മാ​ള: അ​ഞ്ചു​നാ​ൾ നീ​ളു​ന്ന കാ​ലി​ക്ക​ട്ട് യൂ​ണി​വേ​ഴ്സി​റ്റി ഡി ​സോ​ൺ ക​ലോ​ത്സ​വ​ത്തി​നു ഹോ​ളി ഗ്രേ​സി​ൽ ഇ​ന്നു തു​ട​ക്കം.

ഇ​ന്നു​മു​ത​ൽ 28 വ​രെ​യു​ള്ള തീ​യ​തി​ക​ളി​ൽ നൂ​റി​ൽ​പ്പ​രം ഇ​ന​ങ്ങ​ളി​ലാ​യി ര​ണ്ടാ​യി​ര​ത്തി​അ​ഞ്ഞൂ​റോ​ളം വി​ദ്യാ​ർ​ഥി​ക​ൾ ക​ലോ​ത്സ​വ​ത്തി​ൽ മാ​റ്റു​ര​യ്ക്കും. കാ​ലി​ക്ക​ട്ട് യൂ​ണി​വേ​ഴ്സി​റ്റി​യു​ടെ തൃ​ശൂ​ർ ജി​ല്ല​യി​ലു​ള്ള തൊ​ണ്ണൂ​റോ​ളം കോ​ള​ജു​ക​ൾ ചേ​ർ​ന്ന​താ​ണ് ഡി ​സോ​ൺ.

അ​ന്ത​രി​ച്ച സാ​ഹി​ത്യ​കാ​ര​ൻ എം. ​ടി. വാ​സു​ദേ​വ​ൻ​നാ​യ​രോ​ടു​ള്ള ആ​ദ​ര​സൂ​ച​ക​മാ​യി ഓ​രോ അ​ര​ങ്ങി​നും അ​ദ്ദേ​ഹ​ത്തി​ന്‍റെ പ്ര​ശ​സ്ത​കൃ​തി​ക​ളാ​യ കാ​ലം, മ​ഞ്ഞ്, നാ​ലു​കെ​ട്ട്, ര​ണ്ടാ​മൂ​ഴം, വാ​ന​പ്ര​സ്ഥം എ​ന്നി​ങ്ങ​നെ​യാ​ണ് പേ​രി​ട്ടി​രി​ക്കു​ന്ന​ത്.

ഉ​ദ്ഘാ​ട​ന​ച്ച​ട​ങ്ങ് 26 നു ​ന​ട​ക്കും.
മാ​ള​യി​ലെ ഇ​ത​ര​വി​ദ്യാ​ഭ്യാ​സ​സ്ഥാ​പ​ന​ങ്ങ​ളാ​യ മെ​റ്റ്സ് കോ​ള​ജ്, കാ​ർ​മ​ൽ കോ​ള​ജ്, സെ​ന്‍റ് തെ​രേ​സാ​സ് കോ​ള​ജ് എ​ന്നി​വി​ട​ങ്ങ​ളി​ലേ​ക്ക് ഹോ​ളി ഗ്രേ​സ് ആ​ർ​ട്സ് കോ​ള​ജി​ലേ​യും എം​ബി​എ കോ​ള​ജി​ലെ​യും വി​ദ്യാ​ർ​ഥി​ക​ൾ ദീ​പ​ശി​ഖ​യോ​ടെ ക​ലോ​ത്സ​വ വി​ളം​ബ​ര​യാ​ത്ര ന​ട​ത്തി.

ആ​തി​ഥ്യ​മ​രു​ളു​ന്ന ഹോ​ളി​ഗ്രേ​സ് വി​ദ്യാ​ർ​ഥി​ക​ൾ മാ​ള ബ​സ് സ്റ്റാ​ൻ​ഡ് പ​രി​സ​ര​ത്തു ഫ്ലാ​ഷ് മോ​ബും ന​ട​ത്തി.

വി​വി​ധ കോ​ള​ജു​ക​ളി​ൽ​നി​ന്നെ​ത്തു​ന്ന അ​ധ്യാ​പ​ക​രെ​യും ക​ലാ​കാ​ര​ൻ​മാ​രെ​യും സ്വീ​ക​രി​ക്കാ​ൻ കോ​ള​ജ് അ​ധി​കാ​രി​ക​ളും യൂ​ണി​വേ​ഴ്സി​റ്റി യൂ​ണി​യ​ൻ പ്ര​തി​നി​ധി​ക​ളും വി​പു​ല​മാ​യ സ​ജ്ജീ​ക​ര​ണ​ങ്ങ​ൾ ചെ​യ്തു​ക​ഴി​ഞ്ഞ​താ​യി​ ഹോ​ളി ഗ്രേ​സ് ആ​ർ​ട്സ് കോ​ള​ജ് സെ​ക്ര​ട്ട​റി ആ​ന്‍റ​ണി മാ​ളി​യേ​ക്ക​ൽ, പ്രി​ൻ​സി​പ്പ​ൽ ഡോ. ​സു​രേ​ഷ് ബാ​ബു, പ്രോ​ഗ്രാം ക​മ്മി​റ്റി ക​ൺ​വീ​ന​ർ അ​ൽ​റെ​സി​ൻ, ഡ​യ​റ​ക്ട​ർ ഡോ. ​ജി​യോ ബേ​ബി എ​ന്നി​വ​ർ പ​ത്ര​സ​മ്മേ​ള​ന​ത്തി​ൽ അ​റി​യി​ച്ചു.