നെ​ന്മാ​റ: മേ​ഖ​ല​യി​ൽ പ​ര​ക്കെ ചെ​റി​യ​തോ​തി​ൽ വേ​ന​ൽ മ​ഴ പെ​യ്തു. അ​ന്ത​രീ​ക്ഷ താ​പ​നി​ല ചെ​റി​യ​തോ​തി​ൽ താ​ഴ്ന്ന് ചൂ​ടി​ന് ആ​ശ്വാ​സ​മാ​യി. കൊ​യ്ത്തു തു​ട​ങ്ങി​യ നെ​ൽ​ക​ർ​ഷ​ക​ർ​ നെ​ല്ലും വൈ​ക്കോ​ലും ന​ന​ഞ്ഞ ആ​ശ​ങ്ക​യും പ​ങ്കു​വെ​ച്ചു.

ശ​ക്ത​മാ​യ മ​ഴ​യ​ല്ലെ​ങ്കി​ലും ചെ​റി​യ​തോ​തി​ൽ പെ​യ്ത മ​ഴ പൊ​ടി​പാ​റു​ന്ന സ്ഥ​ല​ങ്ങ​ളി​ലും ആ​ശ്വാ​സം ന​ൽ​കി. വേ​ന​ൽ​മ​ഴ ഉ​ത്സ​വക​മ്മി​റ്റി​ക​ളെ​യാ​ണ് ആ​ശ​ങ്ക​യി​ലാ​ക്കി​യ​ത് വ​രും​ദി​വ​സ​ങ്ങ​ളി​ൽ ന​ട​ക്കു​ന്ന വേ​ല, പൂ​രം, കു​മ്മാ​ട്ടി എ​ന്നീ ഉ​ത്സ​വ​ങ്ങ​ൾ​ക്കും വെ​ടി​ക്കെ​ട്ടി​നും ത​ട​സമാ​വു​മോ എ​ന്ന ആ​ശ​ങ്ക​യും വി​വി​ധ ദേ​ശ​ക്കാ​ർ പ​ങ്കു​വെ​ച്ചു.

വേ​ന​ൽമ​ഴ​യാ​യ​തി​നാ​ൽ ഒ​ന്നോ ര​ണ്ടോ മ​ഴ​പെ​യ്ത​തി​നു ശേ​ഷം വീ​ണ്ടും ശ​ക്ത​മാ​യ ചൂ​ട് ഉ​ണ്ടാ​വാ​നു​ള്ള സാ​ധ്യ​ത​യും പ​ക​ർ​ച്ച​വ്യാ​ധി​ക​ൾ വ്യാ​പി​ക്കാ​നു​ള്ള സാ​ധ്യ​ത​യും ആ​രോ​ഗ്യ മേ​ഖ​ല​യി​ലു​ള്ള​വ​ർ പ​റ​ഞ്ഞു. രാ​ത്രി​യോ​ടെ ത​ണു​ത്ത കാ​റ്റ് വീ​ശു​ന്ന​തി​നാ​ൽ അ​ന്ത​രീ​ക്ഷ താ​പ​നി​ല കു​റ​ഞ്ഞ​ത് വേ​ന​ൽ​ചൂ​ടി​ൽ നി​ന്ന് ആ​ശ്വാ​സ​മാ​വു​ന്നു​ണ്ട്.

കൂ​ടു​ത​ൽ ശ​ക്ത​മാ​യ വേ​ന​ൽമ​ഴ ല​ഭി​ച്ചാ​ൽ മാ​ത്ര​മേ കും​ഭ​മാ​സ​ത്തി​ലെ കി​ഴ​ങ്ങു​വ​ർ​ഗവി​ള​ക​ൾ കൃ​ഷി ആ​രം​ഭി​ക്കു​ക​യു​ള്ളൂ.

നെ​ല്ലി​യാ​മ്പ​തി​യും മേ​ഖ​ല​യി​ലും വേ​ന​ൽമ​ഴ ല​ഭി​ച്ചു​വെ​ങ്കി​ലും ശ​ക്ത​മാ​യ മ​ഴ ഉ​ണ്ടാ​യി​ല്ല. സ​ന്ധ്യ​യോ​ടെ പെ​യ്ത വേ​ന​ൽ മ​ഴ​യി​ൽ വി​വി​ധ പ്ര​ദേ​ശ​ങ്ങ​ളി​ൽ മ​ഴ​വി​ല്ലി​ന്‍റെ വ​ർ​ണക്കാ​ഴ്ച​യും ഒ​രു​ക്കി.