പെ​രു​മ്പാ​വൂ​ർ: പ​ട്ടാ​പ്പ​ക​ൽ റോ​ഡ​രി​കി​ൽ പാ​ർ​ക്ക് ചെ​യ്ത കാ​റു​മാ​യി ക​ട​ന്ന് മോ​ഷ്ടാ​ക്ക​ൾ. പെ​ട്രോ​ൾ നി​റ​യ്ക്കാ​നെ​ത്തി​യ​പ്പോ​ൾ വാ​ട്‌​സാ​പ്പി​ലൂ​ടെ പ്ര​ച​രി​ച്ച വാ​ർ​ത്ത ക​ണ്ട് ഒ​രാ​ളെ നാ​ട്ടു​കാ​ർ ചേ​ർ​ന്ന് പി​ടി​കൂ​ടി​യെ​ങ്കി​ലും കൂ​ട്ടാ​ളി​ക​ൾ കാ​റു​മാ​യി ക​ട​ന്നു.

എം​സി റോ​ഡി​ൽ പെ​രു​മ്പാ​വൂ​ർ പു​തി​യ സ​സ്യ മാ​ർ​ക്ക​റ്റി​ന് സ​മീ​പം ഇ​ന്ന​ലെ രാ​വി​ലെ​യാ​ണ് സം​ഭ​വം. ഐ​മു​റി​യി​ൽ ക​ച്ച​വ​ട സ്ഥാ​പ​നം ന​ട​ത്തു​ന്ന ഐ​മു​റി പ​ടി​ക്ക​ല​പ്പാ​റ സ്വ​ദേ​ശി ഉ​ദ​യ​ന്‍റെ ലാ​ൻ​സ​ർ കാ​റാ​ണ് മോ​ഷ്ടാ​ക്ക​ൾ അ​പ​ഹ​രി​ച്ച​ത്.

സ്ഥി​ര​മാ​യി വ്യാ​പാ​ര സ്ഥാ​പ​ന​ത്തി​ലേ​ക്ക് ഹോ​ൾ​സെ​യി​ൽ ക​ട​യി​ൽ നി​ന്ന് സാ​ധ​ന​ങ്ങ​ൾ വാ​ങ്ങു​ന്ന​തി​നാ​യി പെ​രു​മ്പാ​വൂ​രി​ലെ​ത്തു​ന്ന ഉ​ദ​യ​ൻ സ്ഥി​ര​മാ​യി പാ​ർ​ക്ക് ചെ​യ്യു​ന്നി​ട​ത്ത് വാ​ഹ​നം നി​ർ​ത്തി സാ​ധ​ന​ങ്ങ​ൾ വാ​ങ്ങി തി​രി​കെ കാ​റി​ൽ കൊ​ണ്ടു​വ​ച്ചു. വാ​ങ്ങി​യ സാ​ധ​ന​ങ്ങ​ളു​ടെ പ​ണം ന​ൽ​കാ​നാ​യി ക​ട​യി​ലേ​ക്ക് ക​യ​റി തി​രി​കെ എ​ത്തി​യ​പ്പോ​ഴേ​ക്കും മോ​ഷ്ടാ​ക്ക​ൾ കാ​റു​മാ​യി ക​ട​ന്നു ക​ള​യു​ക​യാ​യി​രു​ന്നു. ഉ​ട​ൻ ത​ന്നെ പെ​രു​മ്പാ​വൂ​ർ പോ​ലീ​സി​ന് വി​വ​രം ന​ൽ​കു​ക​യും പോ​ലീ​സ് അ​ന്വേ​ഷ​ണം ആ​രം​ഭി​ക്കു​ക​യും ചെ​യ്തു.

തു​ട​ർ​ന്ന് സ​മൂ​ഹ്യ മാ​ധ്യ​മ​ങ്ങ​ളി​ലൂ​ടെ വാ​ഹ​നം മോ​ഷ​ണം പോ​യ കാ​ര്യം പ്ര​ച​രി​ച്ച​തോ​ടെ​യാ​ണ് സം​ഭ​വ​ത്തി​ന് ട്വി​സ്റ്റ് ഉ​ണ്ടാ​യ​ത്.

മോ​ഷ്ടി​ച്ച കാ​റു​മാ​യി ഒ​രു സം​ഘം അ​ക​നാ​ട് പെ​ട്രോ​ൾ പ​മ്പി​ൽ ഇ​ന്ധ​നം നി​റ​യ്ക്കാ​നെ​ത്ത​യ​തോ​ടെ നാ​ട്ടു​കാ​ർ ത​ട​ഞ്ഞു. ഒ​രാ​ളെ ത​ട​ഞ്ഞ് വ​ച്ച​പ്പോ​ഴേ​ക്കും മ​റ്റു​ള്ള​വ​ർ കാ​റു​മാ​യി ക​ട​ന്നു ക​ള​യു​ക​യാ​യി​രു​ന്നു. ഇ​യാ​ളെ പോ​ലീ​സെ​ത്തി സ്റ്റേ​ഷ​നി​ലേ​ക്ക് മാ​റ്റി. ഇ​തി​നി​ടെ പ്ര​തി​ക​ൾ വ​ല​യി​ലാ​യ​താ​യും സൂ​ച​ന​യു​ണ്ട്.