കൊ​ച്ചി: സം​സ്ഥാ​ന​ത്തെ വി​വി​ധ ജി​ല്ല​ക​ളി​ല്‍ നി​ന്നും ഇ​രു​ച​ക്ര വാ​ഹ​ന​ങ്ങ​ള്‍ മോ​ഷ്ടി​ച്ച കേ​സി​ലെ പ്ര​തി​ക​ളെ പോ​ലീ​സ് പി​ടി​കൂ​ടി. ആ​റ്റി​ങ്ങ​ല്‍ കി​ഴു​വി​ലം ക​ടു​വ​യി​ല്‍ കാ​ട്ടാ​മ്പു​റം ചി​റ​ക്ക​ക​ത്ത് വീ​ട്ടി​ല്‍ ജി​ത്തു​രാ​ജ് (24), കോ​ട്ട​യം കി​ട​ങ്ങൂ​ര്‍ തെ​ക്കേ​മ​ഠം വേ​ണു​ഗോ​പാ​ല്‍ (52) എ​ന്നി​വ​രെ​യാ​ണ് എ​റ​ണാ​കു​ളം സെ​ന്‍​ട്ര​ല്‍ പോ​ലീ​സ് അ​റ​സ്റ്റ് ചെ​യ്ത​ത്. ഹൈ​ക്കോ​ട​തി​ക്ക് മു​ന്‍​വ​ശ​മു​ള്ള എം.​എം. മാ​ത്യു ബി​ല്‍​ഡിം​ഗി​ല്‍ പാ​ര്‍​ക്ക് ചെ​യ്തി​രു​ന്ന ഹീ​റോ ഡ്യു​യ​റ്റ് സ്‌​കൂ​ട്ട​റും ബേ​സി​ല്‍ റോ​ഡി​ലെ വ​ര്‍​ക്ക്‌​ഷോ​പ്പി​ല്‍ നി​ന്നും ആ​ക്ടി​വ സ്‌​കൂ​ട്ട​റും മോ​ഷ്ടി​ച്ച കേ​സി​ലാ​ണ് അ​റ​സ്റ്റ്.

സെ​ന്‍​ട്ര​ല്‍ പോ​ലീ​സ് സ്റ്റേ​ഷ​ന്‍ പ​രി​ധി​യി​ലെ ഇ​രു​ച​ക്ര വാ​ഹ​ന മോ​ഷ​ണ​ങ്ങ​ള്‍ അ​ന്വേ​ഷി​ക്കാ​ന്‍ രൂ​പീ​ക​രി​ച്ച പ്ര​ത്യേ​ക സം​ഘം സ്റ്റേ​ഷ​ന്‍ പ​രി​ധി​ക​ളി​ലും സ​മീ​പ​പ്ര​ദേ​ശ​ങ്ങ​ളി​ലു​മു​ള്ള നി​ര​വ​ധി സി​സി​ടി​വി ദൃ​ശ്യ​ങ്ങ​ളും സ​മാ​ന​മാ​യ ക​ള​വു​കേ​സു​ക​ള​ലെ പ്ര​തി​ക​ളെ​കു​റി​ച്ചു​ള​ള വി​വ​ര​ങ്ങ​ള്‍ ശേ​ഖ​രി​ച്ചും ന​ട​ത്തി​യ അ​ന്വേ​ഷ​ണ​മാ​ണ് പ്ര​തി​ക​ളെ പി​ടി​കൂ​ടാ​ന്‍ സ​ഹാ​യി​ച്ച​ത്. സി​സി​ടി​വി ദൃ​ശ്യ​ങ്ങ​ള്‍ മ​റ്റു സ്റ്റേ​ഷ​നു​ക​ള്‍ കേ​ന്ദ്രീ​ക​രി​ച്ചി​ട്ടു​ള്ള വാ​ട്‌​സ്ആ​പ്പ് ഗ്രൂ​പ്പു​ക​ളി​ല്‍ ഷെ​യ​ര്‍ ചെ​യ്ത​തി​ല്‍ നി​ന്നും പെ​രു​മ്പാ​വൂ​ര്‍ പോ​ലീ​സ് സ്റ്റേ​ഷ​നി​ല്‍ മോ​ഷ​ണ​ക്കേ​സി​ല്‍ പി​ടി​യി​ലാ​യ ബി​നോ​യ് സ​ഞ്ച​രി​ച്ചി​രു​ന്ന മോ​ട്ടോ​ര്‍ സൈ​ക്കി​ള്‍ സെ​ന്‍​ട്ര​ല്‍ പോ​ലീ​സ് സ്റ്റേ​ഷ​നി​ല്‍ നി​ന്നും മോ​ഷ​ണം പോ​യ വാ​ഹ​ന​മാ​ണെ​ന്ന് ക​ണ്ടെ​ത്തി. തു​ട​ര്‍​ന്ന് ഇ​യാ​ളെ ചോ​ദ്യം ചെ​യ്ത​തി​ല്‍ നി​ന്നാ​ണ് പ്ര​തി​ക​ള്‍ മൂ​ന്നു​പേ​രും ചേ​ര്‍​ന്ന് ന​ട​ത്തി​യ മോ​ഷ​ണ​പ​ര​മ്പ​ക​ളു​ടെ ചു​രു​ള​ഴി​ഞ്ഞ​ത്.

ആ​ല​പ്പു​ഴ നോ​ര്‍​ത്ത് പോ​ലീ​സ് സ്റ്റേ​ഷ​ന്‍ പ​രി​ധി​യി​ല്‍ നി​ന്നും ഹീ​റോ ഹോ​ണ്ട സ്‌​പ്ലെ​ന്‍​ഡ​ര്‍ ബൈ​ക്ക് മോ​ഷ്ടി​ച്ച കേ​സി​ല്‍ പി​ടി​യി​ലാ​യ വേ​ണു​ഗോ​പാ​ല്‍ പ്ര​തി​യാ​ണ്. പ്ര​തി​ക​ള്‍ ഉ​ള്‍​പ്പെ​ട്ട മ​റ്റ് കേ​സു​ക​ളെ കു​റി​ച്ച് പോ​ലീ​സ് അ​ന്വേ​ഷ​ണം ന​ട​ത്തി​വ​രി​ക​യാ​ണ്. സെ​ന്‍​ട്ര​ല്‍ പോ​ലീ​സ് സ്റ്റേ​ഷ​ന്‍ ഇ​ന്‍​സ്‌​പെ​ക്ട​ര്‍ അ​നീ​ഷ് ജോ​യി​യു​ടെ നേ​തൃ​ത്വ​ത്തി​ലു​ള്ള സം​ഘ​മാ​ണ് പ്ര​തി​ക​ളെ അ​റ​സ്റ്റ് ചെ​യ്ത​ത്. കോ​ട​തി​യി​ല്‍ ഹാ​ജ​രാ​ക്കി​യ പ്ര​തി​ക​ളെ റി​മാ​ന്‍​ഡ് ചെ​യ്തു.