മ​ണ്ണാ​ർ​ക്കാ​ട്: ക​ണ്ട​മം​ഗ​ലം കു​ന്തി​പ്പാ​ട​ത്ത് വീ​ണ്ടും പു​ലി​യു​ടെ സാ​ന്നി​ധ്യം. പു​ലി പി​ടി​ച്ച​തെ​ന്ന് സം​ശ​യി​ക്കു​ന്ന കു​ര​ങ്ങി​ന്‍റെ അ​വ​ശി​ഷ്ടം ക​ണ്ടെ​ത്തി. ഒ​രു ദി​വ​സം പ​ഴ​ക്ക​മു​ള്ള കു​ര​ങ്ങി​ന്‍റെ അ​വ​ശി​ഷ്ട​മാ​ണ് ടാ​പ്പിം​ഗ് തൊ​ഴി​ലാ​ളി​ക​ൾ ക​ണ്ട​ത്. തു​ട​ർ​ന്ന് വ​ന​പാ​ല​ക​രെ വി​വ​ര​മ​റി​യി​ച്ചു.

വ​ന​പാ​ല​ക​ർ പ​രി​ശോ​ധ​ന ന​ട​ത്തി. കു​ര​ങ്ങി​ന്‍റെ അ​വ​ശി​ഷ്ടം ക​ണ്ടെ​ത്തി​യ​തി​ന് 25 മീ​റ്റ​ർ അ​ക​ലെ പു​ലി​യു​ടെ കാ​ൽ​പ്പാ​ടു​ക​ൾ ക​ണ്ടെ​ത്തി. പു​ലി​യും കു​ര​ങ്ങും മ​ൽ​പ്പിടു​ത്തം ന​ട​ത്തി​യ​തി​ന്‍റെ ല​ക്ഷ​ണ​ങ്ങ​ളും കാ​ണാ​നാ​യി​ട്ടു​ണ്ട്. ഇ​ട​യ്ക്കി​ടെ ഇ​വി​ടെ പു​ലി​യെ കാ​ണാ​റു​ണ്ടെ​ന്നാ​ണ് ടാ​പ്പിം​ഗ് തൊ​ഴി​ലാ​ളി​ക​ൾ പ​റ​യു​ന്ന​ത്.

ഒ​രു വ​ർ​ഷം മു​മ്പാ​ണ് പു​ലി​യു​ടെ ശ​ല്യം രൂ​ക്ഷ​മാ​യ​തി​നെ തു​ട​ർ​ന്ന് വ​ന​പാ​ല​ക​ർ കൂ​ടു​വെ​ക്കു​ക​യും പു​ലി കൂ​ട്ടി​ൽ അ​ക​പ്പെ​ടു​ക​യും ചെ​യ്ത​ത്. പു​ലി ഉ​ണ്ടെ​ന്ന് വ്യ​ക്ത​മാ​യ സ്ഥി​തി​ക്ക് ഇ​വി​ടെ വീ​ണ്ടും പു​ലി​യെ പി​ടി​ക്കു​ന്ന​തി​ന് കൂ​ട് സ്ഥാ​പി​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.

പു​ല​ർ​ച്ചെ ഒ​രുമ​ണി മു​ത​ൽ ഈ ​വ​ഴി ധാ​രാ​ളം ടാ​പ്പിം​ഗ് തൊ​ഴി​ലാ​ളി​ക​ൾ പോ​കു​ന്നു​ണ്ട്. കൂ​ടാ​തെ ഇ​വി​ടെ​യു​ള്ള വീ​ടു​ക​ളി​ൽ ധാ​രാ​ളം വ​ള​ർ​ത്തു​മൃ​ഗ​ങ്ങ​ളു​മു​ണ്ട്. മ​നു​ഷ്യ​ന്‍റെ ജീ​വ​നും സ്വ​ത്തി​നും ഭീ​ഷ​ണി​യാ​യ പു​ലി​യെ പി​ടി​ക്കു​ന്ന​തി​ന് ഉ​ട​ൻ ന​ട​പ​ടി സ്വീ​ക​രി​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.