മം​ഗ​ലം​ഡാം: ക​രി​ങ്ക​യം ഫോ​റ​സ്റ്റ് സ്റ്റേ​ഷ​ന​ടു​ത്തു​ള്ള തേ​ക്കുതോ​ട്ട​ത്തി​ൽ തേ​ക്കുമ​ര​ങ്ങ​ൾ മു​റി​ക്ക​ൽ തു​ട​ങ്ങി. 10.9 ഹെ​ക്ട​ർ പ്ര​ദേ​ശ​ത്ത് വ​രു​ന്ന 2683 മ​ര​ങ്ങ​ളാ​ണ് ഇ ​ടെ​ൻ​ഡ​ർ ന​ട​പ​ടി​ക​ൾ പൂ​ർ​ത്തി​യാ​ക്കി മു​റി​ക്ക​ൽ ആ​രം​ഭി​ച്ചി​ട്ടു​ള്ള​ത്. 2683 മ​ര​ങ്ങ​ളി​ൽ 2038 മ​ര​ങ്ങ​ളും തേ​ക്ക് ത​ന്നെ​യാ​ണ്. ഇ​തി​ൽ 200 ഇ​ഞ്ച് വ​ണ്ണ​മു​ള്ള വ​ലി​യ തേ​ക്ക് മ​ര​ങ്ങ​ളു​മു​ണ്ട്. ഈ​ട്ടി, ച​ട​ച്ചി തു​ട​ങ്ങി​യ​വ​യും പാ​ഴ്മ​ര​ങ്ങ​ളും കൂ​ട്ട​ത്തി​ലു​ണ്ട്. 60 വ​ർ​ഷ​ത്തി​ൽ കൂ​ടു​ത​ൽ പ്രാ​യ​മാ​യ തേ​ക്ക് മ​ര​ങ്ങ​ളാ​ണ് എ​ല്ലാം ത​ന്നെ. 60 ഇ​ഞ്ച് വ​ണ്ണ​ത്തി​ൽ കൂ​ടു​ത​ലു​ള്ള തേ​ക്ക് ത​ടി​ക​ൾ വ​ന​ംവ​കു​പ്പി​ന്‍റെ വാ​ള​യാ​ർ ഡി​പ്പോ​യി​ലേ​ക്ക് മാ​റ്റും.

വ​ണ്ണം കു​റ​ഞ്ഞ ത​ടി​ക​ളും ക​ഴ​ക​ളും വി​റ​കും ക​രി​ങ്ക​യ​ത്ത് ത​ന്നെ ലേ​ലം ചെ​യ്ത് വി​ല്പന ന​ട​ത്തു​മെ​ന്ന് വ​നം​വ​കു​പ്പ് അ​ധി​കൃ​ത​ർ പ​റ​ഞ്ഞു. തി​രു​വ​ന​ന്ത​പു​ര​ത്തു​ള്ള​യാ​ളാ​ണ് കോ​ടി​ക​ളേ​റെ വി​ല​മ​തി​ക്കു​ന്ന തേ​ക്ക് ത​ടി​ക​ൾ മു​റി​ച്ച് ഡി​പ്പോ​യി​ലേ​ക്ക് മാ​റ്റാ​ൻ ക​രാ​ർ എ​ടു​ത്തി​ട്ടു​ള്ള​ത്. മ​ര​ങ്ങ​ൾ മു​റി​ച്ചു​മാ​റ്റി പു​തി​യ തേ​ക്ക് പ്ലാ​ന്‍റിം​ഗ് ന​ട​ത്തും.

2000 ഏ​ക്ക​ർ വ​രു​ന്ന സ്ഥ​ല​മാ​ണ് വ​നം വ​കു​പ്പി​ന്‍റെ അ​ധീ​ന​ത​യി​ലു​ള്ള ക​രി​ങ്ക​യം തേ​ക്ക് പ്ലാ​ന്‍റേ​ഷ​ൻ. അ​തേ​സ​മ​യം വ​ൻ അ​ഴി​മ​തി​ക​ൾ​ക്ക് കാ​ര​ണ​മാ​കു​ന്ന മ​രംമു​റി സം​ബ​ന്ധി​ച്ച് സ​ത്യ​സ​ന്ധ​രാ​യ ഉ​ദ്യോ​ഗ​സ്ഥ​രു​ടെ മേ​ൽ​നോ​ട്ട​ത്തി​ൽ പ​രി​ശോ​ധ​ന​ക​ളും ക​ണ​ക്കെ​ടു​പ്പു​ക​ളും യ​ഥാ​സ​മ​യം ഉ​ണ്ടാ​ക​ണ​മെ​ന്ന ആ​വ​ശ്യ​വും ഉ​യ​ർ​ന്നി​ട്ടു​ണ്ട്.