വ​ട​ക്ക​ഞ്ചേ​രി: ക​ർ​ഷ​ക​ർ​ക്ക് അ​നു​കൂ​ല​മാ​യി യാ​തൊ​രു പ​ദ്ധ​തി​ക​ളും പ്ര​ഖ്യാ​പി​ക്കാ​തെ​യു​ള്ള സം​സ്ഥാ​ന ബ​ജ​റ്റി​ലൂ​ടെ ഇ​ട​തു സ​ർ​ക്കാ​രി​ന്‍റെ ക​ർ​ഷ​കദ്രോ​ഹ സ​മീ​പ​നം പു​റ​ത്താ​യെ​ന്ന് കേ​ര​ള ക​ർ​ഷ​ക ഫെ​ഡ​റേ​ഷ​ൻ സം​സ്ഥാ​ന ചെ​യ​ർ​മാ​ൻ കെ. ​സു​രേ​ഷ് ബാ​ബു പ​റ​ഞ്ഞു. എള​വം​പാ​ട​ത്ത് ന​ട​ന്ന കേ​ര​ള ക​ർ​ഷ​ക ഫെ​ഡ​റേ​ഷ​ന്‍റെ ജി​ല്ലാ സ​മ്മേ​ള​നം ഉ​ദ്ഘാ​ട​നം ചെ​യ്ത് പ്ര​സം​ഗി​ക്കു​ക​യാ​യി​രു​ന്നു അ​ദ്ദേ​ഹം.

മ​ഹാ​ത്മാ​ഗാ​ന്ധി ദേ​ശീ​യ ഗ്രാ​മീ​ണ തൊ​ഴി​ലു​റ​പ്പു പ​ദ്ധ​തി​യു​ടെ നി​യ​മ​ങ്ങ​ളും ച​ട്ട​ങ്ങ​ളും കേ​ര​ള​ത്തി​ന്‍റെ സ​വി​ശേ​ഷ​മാ​യ കാ​ർ​ഷി​കരം​ഗ​ത്തി​ന് പൂ​ർ​ണ​മാ​യി ഉ​പ​യോ​ഗ​പ്പെ​ടു​ത്താ​ൻ ക​ഴി​യു​ന്ന ത​ര​ത്തി​ൽ പ​രി​ഷ്ക​രി​ക്ക​ണ​മെ​ന്നും ത്രി​ത​ല പ​ഞ്ചാ​യ​ത്തു​ക​ളി​ലെ തൊ​ഴി​ലു​റ​പ്പു പ​ദ്ധ​തി പ്ര​വ​ർ​ത്ത​ന​ങ്ങ​ളും കാ​ർ​ഷി​കരം​ഗ​ത്തെ പ്ര​വ​ർ​ത്ത​ന​ങ്ങ​ളും ഏ​കോ​പി​ക്കാ​ൻ പ്രാ​ദേ​ശി​ക കാ​ർ​ഷി​കക​ല​ണ്ട​ർ ത​യ്യാ​റാ​ക്ക​ണ​മെ​ന്നും സ​മ്മേ​ള​നം ആ​വ​ശ്യ​പ്പെ​ട്ടു.

വ​ന്യ​ജീ​വി ആ​ക്ര​മ​ങ്ങ​ൾ ത​ട​യാ​ൻ സ​മ​ഗ്ര​മാ​യ പ​ദ്ധ​തി​ക​ൾ ന​ട​പ്പി​ലാ​ക്ക​ണ​മെ​ന്നും കാ​ർ​ഷി​ക വി​ള​ക​ൾ ന​ശി​പ്പി​ക്കു​ന്ന കാ​ട്ടു​പ​ന്നി​ക​ളെ കൊ​ന്ന് മാം​സം ഭ​ക്ഷി​ക്കാ​നു​ള്ള അ​നു​വാ​ദം ക​ർ​ഷ​ക​ർ​ക്ക് ന​ൽ​ക​ണ​മെ​ന്നും നെ​ൽക​ർ​ഷ​ക​രു​ടെ ദു​രി​ത​ത്തി​ന് ഫ​ല​പ്ര​ദ​മാ​യ പ​രി​ഹാ​രം കാ​ണ​ണ​മെ​ന്നും സ​മ്മേ​ള​നം അം​ഗീ​ക​രി​ച്ച പ്ര​മേ​യ​ങ്ങ​ളി​ലൂ​ടെ ആ​വ​ശ്യ​പ്പെ​ട്ടു. ഫെ​ഡ​റേ​ഷ​ൻ സം​സ്ഥാ​ന സെ​ക്ര​ട്ട​റി വി​കാ​സ് ച​ക്ര​പാ​ണി സം​ഘ​ട​നാ റി​പ്പോ​ർ​ട്ട് അ​വ​ത​രി​പ്പി​ച്ചു. ജി​ല്ലാ പ്ര​സി​ഡ​ന്‍റ് എ. ​ദി​ലീ​പ് കു​മാ​ർ അ​ധ്യ​ക്ഷ​ത വ​ഹി​ച്ചു.

ഭാ​ര​വാ​ഹി​ക​ളാ​യി എ. ദി​ലീ​പ്കു​മാ​ർ - പ്ര​സി​ഡ​ന്‍റ്, പി.​കെ. ഭ​ക്ത​ൻ, ഗോ​പാ​ല​കൃ​ഷ്ണ​ൻ - വൈ​സ് പ്ര​സി​ഡ​ന്‍റുമാ​ർ, സു​ജ അ​നി​ൽ​കു​മാ​ർ - സെ​ക്ര​ട്ട​റി, ഹ​രി​ദാ​സ് ശ്രീ​കൃ​ഷ്ണ​പു​രം , എ​സ്. റീ​ജി​ത്ത് - ജോ​യി​ന്‍റ് സെ​ക്ര​ട്ടി​മാ​ർ, കെ. ​ശി​വ​ൻ കൊ​ല്ലാ​ട് -ഖ​ജാ​ൻ​ജി എ​ന്നി​വ​രെ തെ​ര​ഞ്ഞെ​ടു​ത്തു.