി​ൽ​പെ​ട്ട​വ​ർ ഇ​ക്കൂ​ട്ട​ത്തി​ലു​ണ്ട്. അ​വ​രി​ൽ ഒ​രാ​ളാ​കാ​ൻ ആ​ഗ്ര​ഹി​ക്കു​ന്നി​ല്ലെ​ങ്കി​ൽ ജ​ന​ങ്ങ​ൾ ജാ​ഗ്ര​ത പു​ല​ർ​ത്ത​ണ​മെ​ന്ന് പോ​ലീ​സ് മു​ന്ന​റി​യി​പ്പ് ന​ൽ​കു​ന്നു.

കു​മ​ളി സ്വ​ദേ​ശി​യാ​യ യു​വാ​വി​ന് മും​ബൈ പോ​ലീ​സ് ആ​ണെ​ന്ന വ്യാ​ജേ​ന ഒ​രു കോ​ൾ വ​രു​ന്നു. താ​ങ്ക​ളു​ടെ വി​ലാ​സ​ത്തി​ൽനി​ന്ന് ഇ​റാ​നി​ലേ​ക്ക് നി​രോ​ധി​ത ല​ഹ​രി വ​സ്തു​ക്ക​ൾ അ​ട​ങ്ങി​യ ഒ​രു കു​റി​യ​ർ എ​ത്തി​യി​ട്ടു​ണ്ടെ​ന്നും കൂ​ടു​ത​ൽ അ​ന്വേ​ഷ​ണ​ത്തി​ൽ താ​ങ്ക​ളു​ടെ ബാ​ങ്ക് അ​ക്കൗ​ണ്ട് വ​ഴി അ​ന​ധി​കൃ​ത പ​ണ​മി​ട​പാ​ടു​ക​ൾ ശ്ര​ദ്ധ​യി​ൽ​പ്പെ​ട്ടി​ട്ടു​ണ്ടെ​ന്നും ഉ​ട​ൻ അ​റ​സ്റ്റ് ചെ​യ്യു​മെ​ന്നു​മാ​യി​രു​ന്നു കോ​ളി​ന്‍റെ ഉ​ള്ള​ട​ക്കം. കേ​സി​ൽനി​ന്ന് ഒ​ഴി​വാ​ക്കാ​ൻ വ​ൻ തു​ക ആ​വ​ശ്യ​പ്പെ​ടു​ക​യും ചെ​യ്തു. ലോ​ണ്‍ ആ​പ്പ് വ​ഴി ലോ​ണ്‍ എ​ടു​ക്കാ​ൻ നി​ർ​ബ​ന്ധി​ച്ചു. അ​ത്ത​ര​ത്തി​ൽ ലോ​ണ്‍ എ​ടു​ത്ത​തും കൈ​യി​ലു​ണ്ടാ​യി​രു​ന്ന നാലു ല​ക്ഷ​വും ചേ​ർ​ത്ത് യു​വാ​വ് ന​ൽ​കി​യ​ത് 23 ല​ക്ഷം രൂ​പ​യാ​ണ്.

മ​റ്റൊ​രു യു​വാ​വ് കെ​ണി​യി​ൽ വീ​ണ​ത് ഒ​രു മാ​ട്രി​മോ​ണി​യ​ൽ വെ​ബ്സൈ​റ്റി​ൽ റ​ജി​സ്റ്റ​ർ ചെ​യ്ത​തോ​ടെ​യാ​ണ്. പ്രൊ​ഫൈ​ൽ ഇ​ഷ്ട​മാ​യി എ​ന്ന ത​ര​ത്തി​ൽ ഒ​രു പെ​ണ്‍​കു​ട്ടി യു​വാ​വു​മാ​യി ചാ​റ്റിം​ഗ് തു​ട​ങ്ങു​ന്നു. ഇ​രു​വ​രും ചാ​റ്റിം​ഗി​ലൂ​ടെ കൂ​ടു​ത​ൽ അ​ടു​പ്പ​മാ​യ​തോ​ടെ ഭാ​വി സു​ര​ക്ഷി​ത​മാ​ക്കാ​ൻ ന​മു​ക്ക് ഓ​ണ്‍​ലൈ​ൻ ട്രേ​ഡിം​ഗ് തു​ട​ങ്ങി​യാ​ലോ എ​ന്ന് പെ​ണ്‍​കു​ട്ടി ചോ​ദി​ക്കു​ന്നു. പെ​ണ്‍​കു​ട്ടി നി​ർ​ദേ​ശി​ക്കു​ന്ന​ത​നു​സ​രി​ച്ച് അ​യാ​ൾ പ​ണം നി​ക്ഷേ​പി​ച്ചു കൊ​ണ്ടി​രു​ന്നു. 16 ല​ക്ഷം രൂ​പ ന​ഷ്ട​പ്പെ​ട്ടു ക​ഴി​ഞ്ഞ​പ്പോ​ഴാ​ണ് യു​വാ​വി​ന് അ​ബ​ദ്ധം മ​ന​സി​ലാ​യ​ത്.

കു​റി​യ​ർ എ​ത്തി​യി​ട്ടു​ണ്ടെ​ന്നും അ​തി​ൽ നി​യ​മ​വി​രു​ദ്ധ​മാ​യ സാ​ധ​ന​ങ്ങ​ൾ ഉ​ണ്ടെ​ന്നും വി​ശ്വ​സി​പ്പി​ച്ചു ന​ട​ത്തു​ന്ന ത​ട്ടി​പ്പാ​ണു ഫെ​ഡ് എ​ക്സ് സ്കാം. ​ഇ​താ​ണ് കു​മ​ളി​യി​ലെ യു​വാ​വി​ന് സം​ഭ​വി​ച്ച​ത്. ഡ​ൽ​ഹി, മും​ബൈ എ​ന്നി​വി​ട​ങ്ങ​ളി​ലെ കു​റി​യ​ർ ക​ന്പ​നി​ക​ളി​ൽ നി​ന്ന് എ​ന്ന പേ​രി​ലാ​കും ആ​ദ്യം സ​ന്ദേ​ശം വ​രി​ക.

തൊ​ട്ടു​പി​ന്നാ​ലെ പോ​ലീ​സ്, ക​സ്റ്റം​സ്, സി​ബി​ഐ, ഐ​ബി, എ​ന്നി​ങ്ങ​നെ പ​ല ഉ​ദ്യോ​ഗ​സ്ഥ​രും ഓ​ണ്‍​ലൈ​ൻ വ​ഴി തേ​ടി​യെ​ത്തും.

വി​ര​മി​ക്ക​ലി​നു ശേ​ഷം വി​ശ്ര​മ​ജീ​വി​തം ന​യി​ക്കു​ന്ന പ്രാ​യ​മാ​യ​വ​രെ​യാ​ണ് ത​ട്ടി​പ്പു​കാ​ർ കൂ​ടു​ത​ലാ​യും ല​ക്ഷ്യ​മി​ടു​ന്ന​ത്. നി​ങ്ങ​ളു​ടെ ബാ​ങ്ക് അ​ക്കൗ​ണ്ട് ഹാ​ക്ക് ചെ​യ്തെ​ന്നും ഫോ​ണി​ൽ വ​രു​ന്ന ഒ​ടി​പി എ​ത്ര​യും വേ​ഗം അ​യ​ച്ചു ത​ന്നാ​ൽ പ​ണം ന​ഷ്ട​പ്പെ​ടു​ന്ന​ത് ത​ട​യാ​മെ​ന്നും പ​റ​യു​ന്പോ​ൾ ഇ​വ​ർ ഭീ​തി​യി​ലാ​കും. അ​തി​നാ​ൽ സൈ​ബ​ർ ഇ​ട​ങ്ങ​ളി​ൽ ഇ​ട​പെ​ടു​ന്പോ​ൾ അ​തീ​വ ജാ​ഗ്ര​ത പാ​ലി​ക്ക​ണ​മെ​ന്ന് പോ​ലീ​സ് പ​റ​യു​ന്നു.


ഓ​ഹ​രി​വി​പ​ണി​യി​ലെ ക​യ​റ്റി​റ​ക്ക​ങ്ങ​ൾ മ​ന​സി​ലാ​ക്കാ​നു​ള്ള വ​ഴി സൗ​ജ​ന്യ​മാ​യി പ​ഠി​പ്പി​ക്കാ​മെ​ന്നാ​യി​രി​ക്കും പ​ര​സ്യം. ആ​ദ്യം സൗ​ജ​ന്യ ക്ലാ​സ്. ശേ​ഷം ലി​ങ്ക് ന​ൽ​കി വ്യാ​ജ ആ​പ് ഡൗ​ണ്‍​ലോ​ഡ് ചെ​യ്യി​ക്കും. അ​വ​ർ പ​റ​യു​ന്ന ഷെ​യ​ർ വാ​ങ്ങാ​ൻ നി​ർ​ദേ​ശി​ക്കും. ഡി​ജി​റ്റ​ൽ വോ​ളി​ൽ ഷെ​യ​ർ ഗ്രാ​ഫ് കു​തി​ച്ചു ക​യ​റു​ന്പോ​ൾ നി​ക്ഷേ​പ​ക​ർ ആ​ഹ്ലാ​ദ​മ​ട​ക്കാ​നാ​കാ​ത്ത അ​വ​സ്ഥ​യി​ലാ​യി​രി​ക്കും. എ​ന്നാ​ൽ, ഇ​തൊ​ക്കെ കൃ​ത്രി​മ​മാ​യി ഉ​ണ്ടാ​ക്കു​ന്ന​താ​ണെ​ന്ന് നി​ക്ഷേ​പ​ക​ർ​ക്കു മ​ന​സി​ലാ​യി വ​രു​ന്പോ​ഴേ​ക്കും പ​ണം ന​ഷ്ട​പ്പെ​ട്ടി​രി​ക്കും.

ഇ​ത​ര​സം​സ്ഥാ​ന​ക്കാ​രാ​യ, അ​ഭ്യ​സ്ത​വി​ദ്യ​ര​ല്ലാ​ത്ത ആ​ളു​ക​ളെ​യാ​ണ് ത​ട്ടി​പ്പു​സം​ഘം ആ​ദ്യം ക​ണ്ണി​യി​ൽ ചേ​ർ​ക്കു​ക. ബാ​ങ്ക് അ​ക്കൗ​ണ്ടും എ​ടി​എം കാ​ർ​ഡും പി​ൻ​ന​ന്പ​റും കൈ​മാ​റാ​ൻ 5000 രൂ​പ വ​രെ ഇ​വ​ർ​ക്കു ന​ൽ​കും. പി​ന്നീ​ട് ഇ​വ​രു​ടെ അ​ക്കൗ​ണ്ടു​ക​ളി​ലൂ​ടെ ഇ​ട​പാ​ടു ന​ട​ത്തു​ന്ന​തു ത​ട്ടി​പ്പു​കാ​രാ​യി​രി​ക്കും. ഒ​ടു​വി​ൽ പോ​ലീ​സ് തേ​ടി​യെ​ത്തു​ന്പോ​ഴാ​കും ത​ങ്ങ​ളു​ടെ അ​ക്കൗ​ണ്ട് വ​ഴി ല​ക്ഷ​ങ്ങ​ളു​ടെ ഇ​ട​പാ​ടു ന​ട​ന്ന വി​വ​രം ഇ​വ​ര​റി​യു​ക.

ത​ട്ടി​പ്പു​കാ​ർ ഇ​പ്പോ​ൾ പ്ല​സ്ടു, കോ​ള​ജ് വി​ദ്യാ​ർ​ഥി​ക​ളെ​യും ല​ക്ഷ്യ​മി​ടു​ന്നു​ണ്ട്. ര​ണ്ടാ​യി​ര​മോ അ​യ്യാ​യി​ര​മോ കൊ​ടു​ത്താ​ൽ ബാ​ങ്ക് അ​ക്കൗ​ണ്ടെ​ടു​ത്ത് എ​ടി​എം കാ​ർ​ഡും പി​ൻ​ന​ന്പ​റും ന​ൽ​കാ​ൻ വി​ദ്യാ​ർ​ഥി​ക​ൾ ത​യാ​റാ​കും. വി​ദേ​ശ​ത്തു​നി​ന്ന് ഇ​ങ്ങ​നെ​യെ​ത്തി​യ അ​ന​ധി​കൃ​ത പ​ണം അ​ക്കൗ​ണ്ട് വ​ഴി കൈ​മാ​റി​യ​തി​ന് ബി​രു​ദ വി​ദ്യാ​ർ​ഥി ഒ​രു​മാ​സം ജ​യി​ലി​ൽ കി​ട​ക്കേ​ണ്ട അ​വ​സ്ഥ​വ​രെ​യു​ണ്ടാ​യി.

ബാ​ങ്കി​ൽ​നി​ന്നാ​ണ് നി​ങ്ങ​ളു​ടെ ഫോ​ണി​ലേ​ക്കു വ​ന്ന ഒ​ടി​പി പ​റ​യൂ എ​ന്നാ​വ​ശ്യ​പ്പെ​ട്ടു​ള്ള കോ​ൾ ചി​ല​പ്പോ​ൾ വ​ന്നേ​ക്കാം. ആ​ദ്യം ഓ​ർ​ക്കേ​ണ്ട​ത് ഒ​രു ബാ​ങ്കി​ൽ​നി​ന്നും ഒൗ​ദ്യോ​ഗി​ക ആ​വ​ശ്യ​ങ്ങ​ൾ​ക്കാ​യി ഒ​ടി​പി ആ​വ​ശ്യ​പ്പെ​ടി​ല്ല. ഒ​ടി​പി, എ​ടി​എം പി​ൻ, ആ​ധാ​ർ ഒ​ടി​പി എ​ന്നി​വ ആ​വ​ശ്യ​പ്പെ​ട്ടു​ള്ള കോ​ളു​ക​ളോ​ടു പ്ര​തി​ക​രി​ക്ക​രു​ത്. ഇ​തു കൈ​മാ​റു​ന്ന​തി​ലൂ​ടെ ന​മ്മു​ടെ ബാ​ങ്ക് അ​ക്കൗ​ണ്ടു​ക​ളു​ടെ നി​യ​ന്ത്ര​ണം ന​ഷ്ട​മാ​കും.

ത​ട്ടി​പ്പി​നി​ര​യാ​യി ആ​ദ്യ മ​ണി​ക്കൂ​റി​ൽ​ത​ന്നെ പ​രാ​തി ന​ൽ​കി​യാ​ൽ ന​മ്മ​ൾ കൈ​മാ​റി​യ പ​ണം ഏ​ത് അ​ക്കൗ​ണ്ടി​ലേ​ക്കാ​ണോ എ​ത്തി​യ​ത് ആ ​അ​ക്കൗ​ണ്ടു​ക​ൾ ബ്ലോ​ക്ക് ചെ​യ്യാ​ൻ സാ​ധി​ക്കും. ത​ട്ടി​പ്പി​നി​ര​യാ​യാ​ൽ ഉ​ട​ൻ 1930ൽ ​അ​റി​യി​ക്ക​ണം. ംംം ര്യ​യ​ലൃ​രൃ​ശാ​ല.​ഴീ്.​ശി എ​ന്ന വെ​ബ്സൈ​റ്റി​ലും പ​രാ​തി റ​ജി​സ്റ്റ​ർ ചെ​യ്യ​ണം. പ​രാ​തി ല​ഭി​ച്ചാ​ലു​ട​ൻ കൈ​മാ​റ്റം ന​ട​ന്ന ബാ​ങ്ക് അ​ക്കൗ​ണ്ടു​ക​ൾ ഫ്രീ​സ് ചെ​യ്യും. പി​ന്നീ​ട് ഈ ​പ​ണം കൈ​മാ​റ്റം ചെ​യ്യാ​ൻ ക​ഴി​യി​ല്ല. ത​ട്ടി​പ്പി​നി​ര​യാ​യി ദി​വ​സ​ങ്ങ​ൾ ക​ഴി​ഞ്ഞാ​ണു പ​രാ​തി ന​ൽ​കു​ന്ന​തെ​ങ്കി​ൽ ലീ​ൻ മാ​ർ​ക്കി​നു സാ​ധ്യ​ത കു​റ​വാ​ണ്. മാ​ന​ഹാ​നി​യോ​ർ​ത്തു പ​രാ​തി​പ്പെ​ടാ​തി​രി​ക്ക​രു​ത് എ​ന്നാ​ണു പോ​ലീ​സ് ന​ൽ​കു​ന്ന മു​ന്ന​റി​യി​പ്പ്.