ഒറ്റ​പ്പാ​ലം: മാ​ലി​ന്യ​മി​ല്ലാ​ത്ത വ്യാ​പാ​ര​സ്ഥാ​പ​ന​ങ്ങ​ൾ​പോ​ലും ഹ​രി​ത​ക​ർ​മ​സേ​നയു​ടെ യൂ​സ​ർ​ഫീ അ​ട​യ്ക്ക​ണ​മെ​ന്ന നി​ബ​ന്ധ​ന ബു​ദ്ധി​മു​ട്ടി​ക്കു​ന്ന​താ​യി വ്യാ​പാ​രി​ക​ൾ.

ലൈ​സ​ൻ​സ് പു​തു​ക്കു​ന്ന​തു​ൾ​പ്പെ​ടെ​യു​ള്ള ന​ട​പ​ടി​ക​ൾ​ക്കു ഒ​റ്റ​പ്പാ​ലം ന​ഗ​ര​സ​ഭ​യി​ലെ​ത്തു​മ്പോ​ൾ ഒ​രു​വ​ർ​ഷ​ക്കാ​ല​ത്തെ യൂ​സ​ർ​ഫീ ഒ​ന്നി​ച്ച് അ​ട​ച്ച​ശേ​ഷ​മേ അ​നു​മ​തി​യു​ള്ളു​വെ​ന്ന​താ​ണു പ്ര​ശ്ന​മെ​ന്നും കേ​ര​ള വ്യാ​പാ​രി വ്യ​വ​സാ​യി ഏ​കോ​പ​ന സ​മി​തി യൂ​ണി​റ്റ് ക​മ്മി​റ്റി പ്ര​സി​ഡ​ന്‍റ് പി.​പി. അ​ബ്ദു​ൾ ല​ത്തീ​ഫ്, ജ​ന. സെ​ക്ര​ട്ട​റി കെ.​പി. മു​ഹ​മ്മ​ദ് സ​ലീം, ഖ​ജാ​ൻ​ജി കെ.​ടി. സു​രേ​ഷ് ബാ​ബു, പി.​വി. ബ​ഷീ​ർ എ​ന്നി​വ​ർ പ​റ​ഞ്ഞു.

150 രൂ​പ​യാ​ണ് ഒ​രു​മാ​സം ന​ഗ​ര​സ​ഭാ പ​രി​ധി​യി​ലെ വ്യാ​പാ​ര​സ്ഥാ​പ​ന​ങ്ങ​ൾ ഹ​രി​ത​ക​ർ​മ​സേ​ന​യ്ക്കു യൂ​സ​ർ​ഫീ​യാ​യി ന​ൽ​കേ​ണ്ട​ത്.

ആ​കെ 1,500 സ്ഥാ​പ​ന​ങ്ങ​ളു​ള്ള​തി​ൽ 400 സ്ഥാ​പ​ന​ങ്ങ​ളി​ൽ മാ​ലി​ന്യം വ​ള​രെ​കു​റ​വോ തീ​രെ​യി​ല്ലാ​ത്ത​തോ ആ​ണ്. ഇ​ത്ത​രം സ്ഥാ​പ​ന​ങ്ങ​ൾ​ക്കും മാ​ലി​ന്യ​മി​ല്ലെ​ങ്കി​ലും പ​ണം ന​ൽ​കേ​ണ്ടി​വ​രു​ന്നു​ണ്ട്. യൂ​സ​ർ​ഫീ ന​ൽ​കു​ന്ന​തി​ന് മാ​ലി​ന്യം നി​ശ്ചി​ത അ​ള​വി​ൽ കൂ​ടു​ത​ലു​ള്ള​വ​ർ, കു​റ​വു​ള്ള​വ​ർ, തീ​രെ​യി​ല്ലാ​ത്ത​വ​ർ എ​ന്നി​ങ്ങ​നെ മൂ​ന്ന് വി​ഭാ​ഗ​മാ​ക്ക​ണ​മെ​ന്നും വ്യാ​പാ​രി​ക​ൾ ആ​വ​ശ്യ​പ്പെ​ട്ടു.

യൂ​സ​ർ​ഫീ ന​ൽ​കു​ന്ന​തി​ന് പ്ര​ത്യേ​ക മാ​ന​ദ​ണ്ഡ​മു​ണ്ടാ​ക്കി ന​ട​പ്പാ​ക്ക​ണ​മെ​ന്നാ​വ​ശ്യ​പ്പെ​ട്ട് ഒ​റ്റ​പ്പാ​ലം ന​ഗ​ര​സ​ഭ​യെ പ​രാ​തി​യു​മാ​യി സ​മീ​പി​ച്ചി​രു​ന്നെ​ങ്കി​ലും ഇ​തു​വ​രെ ന​ട​പ​ടി​ക​ളു​ണ്ടാ​യി​ല്ലെ​ന്നും ഇ​തി​ൽ പ്ര​തി​ഷേ​ധി​ച്ച് നാളെ രാ​വി​ലെ പ​ത്തി​ന് ഒ​റ്റ​പ്പാ​ലം ന​ഗ​ര​സ​ഭ​യി​ലേ​ക്ക് മാ​ർ​ച്ച് ന​ട​ത്തു​മെ​ന്നും ഭാ​ര​വാ​ഹി​ക​ൾ പ​റ​ഞ്ഞു.

അ​തേ​സ​മ​യം, സ​ർ​ക്കാ​ർ നി​ർ​ദേ​ശ​പ്ര​കാ​ര​മു​ള്ള യൂ​സ​ർ​ഫീ​യാ​ണ് ഈ​ടാ​ക്കു​ന്ന​തെ​ന്നും ന​ഗ​ര​സ​ഭ​യ്ക്ക് ഒ​റ്റ​യ്ക്ക് ഈ ​വി​ഷ​യ​ത്തി​ൽ തീ​രു​മാ​ന​മെ​ടു​ക്കാ​നാ​കി​ല്ലെ​ന്നും ന​ഗ​ര​സ​ഭാ അ​ധി​കൃ​ത​ർ പ്ര​തി​ക​രി​ച്ചു.