തൊടുപുഴ: ഇടുക്കി റോഡിൽ മ്രാല ഭാഗത്ത് സ്വകാര്യ റിസോർട്ടിനു സമീപം പുലിയെന്ന് സംശയിക്കുന്ന ജീവിയെ കണ്ടതായി അഭ്യൂഹം. ഇവിടെ സെക്യൂരിറ്റി ജീവനക്കാരാണ് പുലിയെന്നു സംശയിക്കുന്ന ജീവിയെയും കുഞ്ഞുങ്ങളെയും കണ്ടത്. വനം വകുപ്പ് ഉദ്യോഗസ്ഥർ സ്ഥലത്തെത്തി പരിശോധന നടത്തിയശേഷം കണ്ടത് പുലിയെ അല്ലെന്നും കണ്ടത് കുറുനരിയോ നായയോ ആയിരിക്കാമെന്ന് അറിയിച്ചു. ജീവിയുടെ കാൽപ്പാടുകളും ഉദ്യോഗസ്ഥർ പരിശോധിച്ചു.