നെ​ല്ലി​യാ​മ്പ​തി: ഗ്രാ​മ​പ​ഞ്ചാ​യ​ത്തി​ലെ പ്ര​ധാ​നകേ​ന്ദ്ര​മാ​യ നൂ​റ​ടി​യി​ലെ വെ​ള്ള​പ്പൊ​ക്ക​ത്തി​ന് പ​രി​ഹാ​ര ന​ട​പ​ടി​ക​ൾ ആ​രം​ഭി​ച്ചു. മ​ഴ​ക്കാ​ല​ത്ത് നൂ​റ​ടിപു​ഴ​യി​ൽ വെ​ള്ളം പൊ​ങ്ങി പാ​ല​ത്തി​ന് സ​മീ​പ​മു​ള്ള സ​ർ​ക്കാ​ർ സ്ഥാ​പ​ന​ങ്ങ​ളി​ലും റി​സോ​ർ​ട്ടു​ക​ളി​ലും വ്യാ​പാ​ര സ്ഥാ​പ​ന​ങ്ങ​ളി​ലും വീ​ടു​ക​ളി​ലേ​ക്കും വെ​ള്ളംക​യ​റു​ന്ന​ത് പ​തി​വാ​ണ്. ഇ​ത് പ​രി​ഹ​രി​ക്കാ​നാ​യി പ​ഞ്ചാ​യ​ത്ത് ര​ണ്ടു​വ​ർ​ഷ​മാ​യി തു​ക വ​ക​യി​രു​ത്തി​യെ​ങ്കി​ലും നി​ർ​മാ​ണ പ്ര​വ​ർ​ത്ത​നം ആ​രം​ഭി​ക്കാ​ൻ ക​ഴി​ഞ്ഞി​ല്ല.

നൂ​റ​ടിപാ​ല​ത്തി​ന് തെ​ക്കു​ഭാ​ഗ​ത്ത് പു​ഴ​യി​ൽ വീ​ണുകി​ട​ക്കു​ന്ന മ​ര​ങ്ങ​ളും അ​ടി​ഞ്ഞു​കൂ​ടി​യ മ​ണ്ണും മ​ഴ​ക്കാ​ല​ത്ത് നീ​രൊ​ഴു​ക്കി​ന് ത​ട​സമാ​യി നൂ​റ​ടി​ഭാ​ഗ​ത്ത് ദി​വ​സ​ങ്ങ​ളോ​ളം വെ​ള്ള​പ്പൊ​ക്കം ഉ​ണ്ടാ​കാ​റു​ണ്ട്.

വെ​ള്ള​പ്പൊ​ക്ക​ം പ​രി​ഹ​രി​ക്കാ​നാ​യി പ​ഞ്ചാ​യ​ത്ത് മു​ൻ​കൈ​യെ​ടു​ത്ത് 25 ല​ക്ഷ​ത്തോ​ളം രൂ​പ ഫ​ണ്ട് ന​ൽ​കി നൂ​റ​ടിപു​ഴ വൃ​ത്തി​യാ​ക്കാ​ൻ ത​യ്യാ​റാ​യെ​ങ്കി​ലും വ​നം വ​കു​പ്പ് പു​ഴ​യി​ൽ അ​ടി​ഞ്ഞു​കൂ​ടി​യ ത​ട​സം നീ​ക്കു​ന്ന​തി​നും താ​ഴെ നി​ന്ന് നി​ർ​മാ​ണ സാ​മ​ഗ്രി​ക​ൾ കൊ​ണ്ടു​പോ​കു​ന്ന​തി​നും അ​നു​മ​തി ന​ൽ​കി​യി​ല്ല. തു​ട​ർ​ന്ന് മു​ൻ ക​ള​ക്ട​റും ജ​ന​പ്ര​തി​നി​ധി​ക​ളും ഇ​ട​പെ​ട്ടാ​ണ് വെ​ള്ള​പ്പൊ​ക്കം ഒ​ഴി​വാ​ക്കാ​ൻ ന​ട​പ​ടി സ്വീ​ക​രി​ക്കാ​ൻ തീ​രു​മാ​ന​മാ​യ​ത്. ഇ​തി​നാ​യി പ​ഞ്ചാ​യ​ത്ത് മാ​റ്റി​വെ​ച്ച തു​ക മൈ​ന​ർ ഇ​റി​ഗേ​ഷ​ൻ വ​കു​പ്പി​ന് കൈ​മാ​റി.

മൈ​ന​ർ ഇ​റി​ഗേ​ഷ​ൻ വ​കു​പ്പി​ന്‍റെ മേ​ൽ​നോ​ട്ട​ത്തി​ലാ​ണ് ക​രാ​ർ ന​ൽ​കി​യ​ത്. ഇ​പ്പോ​ൾ നൂ​റ​ടി പാ​ല​ത്തി​ന് വ​ട​ക്കു​ഭാ​ഗ​ത്ത് വെ​ള്ള​പ്പൊ​ക്കം ത​ട​യു​ന്ന​തി​ന് സം​ര​ക്ഷ​ണ​ഭി​ത്തി​യും പു​ഴ​യ്ക്ക് താ​ഴ്ഭാ​ഗ​ത്ത് ത​ട​സമാ​യി കി​ട​ക്കു​ന്ന മ​രം മ​ര​ങ്ങ​ളും ചെളി​യും നീ​ക്കു​ന്ന​തി​നാ​ണ് ന​ട​പ​ടി തു​ട​ങ്ങി​യി​രി​ക്കു​ന്ന​ത്.

നി​ർ​മാ​ണ പ്ര​വ​ർ​ത്ത​ന​ങ്ങ​ളും പു​ഴ​യി​ൽ അ​ടി​ഞ്ഞു​കൂ​ടി​യ മ​ര​വും ചെ​ളി​യും നീ​ക്കം ചെ​യ്യു​ന്ന​തോ​ടെ വി​വി​ധ പ്ര​ദേ​ശ​ങ്ങ​ളി​ൽ നി​ന്ന് നൂ​റ​ടിപു​ഴ​യി​ൽ എ​ത്തു​ന്ന മ​ല​വെ​ള്ളം കാ​ര​പ്പാ​റ പു​ഴ​യി​ലേ​ക്ക് ത​ട​സ​ര​ഹി​ത​മാ​യി ഒ​ഴു​കി വെ​ള്ള​പ്പൊ​ക്ക ഭീ​ഷ​ണി ഒ​ഴി​വാ​കും എ​ന്നാ​ണ് പ്ര​തീ​ക്ഷ.