ഡിപിസി ​യോ​ഗം വൈ​കി - ജി​ല്ല​യി​ലെ വി​ക​സ​ന പ​ദ്ധ​തി​ക​ൾ താ​ളം തെ​റ്റും
Monday, September 2, 2024 11:58 PM IST
ഉ​പ്പു​ത​റ: ജി​ല്ലാ ആ​സൂ​ത്ര​ണ സ​മി​തി​ക​ൾ (ഡി​പി സി) ​ചേ​രാ​ൻ വൈ​കി​യ​ത് സം​സ്ഥാ​ന​ത്തെ പ്രാ​ദേ​ശി​ക വി​ക​സ​ന​ത്തി​ന് തി​രി​ച്ച​ടി​യാ​കു​ന്നു. ഏ​പ്രി​ലി​ൽ ചേ​രേ​ണ്ടി​യി​രു​ന്ന ഡി​പി​സി ഈ ​മാ​സ​മാ​ണ് ചേ​രു​ന്ന​ത്. പ​ദ്ധ​തി​ക്ക് അം​ഗീ​കാ​രം വൈ​കു​ന്ന​ത് കോ​ടി​ക്ക​ണ​ക്കി​ന് രൂ​പ​യു​ടെ വി​ക​സ​ന പ്ര​വ​ർ​ത്ത​ന​ങ്ങ​ൾ ത​ട​സ​പ്പെ​ടു​ത്തു​ന്ന​തി​നു പു​റ​മെ അ​ടു​ത്ത വാ​ർ​ഷി​ക പ​ദ്ധ​തി​ക​ൾ​ക്കും തി​രി​ച്ച​ടി​യാ​കും. പാ​ർ​ല​മെ​ന്‍റ് തെ​ര​ഞ്ഞെ​ടു​പ്പ് പെ​രു​മാ​റ്റ ച​ട്ട​ത്തി​ന്‍റെ പേ​രി​ലാ​ണ് ഡി​പി​സി ചേ​രു​ന്ന​തി​ന് ത​ട​സ​മാ​യ​തെ​ന്നാ​ണ് അ​ധി​കൃ​ത​ർ ന​ൽ​കു​ന്ന വി​ശ​ദീ​ക​ര​ണം.

ജ​നു​വ​രി മു​ത​ൽ ഗ്രാ​മ​സ​ഭ​ക​ൾ ചേ​ർ​ന്ന് വാ​ർ​ഷി​ക പ​ദ്ധ​തി​യു​ടെ പ്രാ​ഥ​മി​ക ന​ട​പ​ടി​ക​ൾ തു​ട​ങ്ങേ​ണ്ട​താ​യി​രു​ന്നു. മാ​ർ​ച്ചി​ൽ ഡി​പി​സി​ക്ക് ന​ൽ​കും. ഭേ​ദ​ഗ​തി​ക​ളോ​ടെ ഏ​പ്രി​ലി​ൽ പ​ദ്ധ​തി​ക്ക് ഡി​പി​സി അം​ഗീ​കാ​രം ന​ൽ​കു​ക​യാ​ണ് പ​തി​വ്. ഈ ​വ​ർ​ഷ​വും ത്രി​ത​ല പ​ഞ്ചാ​യ​ത്തു​ക​ളും മു​നി​സി​പ്പാ​ലി​റ്റി കോ​ർ​പ്പ​റേ​ഷ​ൻ എ​ന്നീ സ്ഥാ​പ​ന​ങ്ങ​ൾ എ​ല്ലാം ന​ട​പ​ടി പൂ​ർ​ത്തി​യാ​ക്കി മാ​ർ​ച്ചി​ൽ പ​ദ്ധ​തി​ക​ൾ ഡി​പി​സി​യു​ടെ അം​ഗീ​കാ​ര​ത്തി​ന് ന​ൽ​കി​യ​താ​ണ്. എ​ന്നാ​ൽ, ഡി​പി​സി ഈ ​മാ​സം ചേ​രാ​തി​രി​ക്കു​ന്ന​തേ​യു​ള്ളു. അം​ഗീ​കാ​രം ല​ഭി​ച്ച ശേ​ഷം എ​സ്റ്റി​മേ​റ്റ് ത​യാ​റാ​ക്കി ടെ​ൻ​ഡ​ർ ന​ട​പ​ടി പൂ​ർ​ത്തി​യാ​ക്കി നി​ർ​വ​ഹ​ണം തു​ട​ങ്ങ​ണ​മെ​ങ്കി​ൽ ര​ണ്ട​ര മാ​സം താ​മ​സി​ക്കും.

സാ​ങ്കേ​തി​ക കാ​ര​ണ​ങ്ങ​ളാ​ൽ പ​ദ്ധ​തി നി​ർ​വ​ഹ​ണം വീ​ണ്ടും വൈ​കാ​നും ഇ​ട​യു​ണ്ട്. ഡി​സം​ബ​റി​ൽ തു​ട​ങ്ങി​യാ​ലും മാ​ർ​ച്ചി​നു മു​ൻ​പ് പ​ദ്ധ​തി​ക​ൾ പൂ​ർ​ത്തി​യാ​ക്കാ​ൻ ക​ഴി​യാ​തെ വ​രും. അ​വ​ശേ​ഷി​ക്കു​ന്ന പ​ദ്ധ​തി​ക​ൾ സ്പി​ൽ ഓ​വ​റി​ലാ​കും. ഇ​ങ്ങ​നെ വ​ന്നാ​ൽ അ​ടു​ത്ത വ​ർ​ഷ​ത്തെ പ​ദ്ധ​തി​യി​ൽ ഇ​ത്ര​യും തു​ക കു​റ​യും. ജ​നു​വ​രി​യോ​ടെ അ​ടു​ത്ത വ​ർ​ഷ​ത്തെ പ​ദ്ധ​തി​യു​ടെ പ്രാ​ഥ​മി​ക ന​ട​പ​ടി​ക​ൾ തു​ട​ങ്ങ​ണം.

അ​തി​നി​ടെ ഉ​ദ്യോ​ഗ​സ്ഥ​രു​ടെ കു​റ​വും സ്ഥ​ലം മാ​റ്റ​വും തു​ട​ങ്ങി​യ പ്ര​ശ്ന​ങ്ങ​ൾ പ​ദ്ധ​തി നി​ർ​വ​ഹ​ണ​ത്തെ സാ​ര​മാ​യി ബാ​ധി​ക്കും. കാ​ലാ​വ​സ്ഥ​ക്ക് അ​നു​സൃ​ത​മാ​യി ന​ട​ത്തേ​ണ്ട പ​ച്ച​ക്ക​റി, ഫ​ല​വൃ​ക്ഷ തൈ​ക​ളു​ടെ വി​ത​ര​ണ​ത്തി​നാ​ണ് ഏ​റ്റ​വു​മ​ധി​കം തി​രി​ച്ച​ടി​യാ​കു​ന്ന​ത്. ഗ്രാ​മ പ​ഞ്ചാ​യ​ത്തി​ന് എ​ട്ടു​മു​ത​ൽ 12 കോ​ടി​യു​ടേ​യും ബ്ലോ​ക്ക് പ​ഞ്ചാ​യ​ത്തി​ന് ആ​റു മു​ത​ൽ എ​ട്ടു കോ​ടി​യു​ടേ​യും ജി​ല്ലാ പ​ഞ്ചാ​യ​ത്തി​ന് 100 മു​ത​ൽ 140 കോ​ടി​യു​ടേ​യും വാ​ർ​ഷി​ക പ​ദ്ധ​തി​ക​ൾ ഉ​ണ്ടാ​കും. ത​ന​തു വ​രു​മാ​നം കൂ​ടു​ത​ലു​ള്ള മു​നി​സി​പ്പാ​ലി​റ്റി, കോ​ർ​പ്പ​റേ​ഷ​ൻ എ​ന്നി​വ​യ്ക്ക് ജി​ല്ലാ പ​ഞാ​യ​ത്തു​ക​ളേ​ക്കാ​ൾ കൂ​ടു​ത​ലാ​കും വാ​ർ​ഷി​ക പ​ദ്ധ​തി .

ഇ​തി​നെ​ല്ലാം ജി​ല്ലാ ആ​സൂ​ത്ര​ണ സ​മി​തി​യു​ടെ അം​ഗീ​കാ​രം വേ​ണം . ഫ​ല​ത്തി​ൽ ആ​സൂ​ത്ര​ണ സ​മി​തി ചേ​രാ​ൻ വൈ​കി​യ​ത് സം​സ്ഥാ​ന​ത്തെ വി​ക​സ​ന പ്ര​വ​ർ​ത്ത​ന​ങ്ങ​ളെ സാ​ര​മാ​യി ബാ​ധി​ക്കും.