ചാ​ല​ക്കു​ടി: അ​തി​ര​പ്പി​ള്ളി പ​ഞ്ചാ​യ​ത്തി​ലെ അ​രേ​ക്കാ​പ്പ്, വീ​രാ​ൻ​കു​ടി ഉ​ന്ന​തി​ക​ളി​ൽ​നി​ന്ന് കോ​ട​ശേ​രി പ​ഞ്ചാ​യ​ത്തി​ലെ മാ​രാം​കോ​ട് വ​ന​മേ​ഖ​ല​യി​ൽ കു​ടി​യേ​റി​പ്പാ​ർ​ക്കു​ന്ന ആ​ദി​വാ​സി​ക​ൾ​ക്കു സ്ഥ​ലം അ​നു​വ​ദി​ച്ചു​കൊ​ടു​ക്കു​ന്ന​തി​ൽ വ​നം​വ​കു​പ്പ് ത​ട​സം സൃ​ഷ്ടി​ക്കു​ന്ന​താ​യി ആ​ദി​വാ​സി​ക​ൾ കു​റ്റ​പ്പെ​ടു​ത്തി.

ജി​ല്ലാ ക​ള​ക്ട​റു​ടെ നേ​തൃ​ത്വ​ത്തി​ൽ ആ​റു​മാ​സം​മു​ന്പ് ഇ​വി​ടെ സ്ഥ​ലം അ​ള​ന്നു​തി​ട്ട​പ്പെ​ടു​ത്തി 47 കു​ടും​ബ​ങ്ങ​ളെ മാ​റ്റി​ത്താ​മ​സി​പ്പി​ക്കു​ന്ന​തി​നു ശ്ര​മം ന​ട​ത്തി​യി​രു​ന്നു. ഇ​ത് അ​നു​വ​ദി​ച്ചു​കി​ട്ടു​ന്ന​തി​ലെ കാ​ല​താ​മ​സ​മാ​ണ് ഇ​വി​ടെ കു​ടി​ൽ​കെ​ട്ടി താ​മ​സി​ക്കാ​ൻ ഇ​ട​യാ​ക്കി​യ​ത്.

ആ​ദ്യം താ​മ​സി​ച്ചി​രു​ന്ന സ്ഥ​ല​ത്തു വ​ഴി​യി​ല്ല. റോ​ഡി​ലേ​ക്കു ചെ​ങ്കു​ത്താ​യ ന​ട​വ​ഴി​യി​ലൂ​ടെ മൂ​ന്നു കി​ലോ​മീ​റ്റ​ർ ന​ട​ക്ക​ണം. ഇ​വി​ടെ ആ​ന, ക​ര​ടി, ക​ടു​വ, പു​ലി എ​ന്നി​വ​യെ പേ​ടി​ക്കാ​തെ ജീ​വി​തം ത​ള്ളി​നീ​ക്കാ​മെ​ന്ന് ഊ​രൂ​മൂ​പ്പ​ൻ പ​റ​ഞ്ഞു.

36 കു​ടും​ബ​ങ്ങ​ളാ​ണ് ഇ​തു​വ​രെ എ​ത്തി​യി​ട്ടു​ള്ള​ത്. ബാ​ക്കി​യു​ള്ള​വ​ർ ഈ​യാ​ഴ്ച എ​ത്തി​ച്ചേ​രും.
ആ​ദി​വാ​സി​ക​ൾ​ക്ക് ആ​വ​ശ്യ​മാ​യ ഭൂ​മി പ​തി​ച്ചു​ന​ൽ​കാ​ൻ അ​ടി​യ​ന്ത​ര​ന​ട​പ​ടി സ്വീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ട്ട് കാ​രു​ണ്യ സോ​ഷ്യ​ൽ ഗ്രൂ​പ്പ് പ്ര​സി​ഡ​ന്‍റ് കെ.​എം. ജോ​സി​ന്‍റെ നേ​തൃ​ത്വ​ത്തി​ൽ കേ​ന്ദ്ര വ​നം-​പ​രി​സ്ഥി​തി​മ​ന്ത്രി​ക്കും സം​സ്ഥാ​ന വ​നം​മ​ന്ത്രി എ.​കെ. ശ​ശീ​ന്ദ്ര​നും നി​വേ​ദ​നം ന​ൽ​കി കാ​ത്തി​രി​ക്കു​ക​യാ​ണ് ആ​ദി​വാ​സി​കു​ടും​ബ​ങ്ങ​ൾ.