പാലക്കാട്: ജി​ല്ല​യി​ൽ ഉ​ഷ്ണ​ത​രം​ഗ സാ​ധ്യ​ത മു​ന്നി​ൽക​ണ്ട് കെ​ട്ടി​ട​ങ്ങ​ളി​ലും തീ​പിടിത്ത സാ​ധ്യ​ത​യു​ള്ള മേ​ഖ​ല​ക​ളി​ലും അ​ടി​യ​ന്ത​ര ഫ​യ​ർ ഓ​ഡി​റ്റ് ന​ട​പ്പാ​ക്കാ​ൻ ബ​ന്ധ​പ്പെ​ട്ട വ​കു​പ്പു​ക​ൾ​ക്ക് ജി​ല്ലാ ക​ള​ക്ട​ർ ജി. ​പ്രി​യ​ങ്ക നി​ർ​ദേശം ന​ൽ​കി.

മാ​ലി​ന്യനി​ക്ഷേ​പ കേ​ന്ദ്ര​ങ്ങ​ൾ, മാ​ർ​ക്ക​റ്റു​ക​ൾ, വ്യ​വ​സാ​യ മേ​ഖ​ല​ക​ൾ, കാ​ട്ടു​തീ സാ​ധ്യ​ത​യു​ള്ള വ​ന​ത്തോ​ട് ചേ​ർ​ന്നു​ള്ള പ്ര​ദേ​ശ​ങ്ങ​ൾ, ഒ​ഴി​ഞ്ഞു കാ​ട് പി​ടി​ച്ചു കി​ട​ക്കു​ന്ന സ്ഥ​ല​ങ്ങ​ൾ, പ​ട​ക്ക​നി​ർ​മാ​ണ ശാ​ല​ക​ളും വി​ല്പ​ന​കേ​ന്ദ്ര​ങ്ങ​ളും, മ​റ്റ് തീ​പി​ടിത്ത സാ​ധ്യ​ത കൂ​ടു​ത​ലു​ള്ള പൊ​തു-സ്വ​കാ​ര്യ കെ​ട്ടി​ട​ങ്ങ​ൾ, സ്ഥാ​പ​ന​ങ്ങ​ൾ എ​ന്നി​വി​ട​ങ്ങ​ളി​ൽ ഫ​യ​ർ ഓ​ഡി​റ്റ് ന​ട​പ്പി​ലാ​ക്കാ​നാ​ണ് നി​ർ​ദേ​ശം. ഉ​ഷ്ണ​ത​രം​ഗ മു​ന്നൊ​രു​ക്ക​ങ്ങ​ളു​ടെ ഭാ​ഗ​മാ​യി ഓ​ണ്‍​ലൈ​നാ​യി ചേ​ർ​ന്ന ജി​ല്ലാ ദു​ര​ന്ത നി​വാ​ര​ണ അ​ഥോ​റി​റ്റി യോ​ഗ​ത്തി​ലാ​ണ് നി​ർ​ദേശം.

ചൂ​ട് കൂ​ടു​ത​ലു​ള്ള രാ​വി​ലെ 11 മു​ത​ൽ വൈ​കുന്നേരം മൂ​ന്നു വ​രെ​യു​ള്ള സ​മ​യ​ത്ത് പാ​ർ​ക്കു​ക​ൾ പോ​ലു​ള്ള വി​ശ്ര​മകേ​ന്ദ്ര​ങ്ങ​ൾ പൊ​തു​ജ​ന​ങ്ങ​ൾ​ക്കാ​യി തു​റ​ന്നു കൊ​ടു​ക്കാ​നു​ള്ള ന​ട​പ​ടി​ക​ൾ സ്വീ​ക​രി​ക്കാ​നും ജി​ല്ല ക​ള​ക്ട​ർ നി​ർ​ദേശി​ച്ചു. ചൂ​ട് കൂ​ടു​ത​ലു​ള്ള സാ​ഹ​ച​ര്യ​ത്തി​ൽ ത​ണ്ണീ​ർപ​ന്ത​ൽ ആ​രം​ഭി​ക്കാ​നും കു​ടി​വെ​ള്ള വി​ത​ര​ണം ഉ​റ​പ്പാ​ക്കാ​നും എ​സ്ഡിആ​ർഎ​ഫ് ഉ​പ​യോ​ഗി​ച്ച് സ്ഥാ​പി​ച്ചി​ട്ടു​ള്ള വാ​ട്ട​ർ കി​യോ​സ്കു​ക​ൾ പ​രി​ശോ​ധി​ച്ച് ആ​വ​ശ്യാ​നു​സ​ര​ണം ന​ന്നാ​ക്കാ​നും തൊ​ഴി​ലു​റ​പ്പ് തൊ​ഴി​ലാ​ളിക​ളു​ടെ തൊ​ഴി​ൽ സ​മ​യ​ത്തി​ൽ ക്ര​മീ​ക​ര​ണം വ​രു​ത്താ​നും ത​ദ്ദേ​ശ സ്വ​യം​ഭ​ര​ണ വ​കു​പ്പി​ന് നി​ർ​ദേശം ന​ൽ​കി.

ഏ​റ്റ​വും ചൂ​ട് കൂ​ടു​ത​ലു​ള്ള പ​ക​ൽ 11 മു​ത​ൽ മൂ​ന്ന് വ​രെ​യു​ള്ള സ​മ​യ​ങ്ങ​ളി​ൽ വൈ​ദ്യു​തി മു​ട​ക്കം ഒ​ഴി​വാ​ക്കാ​നും പ്ര​ധാ​ന സ്ഥാ​പ​ന​ങ്ങ​ളി​ലെ വൈ​ദ്യു​തി മു​ട​ക്കം നി​യ​ന്ത്രി​ക്കാ​നും കെഎ​സ്ഇബി​യോ​ട് നി​ർ​ദേ​ശി​ച്ചു. സ്കൂ​ളു​ക​ളി​ൽ വാ​ട്ട​ർ ബെ​ൽ സ​ന്പ്ര​ദാ​യം ന​ട​പ്പി​ലാ​ക്കാ​നും കു​ടി​വെ​ള്ള ല​ഭ്യ​ത ഉ​റ​പ്പാ​ക്കാ​നും വി​ദ്യാ​ഭ്യാ​സ വ​കു​പ്പി​ന് നി​ർ​ദേശം ന​ൽ​കി. ക്ലാ​സ് മു​റി​ക​ളി​ൽ ഫാ​നു​ക​ളും കൃ​ത്യ​മാ​യ വാ​യു സ​ഞ്ചാ​ര​വും ഉ​റ​പ്പാ​ക്ക​ണം. അ​ത്യാ​വ​ശ്യ​മെ​ങ്കി​ൽ മാ​ത്ര​മേ സ്പെ​ഷൽ ക്ലാ​സു​ക​ൾ ന​ട​ത്താ​വൂ.

അ​സം​ബ്ലി​ക​ൾ, പി.ടി പി​രി​യ​ഡു​ക​ൾ എ​ന്നി​വ നി​യ​ന്ത്രി​ക്ക​ണം. യൂ​ണി​ഫോ​മു​ക​ളി​ൽ ഷൂ​സ്, സോ​ക്സ്, ടൈ ​തു​ട​ങ്ങി​യ​വ​യി​ൽ ഇ​ള​വ് ന​ൽ​കാ​നും നി​ർ​ദേശ​മു​ണ്ട്.