നെ​ന്മാ​റ: ഗ്രാ​മീ​ണ​മേ​ഖ​ല​യി​ലെ ച​ക്ക​യ്ക്ക് ന​ല്ല കാ​ലം. നാ​ട്ടി​ൻ​പു​റ​ങ്ങ​ളി​ലും മ​ല​യോ​ര​മേ​ഖ​ല​യി​ലും ച​ക്ക കാ​യ്ച്ചു തു​ട​ങ്ങി​യ​തോ​ടെ ച​ക്ക വി​പ​ണി​യും സ​ജീ​വ​മാ​യി. മൂ​പ്പ് എ​ത്താ​ത്ത ച​ക്ക​യ്ക്കാ​ണ് ക​ച്ച​വ​ട​ക്കാ​ർ നാ​ട്ടി​ൻ​പു​റ​ങ്ങ​ളി​ൽ എ​ത്തു​ന്ന​ത്. ര​ണ്ട് കി​ലോ​യോ​ളം വ​ലി​പ്പം വ​രു​ന്ന ഇ​ടി​ച്ച​ക്ക പ​രു​വ​ത്തി​ലു​ള്ള ച​ക്ക​യ്ക്ക് 20 രൂ​പ ക​ണ​ക്കാ​ക്കി​യാ​ണ് വ്യാ​പാ​രി​ക​ൾ ച​ക്ക വാ​ങ്ങു​ന്ന​ത്.

വ​ലി​പ്പം കൂ​ടു​ന്ന​തി​ന് ആ​നു​പാ​തി​ക​മാ​യ വി​ല​യും കൂ​ട്ടി ന​ൽ​കു​ന്നു​ണ്ട്. ക​ച്ച​വ​ട​ക്കാ​ർ ത​ന്നെ പ്ലാ​വു​ക​ളി​ൽ ക​യ​റി വെ​ട്ടി​യി​റ​ക്കി ആ​ണ് കൊ​ണ്ടു പോ​കു​ന്ന​ത്. ഉ​ട​മ​ക​ൾ​ക്ക് പ്ര​ത്യേ​ക അ​ധ്വാ​ന​മി​ല്ലാ​തെ ല​ഭി​ക്കു​ന്ന ആ​ദാ​യ​മാ​യ​തി​നാ​ൽ വ്യാ​പാ​രി​ക​ൾ പ​റ​യു​ന്ന വി​ല​ക്ക് വീ​ട്ടു​കാ​ർ ച​ക്ക ന​ൽ​കു​ക​യാ​ണ് ചെ​യ്യു​ന്ന​ത്. പൂ​ർ​ണ​വ​ള​ർ​ച്ച​യെ​ത്താ​ത്ത ഏ​തു ഇ​നം ച​ക്ക​യും ഇ​വ​ർ സം​ഭ​രി​ക്കു​ന്നു​ണ്ട്. ഇ​തു​മൂ​ലം മ​ധു​രം ഇ​ല്ലാ​ത്ത​വ, കൂ​ഴ​ച്ച​ക്ക, വ​രി​ക്ക തു​ട​ങ്ങി പ​ഴ​ത്തി​ന് ഉ​പ​യോ​ഗി​ക്കാ​ൻ പ​റ്റാ​ത്ത ച​ക്ക​യ്ക്കു​വ​രെ ആ​വ​ശ്യ​ക്കാ​രാ​യി. കാ​ട്ടാ​ന, കു​ര​ങ്ങ്, മ​ല​യ​ണ്ണാ​ൻ, മ​യി​ൽ, കാ​ക്ക തു​ട​ങ്ങി​യ​വ മൂ​ലം ഉ​ണ്ടാ​കു​ന്ന ശ​ല്യ​വും പ​ച്ച​ച്ച​ക്ക പ​റി​ച്ചു​നീ​ക്കു​ന്ന​തോ​ടെ ഒ​ഴി​യു​ന്നു​ണ്ടെ​ന്നും മ​ല​യോ​ര​മേ​ഖ​ല​യി​ലെ കൃ​ഷി​യി​ട​ങ്ങ​ളി​ൽ വ​ന്യ​മൃ​ഗ​ങ്ങ​ൾ മൂ​ല​മു​ള്ള നാ​ശ​ത്തി​നും ഒ​രു പ​രി​ധി​വ​രെ പ​രി​ഹാ​ര​മാ​കു​ന്നു​ണ്ടെ​ന്ന് ക​ർ​ഷ​ക​ർ പ​റ​യു​ന്നു.

നാ​ട്ടി​ൻ​പു​റ​ങ്ങ​ളി​ലെ വീ​ട്ടു​വ​ള​പ്പു​ക​ളി​ലെ ഇ​ടി​ച്ച​ക്ക​യു​ടെ ആ​വ​ശ്യം ക​ഴി​ഞ്ഞാ​ൽ, ക​ന്നു​കാ​ലി​ക​ൾ​ക്ക് തീ​റ്റ​യാ​ക്കി വെ​ട്ടി കൊ​ടു​ക്കാ​റാ​ണ് പ​തി​വ്. വ​ലി​യ മ​ര​ങ്ങ​ളി​ൽ ക​യ​റി പ​ഴു​ക്കാ​റാ​യ ച​ക്ക കേ​ടു​കൂ​ടാ​തെ താ​ഴെ​യി​റ​ക്കാ​നും കൂ​ടു​ത​ൽ അ​ധ്വാ​നം വ​രു​ന്ന​തി​നാ​ൽ മി​ക്ക​യി​ട​ത്തും ച​ക്ക പാ​ഴാ​വു​ക​യാ​ണ് ചെ​യ്തി​രു​ന്ന​ത്. സാ​ധാ​ര​ണ പ​ഴു​ത്ത ച​ക്ക വ്യാ​പാ​രി​ക​ൾ അ​യ​ൽ​സം​സ്ഥാ​ന​ത്ത് വി​പ​ണി ല​ക്ഷ്യ​മാ​ക്കി കൊ​ണ്ടു​പോ​യാ​ലാ​യി എ​ന്ന സ്ഥി​തി​യാ​ണ്. പെ​ട്ടി ഓ​ട്ടോ​റി​ക്ഷ പോ​ലെ​യു​ള്ള ചെ​റു വാ​ഹ​ന​ങ്ങ​ളി​ൽ മ​രം ക​യ​റു​ന്ന ആ​ളെ​യും കൂ​ട്ടി​യാ​ണ് നാ​ട്ടി​ൻ​പു​റ​ങ്ങ​ളി​ൽ പ​ച്ച​ച​ക്ക​യ്‌​ക്കാ​യി വ്യാ​പാ​രി​ക​ൾ എ​ത്തു​ന്ന​ത്. പ​ഴു​ക്കാ​റാ​യ ച​ക്ക ഒ​ഴി​വാ​ക്കി​യാ​ണ് വ്യാ​പാ​രി​ക​ൾ ച​ക്ക സം​ഭ​രി​ക്കു​ന്ന​ത്. തീ​രെ ചെ​റി​യ ച​ക്ക​ക​ൾ മ​ര​ത്തി​ൽ ത​ന്നെ നി​ർ​ത്തി ആ​ഴ്ച​ക​ൾ​ക്ക് ശേ​ഷം വീ​ണ്ടും വ​ന്നു സം​ഭ​രി​ക്കു​ന്നു​മു​ണ്ട്.

വ​ട​ക്ക​ഞ്ചേ​രി കേ​ന്ദ്ര​മാ​യു​ള്ള മൊ​ത്ത​ക​ച്ച​വ​ട​ക്കാ​ർ​ക്ക് പ്രാ​ദേ​ശി​ക​മാ​യി സം​ഭ​രി​ക്കു​ന്ന ച​ക്ക​ക​ൾ ചെ​റു​കി​ട​വ്യാ​പാ​രി​ക​ൾ വേ​ബ്രി​ഡ്ജ് തൂ​ക്ക​ത്തി​നാ​ണ് ന​ൽ​കു​ന്ന​ത്. വ​ട​ക്ക​ഞ്ചേ​രി​യി​ൽ നി​ന്നും ദി​വ​സ​വും മൂ​ന്നും നാ​ലും ലോ​റി ച​ക്ക​യാ​ണ് ത​മി​ഴ്നാ​ട്, പൂ​നെ, ഡ​ൽ​ഹി, മും​ബൈ, ഹൈ​ദ​രാ​ബാ​ദ് തു​ട​ങ്ങി​യ സ്ഥ​ല​ങ്ങ​ളി​ലേ​ക്ക് കൊ​ണ്ടു​പോ​കു​ന്ന​ത്. പ​ച്ച​ച​ക്ക പൊ​ടി​ച്ച് ഉ​ണ​ക്ക​പ്പൊ​ടി​യാ​യും, ചി​ല ഭ​ക്ഷ്യ പ​ദാ​ർ​ഥ​ങ്ങ​ളി​ലേ​ക്കും, പ്ര​ത്യേ​ക വി​ഭ​വ​ങ്ങ​ൾ ഉ​ണ്ടാ​ക്കാ​നു​മാ​ണ് ഉ​പ​യോ​ഗി​ക്കു​ന്ന​ത്. നാ​ല​ഞ്ചു വ​ർ​ഷ​ങ്ങ​ളാ​യി വ​ട​ക്കേ ഇ​ന്ത്യ​ൻ സം​സ്ഥാ​ന​ങ്ങ​ളി​ലേ​ക്കു​ള്ള പ​ച്ച​ച​ക്ക​യു​ടെ ആ​വ​ശ്യം അ​ധി​ക​രി​ച്ച​ത് ഗ്രാ​മീ​ണ​മേ​ഖ​ല​യി​ലും ചെ​റു​കി​ടക​ച്ച​വ​ട​ക്കാ​ർ​ക്കും നേ​ട്ട​മാ​യി. ത​മി​ഴ്നാ​ട്ടി​ലെ ബ​ണ്ടു​രു​ട്ടി മേ​ഖ​ല​യി​ൽ ച​ക്ക പ്ലാ​ന്‍റേ​ഷ​നു​ക​ളാ​യി കൃ​ഷി ചെ​യ്യു​ന്നു​ണ്ടെ​ങ്കി​ലും ഇ​നി​യും മാ​സ​ങ്ങ​ൾ ക​ഴി​ഞ്ഞേ വി​ള​വെ​ടു​പ്പി​ന് പാ​ക​മാ​കൂ.