പാ​റ്റ്ന: മ​യ​ക്കു​മ​രു​ന്ന് ക​ള്ള​ക്ക​ട​ത്ത് കേ​സി​ൽ എ​ൻ​എ​സ്ജി മു​ൻ ക​മാ​ൻ​ഡോ പി​ടി​യി​ൽ. ബ​ജ്റം​ഗ് സിം​ഗ് എ​ന്ന​യാ​ളാ​ണ് രാ​ജ​സ്ഥാ​നി​ൽ അ​റ​സ്റ്റി​ലാ​യ​ത്. സി​ക്കാ​ർ നി​വാ​സി​യാ​യ ഇ​യാ​ൾ മും​ബൈ​യി​ലെ 26/11 ഭീ​ക​ര​വി​രു​ദ്ധ ഓ​പ്പ​റേ​ഷ​നി​ൽ പ​ങ്കെ​ടു​ത്തി​ട്ടു​ണ്ട്.

ക​ഞ്ചാ​വ് ക​ള്ള​ക്ക​ട​ത്ത് റാ​ക്ക​റ്റി​ന്‍റെ മു​ഖ്യ​സൂ​ത്ര​ധാ​ര​നാ​യി​രു​ന്ന ബ​ജ്റം​ഗ് സിം​ഗി​നെ ബു​ധ​നാ​ഴ്ച രാ​ത്രി ചു​രു​വി​ൽ നി​ന്നാ​ണ് പി​ടി​കൂ​ടി​യ​ത്.

തെ​ല​ങ്കാ​ന​യി​ൽ നി​ന്നും ഒ​ഡീ​ഷ​യി​ൽ നി​ന്നും രാ​ജ​സ്ഥാ​നി​ലേ​ക്ക് ക​ഞ്ചാ​വ് ക​ട​ത്തു​ന്ന​തി​ൽ സിം​ഗ് മു​ഖ്യ പ​ങ്കാ​ളി​യാ​യി​രു​ന്നു​വെ​ന്ന് ഐ​ജി വി​കാ​സ് കു​മാ​ർ പ​റ​ഞ്ഞു. ക​സ്റ്റ​ഡി​യി​ലെ​ടു​ത്ത സ​മ​യം ഇ​യാ​ളി​ൽ നി​ന്നും 200 കി​ലോ​ഗ്രാം ക​ഞ്ചാ​വ് ക​ണ്ടെ​ത്തി​യെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ഇ​യാ​ളെ കു​റി​ച്ച് വി​വ​രം ന​ൽ​കു​ന്ന​വ​ർ​ക്ക് പോ​ലീ​സ് 25,000 രൂ​പ പാ​രി​തോ​ഷി​കം പ്ര​ഖ്യാ​പി​ച്ചി​രു​ന്നു. സം​സ്ഥാ​ന​ത്തെ ഭീ​ക​ര​വി​രു​ദ്ധ സ്ക്വാ​ഡും (എ​ടി​എ​സ്) മ​യ​ക്കു​മ​രു​ന്ന് വി​രു​ദ്ധ ടാ​സ്‌​ക് ഫോ​ഴ്‌​സും (എ​എ​ൻ​ടി​എ​ഫ്) ന​ട​ത്തി​യ "ഓ​പ്പ​റേ​ഷ​ൻ ഗ​ഞ്ജ​നി'​യു​ടെ ഭാ​ഗ​മാ​യി ര​ണ്ട് മാ​സ​ത്തെ നി​രീ​ക്ഷ​ണ​ത്തി​നൊ​ടു​വി​ലാ​ണ് സിം​ഗി​നെ അ​റ​സ്റ്റ് ചെ​യ്ത​തെ​ന്ന് പോ​ലീ​സ് പ​റ​ഞ്ഞു.

പ​ത്താം ക്ലാ​സി​നു ശേ​ഷം ബ​ജ്റം​ഗ് സിം​ഗ് പ​ഠ​നം ഉ​പേ​ക്ഷി​ച്ചി​രു​ന്നു. എ​ന്നാ​ൽ ആ​റ​ടി ഉ​യ​ര​വും ഉ​റ​ച്ച ശ​രീ​ര​ഘ​ട​ന​യു​മു​ള്ള ബ​ജ്റം​ഗ് സിം​ഗി​നെ ബി​എ​സ്എ​ഫി​ലെ​ടു​ത്തു.

പ​ഞ്ചാ​ബ്, ആ​സാം, രാ​ജ​സ്ഥാ​ൻ, ഒ​ഡീ​ഷ, പ​ശ്ചി​മ ബം​ഗാ​ൾ എ​ന്നി​വി​ട​ങ്ങ​ളി​ൽ അ​ദ്ദേ​ഹം സേ​വ​ന​മ​നു​ഷ്ഠി​ച്ചി​ട്ടു​ണ്ട്.

തു​ട​ർ​ന്നാ​ണ് അ​ദ്ദേ​ഹ​ത്തെ എ​ൻ‌​എ​സ്‌​ജി​യി​ലേ​ക്ക് തെ​ര​ഞ്ഞെ​ടു​ത്ത​ത്. ഏ​ഴ് വ​ർ​ഷം അ​ദ്ദേ​ഹം എ​ൻ​എ​സ്ജി ക​മാ​ൻ​ഡോ ആ​യി സേ​വ​ന​മ​നു​ഷ്ഠി​ച്ചു. ഇ​ക്കാ​ല​യ​ള​വി​ൽ 26/11 ഭീ​ക​ര​വി​രു​ദ്ധ പ്ര​വ​ർ​ത്ത​ന​ത്തി​ലും അ​ദ്ദേ​ഹം പ​ങ്കെ​ടു​ത്തു.

Tags : Ex-Commando arrest