വ​ട​ക്ക​ഞ്ചേ​രി: 14 വ​ർ​ഷം നീ​ണ്ട കാ​ത്തി​രി​പ്പി​നു ശേ​ഷം സ​ർ​ക്കാ​ർ ക​മ്യൂ​ണി​റ്റി കോ​ള​ജി​ന് സ്വ​ന്തം കെ​ട്ടി​ടം എ​ന്ന സ്വ​പ്നം യ​ഥാ​ർ​ഥ്യ​മാ​കു​ന്നു. അ​ടു​ത്ത അ​ധ്യ​യ​നവ​ർ​ഷംമു​ത​ൽ വ​ട​ക്ക​ഞ്ചേ​രി​യി​ൽ വാ​ട​ക കെ​ട്ടി​ട​ത്തി​ൽ പ്ര​വ​ർ​ത്തി​ക്കു​ന്ന ക​മ്യൂ​ണി​റ്റി കോ​ള​ജും ടൗ​ണി​ൽ മ​റ്റൊ​രു വാ​ട​ക കെ​ട്ടി​ട​ത്തി​ൽ പ്ര​വ​ർ​ത്തി​ക്കു​ന്ന ഫു​ഡ് ക്രാ​ഫ്റ്റ് ഇ​ൻ​സ്റ്റി​റ്റ്യൂ​ട്ടും സ്വ​ന്തം കെ​ട്ടി​ട​ത്തി​ലേ​ക്ക് പ്ര​വ​ർ​ത്ത​നം ആ​രം​ഭി​ക്കു​മെ​ന്ന് മ​ന്ത്രി ഒ.ആ​ർ. കേ​ളു പ​റ​ഞ്ഞു.

ക​ണ​ക്ക​ൻ​തു​രു​ത്തി റോ​ഡി​ൽ മ​ണ്ണാം​പ​റ​മ്പി​ൽ നി​ർ​മാ​ണം ന​ട​ക്കു​ന്ന കോ​ള​ജ് കെ​ട്ടി​ടം സ​ന്ദ​ർ​ശി​ച്ച് സം​സാ​രി​ക്കു​ക​യാ​യി​രു​ന്നു അ​ദേ​ഹം.​ മാ​ർ​ച്ച് 31 ന​കം കോ​ള​ജ് കെ​ട്ടി​ട​ത്തി​ന്‍റെ​യും ഹോ​സ്റ്റ​ലി​ന്‍റെയും നി​ർ​മാ​ണം പൂ​ർ​ത്തീ​ക​രി​ക്ക​ണ​മെ​ന്ന് മ​ന്ത്രി നി​ർ​ദേ​ശം ന​ല്കി. 2012 ലാ​ണ് കേ​ര​ള​ത്തി​ലെ ത​ന്നെ ഏ​ക ക​മ്യൂണി​റ്റി കോ​ള​ജ് വ​ട​ക്ക​ഞ്ചേ​രി​യി​ൽ പ്ര​വ​ർ​ത്ത​നം തു​ട​ങ്ങി​യ​ത്.​സ്ഥ​ലം എം​എ​ൽ​എ​യാ​യി​രു​ന്ന എ.​കെ.​ബാ​ല​ന്‍റെ ശ്ര​മ​ഫ​ല​മാ​യാ​ണ് കോ​ള​ജ് വ​ന്ന​ത്.

സ​ർ​ട്ടി​ഫി​ക്ക​റ്റ് പ്രോ​ഗ്രാം ഇ​ൻ പ്രി​സി​ഷ​ൻ മെ​ഷ​നി​സ്റ്റ് എ​ന്ന കോ​ഴ്സാ​ണ് ഇ​വി​ടെ​യു​ള്ള​ത്. പ​ട്ടി​ക​ജാ​തി വി​ഭാ​ഗം വി​ദ്യാ​ർ​ഥി​ക​ൾ​ക്ക് മു​ൻ​ഗ​ണ​ന ന​ൽ​കി​യാ​ണ് പ്ര​വേ​ശ​ന ന​ട​പ​ടി​ക​ൾ.

2018 ജൂ​ൺ 16ന് ​അ​ന്ന​ത്തെ പ​ട്ടി​ക​ജാ​തി-​പ​ട്ടി​ക​വ​ർ​ഗ വ​കു​പ്പു മ​ന്ത്രി​യാ​യി​രു​ന്ന എ.​കെ.​ ബാ​ല​ൻ മ​ണ്ണാം​പ​റ​മ്പി​ൽ കോ​ള​ജ് കെ​ട്ടി​ട​ത്തി​നാ​യി ശി​ലാ​സ്ഥാ​പ​നം ന​ട​ത്തി.​

എ​ന്നാ​ൽ സ​ർ​ക്കാ​രി​ന്‍റെ സാ​മ്പ​ത്തി​ക പ്ര​തി​സ​ന്ധി​യി​ൽ ഇ​ട​ക്ക് നി​ർ​ത്തി​വ​ച്ചും തു​ട​ങ്ങി​യു​മാ​ണ് ഇ​പ്പോ​ൾ കെ​ട്ടി​ട നി​ർ​മാ​ണ പ്ര​വൃ​ത്തി​ക​ൾ അ​ന്തി​മ​ഘ​ട്ട​ത്തി​ലെ​ത്തി​യി​ട്ടു​ള്ള​ത്.

റ​വ​ന്യു വ​കു​പ്പ് അ​നു​വ​ദി​ച്ച 75 സെ​ന്‍റ് സ്ഥ​ല​ത്താ​ണ് കോ​ള​ജ് കെ​ട്ടി​ട​വും ഹോ​സ്റ്റ​ൽ കെ​ട്ടി​ട​വും പൂ​ർ​ത്തി​യാ​കു​ന്ന​ത്. നി​ല​വി​ൽ വാ​ട​കകെ​ട്ടി​ട​ത്തി​ൽ പ്ര​വ​ർ​ത്തി​ക്കു​ന്ന കോ​ള​ജ് കെ​ട്ടി​ട​വും ഫു​ഡ് ക്രാ​ഫ്റ്റ് ഇ​ൻ​സ്റ്റി​റ്റ്യൂ​ട്ടി​ലും മ​ന്ത്രി സ​ന്ദ​ർ​ശ​നം ന​ട​ത്തി.​

പി.പി. ​സു​മോ​ദ് എം​എ​ൽ​എ യും ​മ​റ്റു വ​കു​പ്പുത​ല ഉ​ദ്യോ​ഗ​സ്ഥ​രും മ​ന്ത്രി​ക്കൊ​പ്പ​മു​ണ്ടാ​യി​രു​ന്നു. ഏ​ഴ​ര കോ​ടി രൂ​പ ചെ​ല​വ​ഴി​ച്ചാ​ണ് പു​തി​യ കെ​ട്ടി​ടം യാ​ഥാ​ർ​ഥ്യ​മാ​യ​ത്.