ക​ല്ല​ടി​ക്കോ​ട്: കാ​ഞ്ഞി​ക്കുളം ത​ത്രം​കാ​വ് ക്ഷേ​ത്ര​ത്തി​ലെ ഓ​ഫീ​സും ഭ​ണ്ഡാ​ര​വും കു​ത്തിതുറ​ന്നു മോ​ഷ​ണം. ക്ഷേ​ത്ര​ത്തി​ലെ ഓ​ഫീ​സി​ൽ വെ​ച്ച 4000 രൂ​പ​യും വ​ഴി​പാ​ട് ആ​യി കി​ട്ടി​യ താ​ലി, ചെ​റി​യ ബ്രേ​സ് ല​റ്റ്, ക​മ്മ​ൽ, ആ​ൾ​രൂ​പ​ങ്ങ​ൾ അ​ട​ക്കം മോ​ഷ​ണം പോ​യി.​ പു​ല​ർ​ച്ചെ 2.30 യോ​ടെ​യാ​യി​രി​ന്നു മോ​ഷ​ണം. സ്ഥ​ല​ത്ത് പോ​ലീ​സ് എ​ത്തി പ​രി​ശോ​ധ​ന ന​ട​ത്തി.

രാ​വി​ലെ 5.45 യോ​ടെ ക്ഷേ​ത്ര ജീ​വ​ന​ക്കാ​ര​ൻ ചി​തം​ബ​ര​ൻ ഓ​ഫീ​സ് റൂം ​തു​റ​ക്കാ​ൻ വ​ന്ന​പ്പോ​ളാ​ണ് റൂ​മി​ന്‍റെ പൂ​ട്ട് പൊ​ളി​ച്ച നി​ല​യി​ൽ ക​ണ്ട​ത്. ഉ​ട​ൻത​ന്നെ ക്ഷേ​ത്രം പ്ര​സി​ഡ​ന്‍റ് അ​നൂ​പ്കു​മാ​റി​നെ അ​റി​യി​ക്കു​ക​യും തു​ട​ർ​ന്ന് ന​ട​ത്തി​യ തെര​ച്ചി​ലാ​ണ് മോ​ഷ​ണം ന​ട​ന്ന​താ​യി ശ്ര​ദ്ധ​യി​ൽ​പെ​ട്ട​ത്. ഉ​ട​നെ പോ​ലീ​സി​ൽ അ​റി​യി​ക്കു​ക​യാ​യി​രു​ന്നു.​

അ​ല​മാ​ര​യും മേ​ശ​വ​ലിപ്പും ക​മ്പി​പ്പാ​ര ഉ​പ​യോ​ഗി​ച്ച് പൊ​ളി​ച്ചു. അ​ല​മാ​ര​യു​ടെ ഉ​ള്ളി​ലെ ലോ​ക്ക​റും പൊ​ളി​ച്ച് അ​തി​ൽ സൂ​ക്ഷി​ച്ച പൈ​സ​യും സ്വ​ർ​ണങ്ങ​ളും എ​ടു​ത്തശേ​ഷം അ​തി​ൽ സൂ​ക്ഷി​ച്ച ക്ഷേ​ത്ര​ഭ​ണ്ഡാ​ര​ത്തി​ന്‍റെ താ​ക്കോ​ൽ എ​ടു​ത്ത് വേ​റെ ഒ​രു ക​മ്പി​പ്പാര​യും താ​ക്കോ​ലും ഉ​പ​യോ​ഗി​ച്ച് വ​ലി​യ ഭ​ണ്ഡാ​രം തു​റ​ന്ന​ത്. തു​ട​ർ​ന്ന് ക്ഷേ​ത്ര​മു​റ്റ​ത്തെ ചെ​റു​തും ഉ​പദൈ​വ​ങ്ങ​ളു​ടെ അ​രി​കി​ൽ സ്ഥാ​പി​ച്ച മ​റ്റു ര​ണ്ടു ഭ​ണ്ഡാ​ര​ങ്ങ​ളും മോ​ഷ്ടാ​വ് പൊ​ളി​ച്ചു.

അ​ല​മാ​ര​യി​ലെ​യും ഭ​ണ്ഡാ​ര​ത്തി​ലെ​യും നോ​ട്ടു​ക​ൾ എ​ടു​ത്ത് ചി​ല്ലറ പൈ​സ​ക​ൾ ക്ഷേ​ത്ര​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ ഉ​പേ​ക്ഷി​ച്ചു. ക്ഷേ​ത്ര​ത്തി​ലെ ക്ലോ​ക്ക് തൊ​ടി​യി​ൽ ഉ​പേ​ക്ഷി​ച്ച നി​ല​യി​ലും ക​ണ്ടെ​ത്തി. മു​ഖം മു​ണ്ട് കൊ​ണ്ട് മ​റച്ചാ​ണ് മോ​ഷ്ടാ​വ് ഈ ​കൃ​ത്യ​ങ്ങ​ൾ ചെ​യ്ത​ത്. രാ​വി​ലെ ഏ​ഴു മ​ണി​ക്ക് സ്ഥ​ല​ത്ത് എ​ത്തി​യ പോ​ലീ​സ് പ​രി​ശോ​ധ​ന​ക​ൾ ന​ട​ത്തി. ഉ​ച്ച​ക്ക് ശേ​ഷം​ വി​ര​ല​ട​യാ​ള വി​ദഗ്ധ​രും, ഡോ​ഗ് സ്ക്വ​ാഡും സ്ഥ​ല​ത്ത് പ​രി​ശോ​ധ​ന ന​ട​ത്തി.