ചി​റ്റൂ​ർ: പെ​രു​മാ​ട്ടി ഗ്രാ​മ​പ​ഞ്ചാ​യ​ത്തി​ന്‍റെ മീ​നാ​ക്ഷി​പു​രം ബ​സ് സ്റ്റാ​ൻ​ഡ് കെ​ട്ടി​ടം ത​ക​ർ​ന്ന് വ​ർ​ഷം നാ​ലു ക​ഴി​ഞ്ഞി​ട്ടും പു​ന​ർ​നി​ർ​മാ​ണം വൈ​കു​ന്ന​തി​ൽ ജ​ന​കീ​യ പ്ര​തി​ഷേ​ധം വ്യാ​പ​കം. കെ​ട്ടി​ടം പൊ​ളി​ച്ചു പ​ണി​യു​മെ​ന്ന് ര​ണ്ടു വ​ർ​ഷം മു​ന്പ് നോ​ട്ടീ​സ് ന​ൽ​കി മി​ക്ക വ്യാ​പാ​ര സ്ഥാ​പ​ന​ങ്ങ​ളേ​യും ഒ​ഴി​പ്പി​ച്ചു. ഉ​ട​ൻ പു​ന​ർ​നി​ർ​മാ​ണം ആ​രം​ഭി​ക്കു​മെ​ന്ന് പ്ര​ഖ്യാ​പി​ച്ച് ഒ​ന്ന​ര വ​ർ​ഷം പി​ന്നി​ട്ടു.

ത​മി​ഴ്നാ​ടി​ന്‍റെ​ത് ഉ​ൾ​പ്പെ​ടെ 30 ബ​സു​ക​ൾ നി​ത്യേ​ന സ്റ്റാ​ൻ​ഡി​ലെ​ത്തി മ​ട​ങ്ങു​ന്നു​ണ്ട്. എ​ന്നാ​ൽ സ്റ്റാ​ൻ​ഡി​ന​ക​ത്ത് നി​ൽ​ക്കാ​ൻ സ്ഥ​ല​മി​ല്ലാ​ത്ത​തി​നാ​ൽ കൈ​ക്കു​ഞ്ഞു​ങ്ങ​ൾ ഉ​ൾ​പ്പെ​ടെ സ്ത്രീ​ക​ളും മ​റ്റു യാ​ത്ര​ക്കാ​രും റോ​ഡ​രി​കി​ലെ വ്യാ​പാ​ര​സ്ഥാ​പ​ന​ങ്ങ​ൾ​ക്ക് മു​ന്നി​ലാ​ണ് ബ​സ് കാ​ത്തു​നി​ൽ​ക്കു​ന്ന​ത്. വേ​ന​ൽ ശ​ക്ത​മാ​യ​തോ​ടെ പ്ര​ദേ​ശ​ത്ത് കൊ​ടും​ചൂ​ടും അ​നു​ഭ​വ​പ്പെ​ടു​ന്നു​ണ്ട് . ത​ത്ത​മം​ഗ​ലം, അ​ത്തി​മ​ണി, വ​ണ്ടി​ത്താ​വ​ളം, ക​ന്നി​മാ​രി, പ്ലാ​ച്ചി​മ​ട ഉ​ൾ​പ്പെ​ടെ സ്ഥ​ല​ങ്ങ​ളി​ൽ നി​ന്നും പൊ​ള്ളാ​ച്ചി​യി​ലേ​ക്കു​ള്ള യാ​ത്ര​ക്കാ​ർ മീ​നാ​ക്ഷി​പു​രം​സ്റ്റാ​ൻ​ഡി​ലി​റ​ങ്ങി​യാ​ണ് ത​മി​ഴ്നാ​ട് സ​ർ​വീ​സ് ബ​സി​ൽ ക​യ​റു​ന്ന​ത്.

സ്റ്റാ​ൻ​ഡി​ന​ക​ത്ത് യാ​ത്ര​ക്കാ​ർ എ​ത്താ​ത്ത​തി​നാ​ൽ ബ​സു​ക​ൾ റോ​ഡ​രി​കി​ലെ മ​ര​ത്ത​ണ​ലി​ൽ നി​ർ​ത്തി പു​റ​പ്പെ​ടു​ന്ന സ​മ​യ​ത്താ​ണ് സ്റ്റാ​ൻ​ഡി​ലെ​ത്തു​ന്ന​ത്. വ്യാ​പാ​ര​സ്ഥാ​പ​ന​ങ്ങ​ൾ ഒ​ഴി​പ്പി​ച്ച​തോ​ടെ വാ​ട​ക​യി​ന​ത്തി​ൽ​പ​ഞ്ചാ​യ​ത്തി​നു ല​ഭി​ച്ചി​രു​ന്ന വ​രു​മാ​ന​വും നി​ല​ച്ചി​രി​ക്കു​ക​യാ​ണ്. കൊ​ടു​വാ​യൂ​ർ -പൊ​ള്ളാ​ച്ചി അ​ന്ത​ർ​സം​സ്ഥാ​ന പാ​ത​യെ​ന്ന​തി​നാ​ൽ സ​ർ​വീ​സ് ബ​സു​ക​ൾ​ക്ക് പു​റ​മെ വി​നോ​ദ-​തീ​ർ​ഥാ​ട​ന വാ​ഹ​ന​ങ്ങ​ളും ച​ര​ക്കു​ലോ​റി​ക​ളും ഓ​ടു​ന്ന​തി​നാ​ൽ യാ​ത്ര​ക്കാ​ർ റോ​ഡ​രി​കി​ൽ ബ​സ് കാ​ത്തു​നി​ൽ​ക്കു​ന്ന​ത് തീ​ർ​ത്തും സു​ര​ക്ഷ​യി​ല്ലാ​തെ​യാ​ണ്.