വ​ണ്ടി​പ്പെ​രി​യാ​ർ പ​ഴ​യ​പാ​ലം ച​രി​ത്ര​സ്മാ​ര​ക​മാ​യി സം​ര​ക്ഷി​ക്ക​ണം
Wednesday, July 17, 2024 11:35 PM IST
വ​ണ്ടി​പെ​രി​യാ​ർ: കൊ​ളോ​ണി​യ​ൽ കാ​ല​ഘ​ട്ട​ത്തി​ന്‍റെ ച​രി​ത്ര സ്മാ​ര​ക​മാ​യി പീ​രു​മേ​ടി​ന്‍റെ ച​രി​ത്ര താ​ളു​ക​ളി​ൽ രേ​ഖ​പ്പെ​ടു​ത്തി​യി​രി​ക്കു​ന്ന 110 വ​ർ​ഷ​ത്തി​ല​ധി​കം പ​ഴ​ക്ക​മു​ള്ള വ​ണ്ടി​പ്പെ​രി​യ​ർ പ​ഴ​പാ​ലം സം​ര​ക്ഷി​ക്ക​ണ​മെ​ന്ന ആ​വ​ശ്യം ശ​ക്ത​മാ​കു​ന്നു.

ഇ​ന്ന​ത്തെ കൊ​ട്ടാ​ര​ക്ക​ര - ദി​ണ്ഡു​ക്ക​ൽ ദേ​ശീ​യ പാ​ത​യി​ൽ അ​ന്ന് പെ​രി​യാ​ർ ന​ദി​ക​ട​ന്ന് മ​റു​വ​ശ​ത്തെ​ത്തു​ന്ന​തി​ന് പാ​ലം ഇ​ല്ലാ​തി​രു​ന്നു. വ​ണ്ടി​ക​ൾ ഇ​രു വ​ശ​വു​മി​ട്ട് ക​ട​ത്ത് ക​ട​ക്കേ​ണ്ടി​യി​രു​ന്ന​തി​നാ​ലാ​ണ് വ​ണ്ടി​പ്പെ​രി​യാ​ർ എ​ന്ന സ്ഥ​ല​നാ​മം ഉ​ണ്ടാ​യ​തെ​ന്നാ​ണ് പ​ഴ​മ​ക്കാ​ർ പ​റ​യു​ന്ന​ത്.

പി​ന്നീ​ട് മു​ല്ല​പ്പെ​രി​യാ​ർ ഡാം ​നി​ർ​മാ​ണ​വു​മാ​യി ബ​ന്ധ​പ്പെ​ട്ടാ​ണ് വ​ണ്ടി​പ്പെ​രി​യാ​ർ പാ​ലം നി​ർ​മി​ക്കു​ന്ന​ത്. ദേ​ശീ​യപാ​ത​യി​ലെ ഗ​താ​ഗ​ത​ക്കു​രു​ക്കി​ന് പ​രി​ഹാ​ര​മാ​യി വ​ണ്ടി​പ്പെ​രി​യാ​റി​ൽ പു​തി​യപാ​ലം വ​ന്ന​തോ​ടെ ഇ​പ്പോ​ഴും കേ​ടു​പാ​ടു​ക​ൾ ഇ​ല്ലാ​ത്ത പ​ഴ​യപാ​ലം വ​ൺവേ ​സം​വി​ധാ​ന​ത്തി​നാ​യി ഉ​പ​യോ​ഗി​ക്കു​മ്പോ​ഴും പാ​ലം സം​ര​ക്ഷി​ക്കാ​ൻ ന​ട​പ​ടി​ക​ൾ ഉ​ണ്ടാ​കു​ന്നി​ല്ല.

പാ​ല​ത്തി​ൽ വ​ള​ർ​ന്നുനി​ൽ​ക്കു​ന്ന കാ​ട്ടു ചെ​ടി​ക​ൾ പാ​ല​ത്തി​ന്‍റെ ത​ക​ർ​ച്ച​യ്ക്ക് കാ​ര​ണ​മാ​കു​മെ​ന്ന് ചൂ​ണ്ടി​ക്കാ​ണി​ക്ക​പ്പെ​ടു​ന്നു.

ഇ​വ​യു​ടെ വേ​രു​ക​ൾ സു​ർ​ക്കി മി​ശ്രി​ത​ത്താ​ൻ നി​ർ​മി​ച്ചി​രി​ക്കു​ന്ന പാ​ല​ത്തി​ന്‍റെ തൂ​ണു​ക​ളി​ലെ ക​ൽക്കെ​ട്ടു​ക​ൾ​ക്കി​ട​യി​ൽ വ​ള​ർ​ന്ന് കാ​ല​ക്ര​മേ​ണ ക​ൽക്കെ​ട്ടു​ക​ൾ​ക്ക് ഇ​ള​ക്കം സം​ഭ​വി​ക്കു​മെ​ന്ന ആ​ശ​ങ്ക​യു​ണ്ട്. പാ​ല​ത്തി​ൽ വ​ള​രു​ന്ന ചെ​ടി​ക​ൾ വെ​ട്ടി മാ​റ്റു​ന്ന​തോ​ടൊ​പ്പം പാ​ലം അ​റ്റ​കു​റ്റ​പ്പ​ണി​ക​ൾ ന​ട​ത്തി സം​ര​ക്ഷി​ക്ക​ണ​മെ​ന്നും പൊ​തു​പ്ര​വ​ർ​ത്ത​ക​നാ​യ അ​നി​ൽ കു​മാ​ർ പ​റ​യു​ന്നു.

പ​ഴ​യ പാ​ല​ത്തി​ലൂ​ടെ​യു​ള്ള കാ​ൽ​ന​ട​യാ​ത്ര​യു​ടെ സു​ര​ക്ഷ​യ്ക്കാ​യി നി​ർ​മി​ച്ചി​രി​ക്കു​ന്ന സം​ര​ക്ഷ​ണവേ​ലി​ക​ൾ മിക്കതും ത​ക​ർ​ന്ന നി​ല​യി​ലാ​ണ്.

കൈ​വ​രി​ക​ൾ പു​ന​ർനി​ർ​മി​ക്കാ​തെ മു​ള​ക​ൾ ഉ​പ​യോ​ഗി​ച്ച് കൈ ​വ​രി​ക​ൾ കെ​ട്ടിനി​ർ​ത്തി​യു​ള​ള ക​രു​ത​ൽ അ​വ​ഹേ​ള​ന​മാ​ണ്.

ഒ​രു കാ​ല​ഘ​ട്ട​ത്തി​ന്‍റെ ഓ​ർ​മ​ക​ൾ നി​ല​നി​ർ​ത്താ​നു​ത​കു​ന്ന പാ​ലം സം​ര​ക്ഷി​ക്ക​ണ​മെ​ന്നാ​ണ് ജ​ന​ങ്ങ​ളു​ടെ ആ​വ​ശ്യം.