വ​ണ്ടി​ത്താ​വ​ളം: ബ്രോ​ഡ്ഗേ​ജ് നി​ർ​മാ​ണം പൂ​ർ​ത്തി​യാ​ക്കി വ​ർ​ഷ​ങ്ങ​ൾ ക​ഴി​ഞ്ഞി​ട്ടും പാ​ല​ക്കാ​ട്- പൊ​ള്ളാ​ച്ചി​പാ​ത​യി​ൽ മു​ൻ​കാ​ല​ങ്ങ​ളി​ൽ ഓ​ടി​യി​രു​ന്ന പാ​സ​ഞ്ച​ർ സ​ർ​വീ​സു​ക​ൾ പു​നരാ​രം​ഭി​ക്ക​ണ​മെ​ന്ന ജ​നാ​വ​ശ്യം ശ​ക്ത​മാ​കു​ന്നു. മീ​റ്റ​ർ​ഗേ​ജ് ലൈ​നു​ണ്ടാ​യി​രു​ന്ന​പ്പോ​ൾ പാ​ല​ക്കാ​ട്- രാ​മേ​ശ്വ​രം റൂ​ട്ടി​ൽ ആ​റു പെ​യ​ർ പാ​സ​ഞ്ച​ർ ട്രെ​യി​നു​ക​ളാ​ണ് സ​ർ​വീ​സ് ന​ട​ത്തി​യി​രു​ന്ന​ത്.

മു​ത​ല​മ​ട, പ​ട്ട​ഞ്ചേ​രി, പെ​രു​മാ​ട്ടി, കൊ​ല്ല​ങ്കോ​ട്, വ​ട​വ​ന്നൂ​ർ, പു​തു​ന​ഗ​രം പ​ഞ്ചാ​യ​ത്ത് പ്ര​ദേ​ശ​ങ്ങ​ളി​ലെ ആ​യി​ര​ക്ക​ണ​ക്കി​നു യാ​ത്ര​ക്കാ​ർ​ക്കു തു​ച്ഛ​മാ​യ നി​ര​ക്കി​ൽ യാ​ത്രാ​സൗ​ക​ര്യ​വു​ണ്ടാ​യി​രു​ന്നു. പാ​ല​ക്കാ​ട്ടു​നി​ന്നും രാ​മേ​ശ്വ​ര​ത്തേ​ക്ക് 50 രൂ​പ​യാ​യി​രു​ന്നു യാ​ത്രാ​നി​ര​ക്ക്. ഇ​തി​നാ​ൽ പ​ഴ​നി, മ​ധു​ര, ഏ​ർ​വാ​ടി ഉ​ൾ​പ്പെ​ടെ സ്ഥ​ല​ങ്ങ​ളി​ലേ​ക്കു യാ​ത്ര​ക്കാ​രും കൂ​ടു​ത​ലാ​യി​രു​ന്നു.

പാ​ത ബ്രോ​ഡ്ഗേ​ജാ​ക്കി മാ​റ്റു​ന്ന​തോ​ടെ കൂ​ടു​ത​ൽ ട്രെ​യി​നു​ക​ൾ ഓ​ടി​ത്തു​ട​ങ്ങു​മെ​ന്നാ​യി​രു​ന്നു അ​ധി​കൃ​ത​ർ അ​റി​യി​ച്ചി​രു​ന്ന​ത്. എ​ന്നാ​ൽ ബ്രോ​ഡ്ഗേ​ജ് നി​ർ​മാ​ണ​വും ലൈ​ൻ വൈ​ദ്യു​തീ​ക​ര​ണ​വും പൂ​ർ​ത്തി​യാ​ക്കി​യി​ട്ടും ഒ​ന്നു​മു​ണ്ടാ​യി​ല്ല.

ഇ​തു​വ​ഴി​യു​ള്ള തി​രു​ച്ചെ​ന്തൂ​ർ- പാ​ല​ക്കാ​ട് മാ​ത്ര​മാ​ണ് ഏ​ക പാ​സ​ഞ്ച​ർ ട്രെ​യി​ൻ. ഈ ​ട്രെ​യി​ൻ എ​ല്ലാ സ്റ്റേ​ഷ​നു​ക​ളി​ലും നി​ർ​ത്താ​റു​ണ്ടെ​ന്ന​തി​നാ​ൽ യാ​ത്ര​ക്കാ​രു​ടെ തി​ര​ക്കു​മു​ണ്ട്. പു​ല​ർ​ച്ചെ അ​ഞ്ച​ര​ക്കു പാ​ല​ക്കാ​ട്ടു​നി​ന്ന് പു​റ​പ്പെ​ട്ടാ​ൽ രാ​ത്രി എ​ട്ടി​നു ശേ​ഷ​മാ​ണ് തി​രി​ച്ചു​വ​രു​ന്ന​ത്.

കൊ​ല്ല​ങ്കോ​ട്ടു​മാ​ത്രം സ്റ്റോ​പ്പു​ള്ള അ​മു​ത എ​ക്സ്പ്ര​സും, പാ​ല​ക്കാ​ട്ടു​നി​ന്നും പൊ​ള്ളാ​ച്ചി​ക്കി​ട​യി​ൽ സ്റ്റോ​പ്പി​ക​ളി​ല്ലാ​തെ ഓ​ടു​ന്ന ചെ​ന്നൈ സൂ​പ്പ​ർ ഫാ​സ്റ്റു​മാ​ണ് ഈ ​റൂ​ട്ടി​ൽ നി​ല​വി​ൽ സ​ർ​വീ​സ് ന​ട​ത്തു​ന്ന​ത്.

850 കോ​ടി​യി​ല​ധി​കം ചെ​ല​വ​ഴി​ച്ചാ​ണ് പാ​ല​ക്കാ​ട് - പൊ​ള്ളാ​ച്ചി പാ​ത​ന​വീ​ക​ര​ണം ന​ട​ത്തി​യ​ത്. മു​ൻ​കാ​ല പാ​സ​ഞ്ച​ർ ട്രെ​യി​ൻ ഓ​ടി​ക്കു​ന്നി​ല്ലെ​ങ്കി​ൽ പി​ന്നീ​ട് ന​വീ​ക​ര​ണം എ​ന്തി​നാ​യി​രു​ന്നു എ​ന്ന യാ​ത്ര​ക്കാ​രു​ടെ ചോ​ദ്യ​ത്തി​നു റെ​യി​ൽ​വേ അ​ധി​കൃ​ത​ർ മ​റു​പ​ടി ന​ൽ​കു​ന്നു​മി​ല്ല.