യോഗ ദിന സന്ദേശം പകര്‍ന്ന് തൊണ്ണൂറുകാരന്‍റെ യോഗാഭ്യാസം
1569438
Sunday, June 22, 2025 6:56 AM IST
ഇരിങ്ങാലക്കുട: അന്താരാഷ്ട്ര യോഗ ദിനത്തില്‍ ക്രൈസ്റ്റ് കോളജ് ബിപിഇ ഡിപ്പാര്‍ട്ട്‌മെന്‍റിന്‍റെ ആഭിമുഖ്യത്തില്‍ എന്‍എസ്എസ്, എന്‍സിസി, തവനിഷ് എന്നീ സംഘടനകളുമായി സഹകരിച്ച് 500 ഇല്‍ പരം വിദ്യാര്‍ഥികളെ പങ്കെടുപ്പിച്ചുകൊണ്ട് യോഗാഭ്യാസ പരിപാടി സംഘടിപ്പിച്ചു. കോളജ് പ്രിന്‍സിപ്പൽ റവ. ഡോ. ജോളി ആന്‍ഡ്രൂസ് പരിപാടി ഉദ്ഘാടനം ചെയ്തു. കോളജ് മാനേജര്‍ ഫാ. ജോയ് പീണിക്കപ്പറമ്പില്‍ യോഗദിന സന്ദേശം നല്‍കി.
90 വയസിന്‍റെ നിറവില്‍ എത്തിനില്‍ക്കുന്ന ക്രൈസ്റ്റ് കോളജ് മുന്‍ മാനേജര്‍ ഫാ. ജോണ്‍ തോട്ടാപ്പിള്ളി സംയുക്ത യോഗാഭ്യാസ പരിപാടിയില്‍ പങ്കെടുത്തു. അക്വാ യോഗയും ആര്‍ട്ടിസ്റ്റിക് യോഗയും ബിപിഇ വിദ്യാര്‍ഥികള്‍ അവതരിപ്പിച്ചു.