വ്യാ​കു​ല​മാ​താ​വി​ൻ ബ​സി​ലി​ക്ക (പു​ത്ത​ൻ​പ​ള്ളി): ശ​താ​ബ്ദി​വ​ർ​ഷ വി​ളം​ബ​ര വാ​ഹ​ന​ജാ​ഥ ഇ​ന്ന്
Thursday, October 10, 2024 8:28 AM IST
തൃ​ശൂ​ർ: പ​രി​ശു​ദ്ധ വ്യാ​കു​ല​മാ​താ​വി​ൻ ബ​സി​ലി​ക്ക​യു​ടെ (പു​ത്ത​ൻ​പ​ള്ളി) ശ​താ​ബ്ദി​വ​ർ​ഷ വി​ളം​ബ​ര വാ​ഹ​ന​ജാ​ഥ ഇ​ന്നു വൈ​കീ​ട്ടു 4.30ന് ​ലൂ​ർ​ദ് ക​ത്തീ​ഡ്ര​ലി​ൽ​നി​ന്ന് പു​ത്ത​ൻ​പ​ള്ളി​യി​ലേ​ക്കു ന​ട​ത്തും.

ഇ​ന്ത്യ​യി​ലെ ഏ​റ്റ​വും ഉ​യ​ര​മു​ള്ള പ​ള്ളി​മ​ണി​ഗോ​പു​ര​ത്തോ​ടു​കൂ​ടി​യ ബ​സി​ലി​ക്ക അ​ടു​ത്ത​വ​ർ​ഷം ഒ​ക്ടോ​ബ​ർ പ​ത്തി​നാ​ണു ദേ​വാ​ല​യ​പ്ര​തി​ഷ്ഠ​യു​ടെ നൂ​റാം​വാ​ർ​ഷി​കം ആ​ഘോ​ഷി​ക്കു​ന്ന​ത്. ദേ​വാ​ല​യ​ത്തി​ന്‍റെ 99-ാം പ്ര​തി​ഷ്ഠാ​തി​രു​നാ​ളാ​യ ന​വം​ബ​ർ 24 മു​ത​ൽ നൂ​റാം പ്ര​തി​ഷ്ഠാ​തി​രു​നാ​ളാ​യ 2025 ന​വം​ബ​ർ 30 വ​രെ​യു​ള്ള ഒ​രു​വ​ർ​ഷം ശ​താ​ബ്ദി​വ​ർ​ഷ​മാ​യും ആ​ച​രി​ക്കു​മെ​ന്ന് ബ​സി​ലി​ക്ക റെ​ക്ട​ർ ഫാ. ​ഫ്രാ​ൻ​സി​സ് പ​ള്ളി​ക്കു​ന്ന​ത്ത് പ​ത്ര​സ​മ്മേ​ള​ന​ത്തി​ൽ അ​റി​യി​ച്ചു.

1925 ഒ​ക്ടോ​ബ​ർ 10ന് ​അ​ന്ന​ത്തെ തൃ​ശൂ​ർ രൂ​പ​ത മെ​ത്രാ​നാ​യി​രു​ന്ന മാ​ർ ഫ്രാ​ൻ​സീ​സ് വാ​ഴ​പ്പി​ള്ളി പ​രി​ശു​ദ്ധ വ്യാ​കു​ല​മാ​താ​വി​നു പ്ര​തി​ഷ്ഠി​ച്ച​താ​ണ് പു​ത്ത​ൻ​പ​ള്ളി. ശ​താ​ബ്ദി​വ​ർ​ഷ​ത്തി​നു തു​ട​ക്കം കു​റി​ച്ച് 100 ഇ​രു​ച​ക്ര​വാ​ഹ​ന​ങ്ങ​ളു​ടെ അ​ക​ന്പ​ടി​യി​ൽ ന​ട​ത്തു​ന്ന വി​ളം​ബ​ര​ജാ​ഥ ലൂ​ർ​ദ് ക​ത്തീ​ഡ്ര​ലി​ൽ​നി​ന്ന് വൈ​കീ​ട്ട് 4.30നു ​സ്വ​രാ​ജ് റൗ​ണ്ട് ചു​റ്റി എം​ഒ റോ​ഡി​ലൂ​ടെ ബ​സി​ലി​ക്ക​യി​ൽ പ്ര​വേ​ശി​ക്കും.

ലൂ​ർ​ദ് ക​ത്തീ​ഡ്ര​ൽ പ​ള്ളി വി​കാ​രി ഫാ. ​ഡേ​വി​സ് പു​ലി​ക്കോ​ട്ടി​ൽ റാ​ലി​യു​ടെ ഉ​ദ്ഘാ​ട​നം നി​ർ​വ​ഹി​ക്കും. പ​ര​ന്പ​രാ​ഗ​ത​രീ​തി​യി​ലു​ള്ള ന​കാ​ര​വാ​ദ്യ​വും പ​ഴ​യ​കാ​ല​വാ​ഹ​ന​ങ്ങ​ളും റാ​ലി​യി​ൽ അ​ണി​നി​ര​ക്കും.

ശ​താ​ബ്ദി​വ​ർ​ഷം പ്ര​ഖ്യാ​പ​ന​വും പ​താ​ക ഉ​യ​ർ​ത്ത​ലും നാ​ളെ രാ​വി​ലെ പ​ത്തി​ന് ബ​സി​ലി​ക്ക അ​ങ്ക​ണ​ത്തി​ൽ ഇ​രി​ങ്ങാ​ല​ക്കു​ട രൂ​പ​ത മെ​ത്രാ​ൻ മാ​ർ പോ​ളി ക​ണ്ണൂ​ക്കാ​ട​ൻ നി​ർ​വ​ഹി​ക്കും. ശ​താ​ബ്ദി​വ​ർ​ഷം വി​ളം​ബ​രം​ചെ​യ്തു ബ​സി​ലി​ക്ക​യു​ടെ മു​ന്പി​ലു​ള്ള ര​ണ്ടു ഗോ​പു​ര​ങ്ങ​ളി​ലും 50 അ​ടി നീ​ള​മു​ള്ള പ​താ​ക​ക​ൾ ഉ​യ​ർ​ത്തും.

ഇ​ട​വ​ക​യി​ലെ നൂ​റു കു​ട്ടി​ക​ൾ 100 ബ​ലൂ​ണു​ക​ൾ പ​റ​ത്തും. പാ​ര​ന്പ​ര്യം വി​ളി​ച്ചോ​തു​ന്ന നൂ​റു ക​തി​ന​ക​ളും ശ​താ​ബ്ദി​വ​ർ​ഷ​ത്തെ വി​ളം​ബ​ര ചെ​യ്യും. തു​ട​ർ​ന്ന്, ബി​ഷ​പ് മാ​ർ പോ​ളി ക​ണ്ണൂ​ക്കാ​ട​ന്‍റെ​യും തൃ​ശൂ​ർ അ​തി​രൂ​പ​ത വി​കാ​രി ജ​ന​റാ​ൾ മോ​ണ്‍. ജോ​സ് കോ​നി​ക്ക​ര​യു​ടെ​യും ബ​സി​ലി​ക്ക ഇ​ട​വ​ക​യി​ലെ സീ​നി​യ​ർ വൈ​ദി​ക​ൻ ഫാ. ​ആ​ന്‍റ​ണി മേ​ച്ചേ​രി​യു​ടെ​യും കാ​ർ​മി​ക​ത്വ​ത്തി​ൽ വി​ശു​ദ്ധ കു​ർ​ബാ​ന​യു​മു​ണ്ടാ​കും.


ഇ​ട​വ​ക കൈ​ക്കാ​ര​ൻ പി.​ആ​ർ. ജോ​ർ​ജ്, ശ​താ​ബ്ദി ജ​ന​റ​ൽ ക​ൺ​വീ​ന​ർ ടി.​കെ. അ​ന്തോ​ണി​ക്കു​ട്ടി, ജോ​യി​ന്‍റ് ജ​ന​റ​ൽ ക​ൺ​വീ​ന​ർ പ്ര​ഫ. സൂ​സി പോ​ളി, മീ​ഡി​യ ക​ൺ​വീ​ന​ർ ര​വി ജോ​സ് താ​ണി​ക്ക​ൽ എ​ന്നി​വ​രും പ​ത്ര​സ​മ്മേ​ള​ന​ത്തി​ൽ പ​ങ്കെ​ടു​ത്തു.

പു​ത്ത​ൻ​പ​ള്ളി​ക്ക് അ​നു​മ​തി 1925 ഒ​ക്ടോ​ബ​റി​ൽ

തൃ​ശൂ​ർ എം​പി​യാ​യി​രു​ന്ന അ​ഡ്വ. സി.​ആ​ർ. ഇ​യ്യു​ണ്ണി​ക്കു കൊ​ച്ചി രാ​ജാ​വാ​യി​രു​ന്ന രാ​മ​വ​ർ​മ 1925 ഒ​ക്ടോ​ബ​ർ എ​ട്ടി​നാ​ണ് പ​ള്ളി നി​ർ​മി​ക്കാ​ൻ അ​നു​മ​തി ന​ൽ​കി​യ​ത്. പ​ത്തി​ന് സെ​ന്‍റ് തോ​മ​സ് കോ​ള​ജ് എ​ൽ​പി സ്കൂ​ളി​ന്‍റെ ഹാ​ൾ താ​ത്കാ​ലി​ക ദേ​വാ​ല​യ​മാ​ക്കി മാ​റ്റി പ​രി​ശു​ദ്ധ വ്യാ​കു​ല​മാ​താ​വി​നു സ​മ​ർ​പ്പി​ച്ചു. ഗോ​ഥി​ക് നി​ർ​മാ​ണ​ശൈ​ലി​യി​ൽ രൂ​പ​ക​ല്പ​ന ചെ​യ്ത പു​ത്ത​ൻ​പ​ള്ളി​യു​ടെ നി​ർ​മാ​ണം പി​ന്നീ​ടു ഘ​ട്ടം​ഘ​ട്ട​മാ​യി പൂ​ർ​ത്തി​യാ​ക്കി.

മ​ദ്രാ​സി​ൽ​നി​ന്നു​ള്ള എ​ൻ​ജി​നീ​യ​ർ എ​സ്.​എ. ജ്ഞാ​ന​പ്ര​കാ​ശ​ത്തി​ന്‍റെ രൂ​പ​രേ​ഖ അ​നു​സ​രി​ച്ച് ദേ​വാ​ല​യ​ത്തി​നു​മു​ന്പി​ൽ 140 അ​ടി​വീ​തം ഉ​യ​ര​മു​ള്ള ര​ണ്ടു പ​ള്ളി​മ​ണി​ഗോ​പു​ര​ങ്ങ​ളും, പി​ന്നി​ൽ 260 അ​ടി ഉ​യ​ര​മു​ള്ള ബൈ​ബി​ൾ ട​വ​റു​മു​ണ്ട്.

ട​വ​റി​ന്‍റെ 200 അ​ടി ഉ​യ​ര​ത്തി​ലു​ള്ള സ​ന്ദ​ർ​ശ​ക ഗാ​ല​റി​യി​ലി​രു​ന്നാ​ൽ തൃ​ശൂ​ർ ന​ഗ​ര​ത്തി​ന്‍റെ കാ​ഴ്ച​യും അ​വി​ടെ​നി​ന്ന് 400 പ​ട​വു​ക​ൾ ഇ​റ​ങ്ങു​ന്പോ​ൾ ആ​സ്വ​ദി​ക്കാ​വു​ന്ന വ്യ​ത്യ​സ്ത ചി​ത്ര-​ശി​ല്പ സ​ങ്കേ​ത​ങ്ങ​ളി​ലു​ള്ള ക​ലാ​സൃ​ഷ്ടി​ക​ളു​മു​ണ്ട്.

25,000 ച​തു​ര​ശ്ര​യ​ടി​യാ​ണ് ദേ​വാ​ല​യ​ത്തി​ന്‍റെ ആ​കെ വി​സ്തീ​ർ​ണം. മാ​ർ​ബി​ൾ ചി​പ്സി​ൽ പൊ​തി​ഞ്ഞ 32 വ​ൻ​ക​രി​ങ്ക​ൽ​ത്തൂ​ണു​ക​ൾ അ​തി​രി​ടു​ന്ന ദേ​വാ​ല​യ ഹാ​ളി​നു​ള്ളി​ൽ എ​ല്ലാ വ​ശ​ങ്ങ​ളി​ലു​മാ​യി 11,700 ച​തു​ര​ശ്ര​യ​ടി വി​സ്തീ​ർ​ണ​മു​ള്ള ബാ​ൽ​ക്ക​ണി​യു​മു​ണ്ട്.

1986-ലെ ​തൃ​ശൂ​ർ സ​ന്ദ​ർ​ശ​ന​വേ​ള​യി​ൽ ജോ​ണ്‍​പോ​ൾ ര​ണ്ടാ​മ​ൻ പാ​പ്പ ഉ​പ​യോ​ഗി​ച്ച എ​പ്പി​സ്കോ​പ്പ​ൽ സിം​ഹാ​സ​ന​വും പ്ര​സം​ഗ​പീ​ഠ​വും ഇ​ന്നു ബ​സി​ലി​ക്ക​യു​ടെ അ​ൾ​ത്താ​ര​യി​ലു​ണ്ട്.