വ​ട​ക്ക​ഞ്ചേ​രി: പ​ന്നി​യ​ങ്ക​ര ടോ​ൾ പ്ലാ​സ​യി​ൽ പ്ര​ദേ​ശ​വാ​സി​ക​ളു​ടെ​യും സ്കൂ​ൾ വാ​ഹ​ന​ങ്ങ​ളു​ടെ​യും ടോ​ൾ വി​ഷ​യം സം​ബ​ന്ധി​ച്ച് സ​ബ് ക​മ്മി​റ്റി യോ​ഗം ഇ​ന്ന് ക​ള​ക്ട​റേ​റ്റി​ൽ ന​ട​ക്കും.

ജില്ലാ ക​ള​ക്ട​റെ കൂ​ടാ​തെ കെ.​രാ​ധാ​കൃ​ഷ്ണ​ൻ എം​പി, എം​എ​ൽ​എ​മാ​രാ​യ പി.​പി.​സു​മോ​ദ്, കെ.​ഡി.​പ്ര​സേ​ന​ൻ, ടോ​ൾ ക​മ്പ​നി പ്ര​തി​നി​ധി, ദേ​ശീ​യ​പാ​ത അ​ഥോ​റി​റ്റി പ്ര​തി​നി​ധി തു​ട​ങ്ങി​യ​വ​ർ ഉ​ൾ​പ്പെ​ടു​ന്ന ഏ​ഴം​ഗ ക​മ്മി​റ്റി​യാ​ണ് യോ​ഗം ചേ​ർ​ന്ന് വി​ഷ​യ​ത്തി​ൽ അ​ന്തി​മ തീ​രു​മാ​ന​മെ​ടു​ക്കു​ക.​

ഇ​തി​നുശേ​ഷം വ​ട​ക്ക​ഞ്ചേ​രി​യി​ൽ സ​ർ​വ​ക​ക്ഷി യോ​ഗം വി​ളി​ച്ച് ക​മ്മി​റ്റി തീ​രു​മാ​നം അ​റി​യി​ക്കും. തു​ട​ർ​ന്നാ​കും തീ​രു​മാ​ന​ങ്ങ​ൾ ന​ട​പ്പി​ലാ​ക്കു​ക. ഈ ​മാ​സം 15നു ​മു​മ്പ് ശാ​ശ്വ​തതീ​രു​മാ​നം ഉ​ണ്ടാ​ക​ണ​മെ​ന്ന് ക​ഴി​ഞ്ഞമാ​സം 18 ന് ​ചേ​ർ​ന്ന സ​ർ​വ​ക​ക്ഷിയോ​ഗ​ത്തി​ൽ തീ​രു​മാ​ന​മെ​ടു​ത്തി​രു​ന്നു.​ഇ​തി​നാ​യാ​ണ് ഏ​ഴം​ഗ സ​മി​തി​യെ ചു​മ​ത​ല​പ്പെ​ടു​ത്തി​യി​രു​ന്ന​ത്. പ​ത്ത് കി​ലോ​മീ​റ്റ​റി​ലു​ള്ള പ്ര​ദേ​ശ​വാ​സി​ക​ൾ​ക്ക് സൗ​ജ​ന്യ യാ​ത്ര അ​നു​വ​ദി​ക്ക​ണ​മെ​ന്നാ​യി​രു​ന്നു സ​ർ​വ​ക​ക്ഷി യോ​ഗ​ത്തി​ലെ ഏ​ക​ക​ണ്ഠ​മാ​യ അ​ഭി​പ്രാ​യം.

എ​ന്നാ​ൽ അ​ഞ്ച് കി​ലോ​മീ​റ്റ​ർ ദൂ​ര​പ​രി​ധി​യി​ൽ ടോ​ൾ ക​മ്പ​നി​യും നാ​ഷ​ണ​ൽ ഹൈ​വേ പ്ര​തി​നി​ധി​യും ഉ​റ​ച്ചു നി​ന്ന​തോ​ടെ​യാ​ണ് അ​ന്തി​മ തീ​രു​മാ​ന​ത്തി​ലെ​ത്താ​നാ​കാ​തെ സ​ബ് ക​മ്മി​റ്റി​യെ യോ​ഗം ചു​മ​ത​ല​പ്പെ​ടു​ത്തി​യ​ത്. പി.പി. സു​മോ​ദ് എം​എ​ൽ​എ അ​ധ്യ​ക്ഷ​ത​യി​ലാ​യി​രു​ന്നു ഫെ​ബ്രു​വ​രി 18 ലെ ​യോ​ഗം ന​ട​ന്ന​ത്.