കാ​ക്ക​നാ​ട്: ക​രാ​റു​കാ​ര​നി​ൽ നി​ന്നും 5,000 രൂ​പ കൈ​ക്കൂ​ലി വാ​ങ്ങു​ന്ന​തി​നി​ട​യി​ൽ പോ​ലീ​സു​കാ​ര​ൻ വി​ജി​ല​ൻ​സി​ന്‍റെ പി​ടി​യി​ലാ​യി. എ​റ​ണാ​കു​ളം മു​ള​വ്കാ​ട് പോ​ലീ​സ് സ്റ്റേ​ഷ​നി​ലെ ഉ​ദ്യോ​ഗ​സ്ഥ​നാ​യ അ​നു​പാ​ണ് പി​ടി​യി​ലാ​യ​ത്. ആ​ലു​വ ജി​ല്ലാ ജ​ന​റ​ൽ ആ​ശു​പ​ത്രി​യി​ൽ നി​ർ​മാ​ണ ക​രാ​ർ എ​ടു​ത്തി​ട്ടു​ള്ള ആ​ലു​വ സ്വ​ദേ​ശി​യാ​യ ക​രാ​റു​കാ​ര​നി​ൽ നി​ന്നും ഇ​ന്ന​ലെ വൈ​കു​ന്നേ​രം ആ​റോ​ടെ​യാ​ണ് ഇ​യാ​ൾ 5,000 രൂ​പ കൈ​ക്കൂ​ലി​യാ​യി വാ​ങ്ങി​യ​ത്.

പ​ച്ചാ​ളം ഭാ​ഗ​ത്തു​നി​ന്നു​ള്ള കെ​ട്ടി​ടാ​വ​ശി​ഷ്ട​ങ്ങ​ളു​മാ​യി ക​ണ്ട​യ്ന​ർ റോ​ഡു​വ​ഴി ക​രാ​റു​കാ​ര​ന്‍റെ മി​നി ടി​പ്പ​ർ ലോ​റി പോ​കു​ന്ന​ത് ശ്ര​ദ്ധ​യി​ൽ​പ്പെ​ട്ട അ​നൂ​പ് ക​രാ​റു​കാ​ര​നെ ഫോ​ണി​ൽ വി​ളി​ച്ച് ഇ​തു​വ​ഴി ലോ​ഡ് കൊ​ണ്ടു​പോ​കു​ന്ന​തി​ന് 5000 രൂ​പ ത​നി​ക്ക് ന​ൽ​ക​ണ​മെ​ന്ന് ആ​വ​ശ്യ​പ്പെ​ടു​ക​യാ​യി​രു​ന്നു. ക​രാ​റു​കാ​ര​ൻ വി​വ​രം വി​ജി​ല​ൻ​സി​നെ അ​റി​യി​ച്ചു.

മു​ൻ​ധാ​ര​ണ പ്ര​കാ​രം ജി​ല്ലാ പ​ഞ്ചാ​യ​ത്ത് വ​ള​പ്പി​ൽ എ​ത്തി ത​ന്‍റെ ഫൈ​വ് സീ​റ്റ​ർ ഥാ​ർ വാ​ഹ​ന​ത്തി​ലി​രു​ന്നാ​ണ് പോ​ലീ​സു​കാ​ര​ൻ ക​രാ​റു​കാ​ര​നി​ൽ നി​ന്നും 5,000 രൂ​പ വാ​ങ്ങി​യ​ത്. ര​ക്ഷ​പെ​ടാ​ൻ ശ്ര​മി​ച്ച ഇ​യാ​ളെ ജി​ല്ലാ പ​ഞ്ചാ​യ​ത്തി​ന്‍റെ ഗേ​റ്റു​ക​ൾ പൂ​ട്ടി​യാ​ണ് ക​സ്റ്റ​ഡി​യി​ലെ​ടു​ത്ത​ത്.