വേ​ലൂ​പ്പാ​ടം: പു​ലി​ക്ക​ണ്ണി​യി​ല്‍ കൂ​റ്റ​ന്‍​മ​രം റോ​ഡി​ലേ​ക്ക് ക​ട​പു​ഴ​കി വീ​ണു. മ​രം റോ​ഡി​നു​കു​റു​കെ വീ​ണ​തോ​ടെ വ​ര​ന്ത​ര​പ്പി​ള്ളി - പാ​ല​പ്പി​ള്ളി റോ​ഡി​ല്‍ ഗ​താ​ഗ​തം ത​ട​സ​പ്പെ​ട്ടു.

ബൈ​ക്ക് യാ​ത്രി​ക​രും ഒ​രു ബ​സും ക​ട​ന്നു​പോ​യ​തി​ന്‍റെ തൊ​ട്ടു​പി​ന്നാ​ലെ​യാ​യി​രു​ന്നു അ​പ​ക​ടം. മ​ര​ത്തി​ന്‍റെ ചി​ല്ല​ക​ള്‍​വീ​ണ് വൈ​ദ്യു​ത പോ​സ്റ്റും വൈ​ദ്യു​ത ലൈ​നു​ക​ളും ത​ക​രാ​റി​ലാ​യി. കഴിഞ്ഞ ദിവസം ഉ​ച്ച​യ്ക്ക് ര​ണ്ടോ​ടെ​യാ​യി​രു​ന്നു സം​ഭ​വം. വ​ര​ന്ത​ര​പ്പി​ള്ളി പ​ഞ്ചാ​യ​ത്ത് പ്ര​സി​ഡ​ന്‍റ് ക​ലാ​പ്രി​യ സു​രേ​ഷ്, പ​ഞ്ചാ​യ​ത്ത് ഉ​ദ്യോ​ഗ​സ്ഥ​രും അ​ഗ്‌​നി​ര​ക്ഷാ​സേ​ന​യും കെ​എ​സ്ഇ​ബി അ​ധി​കൃ​ത​രും സ്ഥ​ല​ത്തെ​ത്തി​യി​രു​ന്നു. ഒ​ന്ന​ര​മ​ണി​ക്കൂ​റി​നു​ശേ​ഷം മ​രം മു​റി​ച്ചു​മാ​റ്റി ഗ​താ​ഗ​തം പു​നഃ​സ്ഥാ​പി​ച്ചു.

തൃ​പ്ര​യാ​ർ: പാ​ല​ത്തി​നു​സ​മീ​പം നാ​ട്ടി​ക പ​ഞ്ചാ​യ​ത്ത് പ​രി​ധി​യി​ൽ റോ​ഡ​രി​കി​ലെ മ​രം ഒ​ടി​ഞ്ഞു​വീ​ണു. ഇ​തു​മൂ​ലം ഒ​രു​മ​ണി​ക്കൂ​റോ​ളം പൂ​ർ​ണ​മാ​യും ഗ​താ​ഗ​തം ത​ട​സ​പ്പെ​ട്ടു. വ​ല​പ്പാ​ട് പോ​ലീ​സും ഫ​യ​ർ ആ​ൻ​ഡ് റെ​സ്ക്യൂ ടീ​മും ചേ​ർ​ന്ന് ഒ​ടി​ഞ്ഞു​വീ​ണ മ​രം മു​റി​ച്ചു​മാ​റ്റി​യാ​ണ് റോ​ഡ് ഗ​താ​ഗ​തം പു​നഃ​സ്ഥാ​പി​ച്ച​ത്. ഉ​ച്ച​സ​മ​യ​മാ​യ​തി​നാ​ൽ റോ​ഡി​ൽ യാ​ത്ര​ക്കാ​ർ കു​റ​വാ​യി​രു​ന്ന​തും സ്ഥി​ര​മാ​യി പ്ര​ദേ​ശ​ത്ത് ലോ​ട്ട​റി ക​ച്ച​വ​ടം ന​ട​ത്തി​യി​രു​ന്ന​വ​ർ ഭ​ക്ഷ​ണം ക​ഴി​ക്കാ​ൻ​പോ​യ​തി​നാ​ലും വ​ൻ ദു​ര​ന്ത​മാ​ണ് ഒ​ഴി​വാ​യ​ത്.