ആ​ലു​വ: സ്ഥ​ല ഉ​ട​മ​ക​ള​റി​യാ​തെ ത​രി​ശു​ഭൂ​മി​യി​ൽ ഭീ​ഷ​ണി ബോ​ർ​ഡ് സ്ഥാ​പി​ച്ച​താ​യി പ​രാ​തി. വ​ർ​ഷ​ങ്ങ​ളാ​യി ത​രി​ശാ​യി​ക്കി​ട​ക്കു​ന്ന ടൗ​ൺ​ഷി​പ്പ് റോ​ഡി​നോ​ട് ചേ​ർ​ന്ന എ​ട​യ​പ്പു​റം പാ​ട​ശേ​ഖ​ര​ത്താ​ണ് ഗ്രൗ​ണ്ട് സം​ര​ക്ഷ​ണ സ​മി​തി​യു​ടെ പേ​രി​ൽ ബോ​ർ​ഡ് സ്ഥാ​പി​ച്ച​ത്.

"ഗ്രൗ​ണ്ടി​ന​ക​ത്തേ​ക്ക് വാ​ഹ​ന​ങ്ങ​ൾ ക​യ​റ്റു​ന്ന​വ​രെ നി​യ​മ​പ​ര​മാ​യും കാ​യി​ക​മാ​യും നേ​രി​ടു​ന്ന​താ​ണ്' എ​ന്ന മു​ന്ന​റി​യി​പ്പ് ബോ​ർ​ഡാ​ണ് വി​വാ​ദ​മാ​യി​രി​ക്കു​ന്ന​ത്. സ്ഥ​ല​മു​ട​മ​ക​ൾ കാ​ർ ഓ​ടി​ച്ചു പ​രി​ശീ​ലി​ക്കാ​ൻ ക​യ​റി​യ​പ്പോ​ഴും ഭീ​ഷ​ണി മു​ഴ​ക്കി​യ​താ​യി പ​രാ​തി​യു​ണ്ട്.

ക്ഷേ​ത്രം കൂ​ടി​യു​ള​ള ഈ ​സ്ഥ​ല​ത്തേ​ക്ക് വാ​ഹ​ന​ങ്ങ​ൾ ക​യ​റാ​തി​രി​ക്കാ​ൻ ജെ​സി​ബി ഉ​പ​യോ​ഗി​ച്ച് കു​ഴി എ​ടു​ത്ത​താ​യും പ​രാ​തി ഉ​യ​ർ​ന്നി​രു​ന്നു. പ്ര​തി​ഷേ​ധം ശ​ക്ത​മാ​യപ്പോ​ൾ തി​രി​കെ മ​ണ്ണി​ട്ട് കു​ഴി മൂ​ടു​ക​യും ചെ​യ്തു.

ആ​ലു​വ മു​നി​സി​പ്പാ​ലി​റ്റി​യു​ടെ അ​തി​ർ​ത്തി​യോ​ട് ചേ​ർ​ന്ന് എ​ട​യ​പ്പു​റം ഗ്രാ​മപ​ഞ്ചാ​യ​ത്ത് പ​രി​ധി​യി​ൽ വ​രു​ന്ന​താ​ണീ മേ​ഖ​ല. 20 വ​ർ​ഷം മു​മ്പ് സീ​പോ​ർ​ട്ട്-എ​യ​ർ​പോ​ർ​ട്ട് റോ​ഡ് ക​ട​ന്നു പോ​കാ​ൻ സ​ർ​വേ​ക്ക​ല്ല് സ്ഥാ​പി​ച്ച​തോ​ടെ​യാ​ണ് ത​രി​ശു​ഭൂ​മി​യാ​യി മാ​റി​യ​ത്. പ​ത്തോ​ളം പേ​രു​ടെ ഉ​ട​മ​സ്ഥ​യി​ലു​ള്ള​താ​ണീ ഏ​ക്ക​ർ ക​ണ​ക്കി​നു​ള്ള സ്ഥ​ലം.

നാ​ട്ടു​കാ​രും പു​റ​മെ നി​ന്നു​ള്ള​വ​രും വ​ർ​ഷ​ങ്ങ​ളാ​യി വി​വി​ധ കാ​യി​ക വി​നോ​ദ​ങ്ങ​ൾ​ക്കും മ​റ്റും സ്ഥ​ലം ഉ​പ​യോ​ഗി​ക്കു​ക​യാ​ണ്. വാ​ഹ​ന ഡ്രൈ​വിം​ഗ് പ​രി​ശീ​ല​ന​ത്തി​നും ഗ്രൗ​ണ്ട് ഉ​പ​യോ​ഗി​ക്കാ​റു​ണ്ട്. എ​ന്നാ​ൽ വാ​ഹ​ന​ങ്ങ​ൾ ക​യ​റി​യാൽ പ​ന്ത് ക​ളി​ക്കാ​ൻ പ​റ്റി​ല്ലെ​ന്ന പേ​രി​ലാ​ണ് മു​ന്ന​റി​യി​പ്പ് ബോ​ർ​ഡ് സ്ഥാ​പി​ക്ക​പ്പെ​ട്ട​ത്.

ബോ​ർ​ഡ് നീ​ക്കം ചെ​യ്യ​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടെ​ങ്കി​ലും സ്ഥാ​പി​ച്ച​വ​ർ അ​തി​ന് ത​യാ​റാ​യി​ട്ടി​ല്ല. ഭീ​ഷ​ണി വാ​ക്കു​ക​ള​ട​ങ്ങി​യ മു​ന്ന​റി​യി​പ്പ് ബോ​ർ​ഡ് അ​പ​മാ​ന​മാ​ണെ​ന്നും നാ​ട്ടു​കാ​ർ പ​റ​ഞ്ഞു. ബോ​ർ​ഡ് അ​ടി​യ​ന്ത​ര​മാ​യി നീ​ക്കം ചെ​യ്തി​ല്ലെ​ങ്കി​ൽ പോ​ലീ​സി​നെ സ​മീ​പി​ക്കാ​നാ​ണ് തീ​രു​മാ​നം.