മ​ണ്ണാ​ർ​ക്കാ​ട്: വ​നാ​തി​ർ​ത്തി പ്ര​ദേ​ശ​ങ്ങ​ളി​ൽ വ​ന്യ​മൃ​ഗ​ങ്ങ​ൾ നാ​ട്ടി​ലേ​ക്കി​റ​ങ്ങു​ന്ന സാ​ഹ​ച​ര്യ​ങ്ങ​ളി​ൽ അ​വ​യെ പ്ര​തി​രോ​ധി​ച്ചു തി​രി​കെ വ​ന​ത്തി​ലേ​ക്കു ക​യ​റ്റി പൊ​തുജ​ന​ങ്ങ​ൾ​ക്ക് സു​ര​ക്ഷ​യൊ​രു​ക്കു​ക, അ​ടി​യ​ന്ത​ര ഘ​ട്ട​ങ്ങ​ളി​ൽ ആ​ർ​ആ​ർ​ടി​യും വ​ന​പാ​ല​ക​രു​മാ​യി സ​ഹ​ക​രി​ച്ചു പ്ര​വ​ർ​ത്തി​ക്കു​ക എ​ന്ന ല​ക്ഷ്യ​ത്തോ​ടെ ത​ദ്ദേ​ശീ​യ​രാ​യ സ​ന്ന​ദ്ധ​സേ​വ​ക​രു​ടെ 15 അം​ഗ ക​ര​ടി​യോ​ട് പ്രൈ​മ​റി റെ​സ്പോ​ൺ​സ് ടീം ​ക​ര​ടി​യോ​ട് രൂ​പീ​ക​രി​ച്ചു.

വ​ന്യ-മ​നു​ഷ്യജീ​വി സം​ഘ​ർ​ഷം രൂ​ക്ഷ​മാ​യ കോ​ട്ടോ​പ്പാ​ടം ഗ്രാ​മപ​ഞ്ചാ​യ​ത്തി​ലെ ര​ണ്ടാം വാ​ർ​ഡി​ൽ​പ്പെ​ട്ട ക​ര​ടി​യോ​ട്, ഇ​ര​ട്ട​വാ​രി അ​മ്പ​ല​പ്പാ​റ എ​ന്നീ പ്ര​ദേ​ശ​ങ്ങ​ളാ​ണ് സം​ഘ​ത്തി​ന്‍റെ പ്ര​വ​ർ​ത്ത​നമേ​ഖ​ല. കോ​ട്ടോ​പ്പാ​ടം ഗ്രാ​മ​പ​ഞ്ചാ​യ​ത്ത് ര​ണ്ടാം വാ​ർ​ഡ് അം​ഗം നൂ​റു​ൽ സ​ലാ​മി​ന്‍റെ അ​ധ്യ​ക്ഷ​ത​യി​ൽ ഇ​ന്ന് അ​മ്പ​ല​പ്പാ​റ സെ​ക്ഷ​ൻ ഫോ​റ​സ്റ്റ് ഓ​ഫീ​സി​ൽ ചേ​ർ​ന്ന യോ​ഗ​ത്തി​ൽ മ​ണ്ണാ​ർ​ക്കാ​ട് റേഞ്ച് ഫോ​റ​സ്റ്റ് ഓ​ഫീ​സ​ർ എ​ൻ. സു​ബൈ​ർ ടീ​മി​ന്‍റെ ഉ​ദ്ദേ​ശ​ല​ക്ഷ്യ​ങ്ങ​ൾ വി​ശ​ദ​മാ​ക്കി.

സൈ​ല​ന്‍റ് വാ​ലി അ​സി​സ്റ്റ​ന്‍റ് വൈ​ൽ​ഡ് ലൈ​ഫ് വാ​ർ​ഡ​ൻ വി​ഷ്ണു, തി​രു​വി​ഴാം​കു​ന്ന് ഡെ​പ്യൂട്ടി റേഞ്ച് ഫോ​റ​സ്റ്റ് ഓ​ഫീ​സ​ർ കെ. ​സു​നി​ൽകു​മാ​ർ എ​ന്നി​വർ പ്രസംഗിച്ചു. തി​രു​വി​ഴാം​കു​ന്ന് ഫോ​റ​സ്റ്റ് സ്റ്റേ​ഷ​ൻ സ്റ്റാ​ഫ്, നീ​ലി​ക്ക​ൽ സെ​ക്ഷ​ൻ സ്റ്റാ​ഫ്, സ​ന്ന​ദ്ധ​സം​ഘ​ട​ന അം​ഗ​ങ്ങ​ൾ, ക​ർ​ഷ​ക​ർ മു​ത​ലാ​യ​വ​ർ യോ​ഗ​ത്തി​ൽ സം​ബ​ന്ധി​ച്ചു.