പെ​രു​മ്പാ​വൂ​ർ: പാ​ൻ​മ​സാ​ല ക​ച്ച​വ​ട​ത്തി​ന്‍റെ മ​റ​വി​ൽ ക​ഞ്ചാ​വ് വി​ല്പ​ന ന​ട​ത്തി​യ ഇ​ത​ര​സം​സ്ഥാ​ന​ക്കാ​ര​ൻ എ​ക്‌​സൈ​സ് പി​ടി​യി​ലായി. ചാ​ച്ച ബു​ട്ട എ​ന്ന വി​ളി​പ്പേ​രു​ള്ള സ​ൺ​ഡേ ചാ​ച്ച എ​ന്ന​റി​യ​പ്പെ​ടു​ന്ന ആ​സം സ്വ​ദേ​ശി ജാ​ക്കി​ർ ഹു​സൈ​നെ(47)​യാ​ണ് എ​ക്‌​സൈ​സ് സം​ഘം അറസ്റ്റ്

ചെയ്തത്. പെ​രു​മ്പാ​വൂ​ർ മാ​ർ​ക്ക​റ്റി​ലാ​യി​രു​ന്നു ക​ച്ച​വ​ടം. ഇ​ന്ന​ലെ പു​ല​ർ​ച്ചെ ര​ണ്ടോ​ടെ ഒ​ക്ക​ലി​ൽ നി​ന്നാ​ണ് പ്ര​തി പി​ടി​യി​ലാ​യ​ത്.

ഇ​യാ​ളു​ടെ പ​ക്ക​ൽ നി​ന്നു 3.157 കി​ലോ​ഗ്രാം ക​ഞ്ചാ​വ് പി​ടി​ച്ചെ​ടു​ത്തു. പെ​രു​മ്പാ​വൂ​ർ മാ​ർ​ക്ക​റ്റി​ൽ പ്ര​തി​ക്ക് സ്വ​ന്ത​മാ​യു​ള്ള പാ​ൻ ഷോ​പ്പി​ലാ​ണ് ക​ഞ്ചാ​വ് വില്പന ന​ട​ത്തി​യി​രു​ന്ന​ത്. ഞാ​യ​റാ​ഴ്ച​ക​ളി​ൽ ക​ച്ച​വ​ടം ന​ട​ത്തി​യി​രു​ന്ന​തി​നാ​ലാ​ണ് സ​ൺ​ഡേ ചാ​ച്ച എ​ന്നു വി​ളി​പ്പേ​ര് വീ​ണ​ത്. അ​സ​മി​ൽനിന്ന് കൊ​ണ്ടുവ​രു​ന്ന മു​ന്തി​യ​യി​നം ക​ഞ്ചാ​വാ​ണ് വി​റ്റ​ഴി​ക്കു​ന്ന​ത്. എ​ക്സൈ​സി​ന്‍റെ​യും പോ​ലീ​സി​ന്‍റെ​യും ക​ണ്ണി​ൽ പെ​ടാ​തി​രി​ക്കാ​ൻ പ്ര​തി കു​ടും​ബ​വു​മാ​യി പെ​രു​മ്പാ​വൂ​രി​ൽ പ​ല വീ​ടു​ക​ളി​ലും മാ​റിമാ​റി​യാ​ണ് താ​മ​സി​ച്ചി​രു​ന്ന​ത്.

സ​ർ​ക്കി​ൾ ഇ​ൻ​സ്പെ​ക്ട​ർ എ​സ്. ബി​നു​വി​ന്‍റെ നേ​തൃ​ത്വ​ത്തി​ൽ അ​സി. എ​ക്സൈ​സ് ഇ​ൻ​സ്പെ​ക്ട​ർ സ​ലിം യൂ​സ​ഫ്, പ്രി​വ​ന്‍റീ​വ് ഓ​ഫീ​സ​ർ എ​സ്. ബാ​ലു, ന​വാ​സ്, അ​രു​ൺ ലാ​ൽ, സു​ഗ​ത ബീ​വി എ​ന്നി​വ​ർ പ​രി​ശോ​ധ​ന​യി​ൽ പ​ങ്കെ​ടു​ത്തു.