പാ​ല​ക്കാ​ട്: ദേ​ശീ​യ​പാ​ത 966 ൽ ​നി​ര​ന്ത​ര​മാ​യി വാ​ഹ​നാ​പ​ക​ട​ങ്ങ​ൾ ഉ​ണ്ടാ​കു​ന്ന പ​ന​യന്പാ​ടം പ്ര​ദേ​ശ​ത്തെ അ​പ​ക​ടവ​ള​വി​ൽ സു​ര​ക്ഷാ​ക്ര​മീ​ക​ര​ണ​ങ്ങ​ൾ​ക്കാ​യി ഒ​രു​കോ​ടി 35 ല​ക്ഷം രൂ​പ നാ​ഷ​ണ​ൽ ഹൈ​വേ അ​ഥോ​റി​റ്റി ഓ​ഫ് ഇ​ന്ത്യ അ​നു​വ​ദി​ച്ച​താ​യി വി.​കെ. ശ്രീ​ക​ണ്ഠ​ൻ എം​പി യെ ​കേ​ന്ദ്ര റോ​ഡ് ഗ​താ​ഗ​ത ഹൈ​വേ സ​ഹ​മ​ന്ത്രി അ​ജ​യ് തം​ത രേ​ഖാ​മൂ​ലം അ​റി​യി​ച്ചു.

ക​ഴി​ഞ്ഞ ഡി​സം​ബ​ർ 12ന് ​ന​ട​ന്ന വാ​ഹ​നാ​പ​ക​ട​ത്തി​ൽ നാ​ല് വി​ദ്യാ​ർ​ഥി​നി​ക​ൾ അ​തി​ദാ​രു​ണ​മാ​യി മ​ര​ണ​പ്പെ​ട്ട സം​ഭ​വം റൂ​ൾ 377 പ്ര​കാ​രം എം​പി ലോ​ക്സ​ഭ​യി​ൽ അ​വ​ത​രി​പ്പി​ച്ച വി​ഷ​യ​ത്തി​ൽ മ​റു​പ​ടി ആ​യി​ട്ടാ​ണ് ക​ത്ത്. അ​പ​ക​ടസ്ഥ​ല​ത്ത് ഹാ​ർ​ഡ് ഷോ​ൾ​ഡ​റു​ക​ൾ, ഫു​ട്പാ​ത്ത് സ്ലാ​ബ്, ഹാ​ൻ​ഡ് റെ​യി​ൽ എ​ന്നി​വ ഉ​ൾ​പ്പെ​ടു​ന്ന കോ​ണ്‍​ക്രീ​റ്റ് ഡ്രെ​യി​നു​ക​ൾ, 450 മീ​റ്റ​ർ നീ​ള​ത്തി​ൽ മീ​ഡി​യ​നു​ക​ൾ, എ​ഐ കാ​മ​റ​ക​ൾ എ​ന്നി​വ സ്ഥാ​പി​ക്കും.

അ​പ​ക​ട​വ​ള​വ് നി​വ​ർ​ത്താ​ൻ വേ​ണ്ടി​വ​ന്നാ​ൽ റോ​ഡ് വീ​തി കൂ​ട്ടു​ന്ന​തി​ന് ആ​വ​ശ്യ​മാ​യി ഭൂ​മി ഏ​റ്റെ​ടു​ക്കും. ഇ​തി​നാ​യു​ള്ള സാ​ധ്യ​ത വി​ശ​ദ​മാ​യ എ​ൻ​ജി​നീ​യ​റിം​ഗ് പ​ഠ​നം ന​ട​ത്താ​നും തീ​രു​മാ​നി​ച്ചി​ട്ടു​ണ്ട്. പു​തി​യ ഗ്രീ​ൻ​ഫീ​ൽ​ഡ് ഹൈ​വേ​യു​ടെ നി​ർ​മാ​ണ​ത്തി​ന് ശേ​ഷം നി​ല​വി​ലു​ള്ള ദേ​ശീ​യ​പാ​ത 966 വീ​തി കൂ​ട്ടാ​ൻ തീ​രു​മാ​നി​ച്ചി​ട്ടു​ണ്ട്.

റോ​ഡി​ന്‍റെ വി​സ്തൃ​തി വ​ർ​ധി​പ്പി​ക്കു​വാ​ൻ ആ​വ​ശ്യ​മാ​യ സ്ഥ​ലം ഏ​റ്റെ​ടു​ക്കാ​ൻ ദേ​ശീ​യ​പാ​ത അ​ഥോ​റി​റ്റി ഓ​ഫ് ഇ​ന്ത്യ ന​ട​പ​ടി ആ​രം​ഭി​ച്ചി​ട്ടു​ണ്ടെ​ന്നും മ​ന്ത്രി എം​പി​യെ അ​റി​യി​ച്ചു.

പാ​ല​ക്കാ​ട്- കോ​ഴി​ക്കോ​ട് ദേ​ശീ​യ​പാ​ത​യി​ൽ നി​ര​ന്ത​ര​മാ​യി ന​ട​ന്ന അ​പ​ക​ട​ങ്ങ​ളി​ൽ നി​ര​വ​ധി​പേ​രു​ടെ ജീ​വ​ൻ ന​ഷ്ട​പ്പെ​ട്ടി​ട്ടു​ള്ള​തു​കൊ​ണ്ട് ഈ ​വി​ഷ​യം വ​ള​രെ ഗൗ​ര​വ​ത്തോ​ടു​കൂ​ടി കാ​ണ​ണ​മെ​ന്ന് കേ​ന്ദ്ര ഉ​പ​രി​ത​ല ഗ​താ​ഗ​ത വ​കു​പ്പ് മ​ന്ത്രി നി​തി​ൻ ഗ​ഡ്ക​രി​യെ നേ​രി​ൽ ക​ണ്ടും എം​പി ആ​വ​ശ്യ​പ്പെ​ട്ടി​രു​ന്നു.