കൊ​ച്ചി: പെ​ൺ​കു​ട്ടി​ക​ളു​ടെ ഉ​ന്ന​ത വി​ദ്യാ​ഭ്യാ​സ​ത്തി​ലും വ​നി​താ ശാ​ക്തീ​ക​ര​ണ​ത്തി​ലും തി​ള​ക്ക​മാ​ർ​ന്ന അ​ധ്യാ​യ​ങ്ങ​ളെ​ഴു​തി​യ എ​റ​ണാ​കു​ളം സെ​ന്‍റ് തെ​രേ​സാ​സ് കോ​ള​ജി​ന് നൂ​റു വ​യ​സ്. കേ​ര​ള​ത്തി​ന്‍റെ ഉ​ന്ന​ത​വി​ദ്യാ​ഭ്യാ​സ രം​ഗ​ത്ത് മി​ക​വ​ട​യാ​ള​ങ്ങ​ളേ​റെ​യു​ള്ള കോ​ള​ജി​ന്‍റെ ശ​താ​ബ്ദി സ​മ്മേ​ള​നം 24നു ​ന​ട​ക്കും. രാ​ഷ്ട്ര​പ​തി ദ്രൗ​പ​ദി മു​ർ​മു​വാ​ണ് ആ​ഘോ​ഷ​ങ്ങ​ളി​ൽ മു​ഖ്യാ​തി​ഥി.

കോ​ള​ജി​ലെ പ്ലാ​റ്റി​നം ജൂ​ബി​ലി ഓ​ഡി​റ്റോ​റി​യ​ത്തി​ൽ ഉ​ച്ച​യ്ക്ക് 12നു ​ന​ട​ക്കു​ന്ന പ​രി​പാ​ടി​യി​ൽ ശ​താ​ബ്ദി ലോ​ഗോ രാ​ഷ്ട്ര​പ​തി പ്ര​കാ​ശ​നം ചെ​യ്യും. സ്ത്രീ​ശാ​ക്തീ​ക​ര​ണ​ത്തി​നാ​യി കാ​ർ​മ​ലൈ​റ്റ് സി​സ്റ്റേ​ഴ്സ് ഓ​ഫ് സെ​ന്‍റ് തെ​രേ​സ (സി​എ​സ്എ​സ്ടി) സ​ന്യാ​സി​നി സ​മൂ​ഹം 1925ലാ​ണ് സെ​ന്‍റ് തെ​രേ​സാ​സ് കോ​ള​ജ് സ്ഥാ​പി​ച്ച​ത്. പ​ഴ​യ കൊ​ച്ചി സം​സ്ഥാ​ന​ത്തെ ആ​ദ്യ വ​നി​താ ക​ലാ​ല​യ​മാ​ണി​ത്. തു​ട​ക്ക​ത്തി​ൽ 41 വി​ദ്യാ​ർ​ഥി​നി​ക​ളാ​ണു​ണ്ടാ​യി​രു​ന്ന​ത്. ഇ​ന്ന് ബി​രു​ദ, ബി​രു​ദാ​ന​ന്ത​ര, ഗ​വേ​ഷ​ണ കോ​ഴ്സു​ക​ളി​ൽ 25 ഡി​പ്പാ​ർ​ട്ട്‌​മെ​ന്‍റു​ക​ളും 4,263 വി​ദ്യാ​ർ​ഥി​നി​ക​ളു​മു​ണ്ട്.

2014ൽ ​സ്വ​യം​ഭ​ര​ണ പ​ദ​വി നേ​ടി​യ കോ​ള​ജി​ന് ദേ​ശീ​യ ത​ല​ത്തി​ൽ നാ​ക് അ​ക്ര​ഡി​റ്റേ​ഷ​നി​ൽ എ​പ്ല​സ്പ്ല​സ് ഗ്രേ​ഡും എ​ൻ​ഐ​ആ​ർ​എ​ഫ് റാ​ങ്കിം​ഗി​ൽ രാ​ജ്യ​ത്തെ കോ​ള​ജു​ക​ളി​ൽ 60 -ാം സ്ഥാ​ന​വു​മു​ണ്ട്.

ശ​താ​ബ്ദി ആ​ഘോ​ഷ​ങ്ങ​ളി​ൽ രാ​ഷ്ട്ര​പ​തി പ​ങ്കെ​ടു​ക്കു​ന്നു​വെ​ന്ന​ത് കോ​ള​ജി​നു​ള്ള ഏ​റ്റ​വും വ​ലി​യ ആ​ദ​ര​വാ​ണെ​ന്ന് ഡ​യ​റ​ക്ട​ർ സി​സ്റ്റ​ർ ടെ​സ പ​ത്ര സ​മ്മേ​ള​ന​ത്തി​ൽ പ​റ​ഞ്ഞു. സ്ത്രീ ​വി​ദ്യാ​ഭ്യാ​സ​ത്തി​നാ​യി ഒ​രു നൂ​റ്റാ​ണ്ട് മു​ൻ​പ് കോ​ള​ജി​ന്‍റെ സ്ഥാ​പ​ക​യാ​യ ദൈ​വ​ദാ​സി മ​ദ​ർ തെ​രേ​സ ഓ​ഫ് സെ​ന്‍റ് റോ​സ് ഓ​ഫ് ലി​മ​യു​ടെ ദീ​ർ​ഘ വീ​ക്ഷ​ണ​ത്തോ​ടെ​യു​ള്ള പ്ര​വ​ർ​ത്ത​ന​ങ്ങ​ൾ​ക്കും ത്യാ​ഗ​ങ്ങ​ൾ​ക്കു​ള്ള ദേ​ശീ​യ​മാ​യ അം​ഗീ​കാ​രം കൂ​ടി​യാ​ണെ​ന്നും അ​വ​ർ പ​റ​ഞ്ഞു.

ഗ​വ​ർ​ണ​ർ രാ​ജേ​ന്ദ്ര വി​ശ്വ​നാ​ഥ് അ​ർ​ലേ​ക്ക​ർ, കേ​ന്ദ്ര​മ​ന്ത്രി സു​രേ​ഷ് ഗോ​പി, മ​ന്ത്രി​മാ​രാ​യ പി. ​രാ​ജീ​വ്, വി.​എ​ൻ. വാ​സ​വ​ൻ, വ​രാ​പ്പു​ഴ സ​ഹാ​യ മെ​ത്രാ​ൻ ഡോ. ​ആ​ന്‍റ​ണി വാ​ലു​ങ്ക​ൽ, സി​എ​സ്എ​സ്ടി സു​പ്പീ​രി​യ​ർ ജ​ന​റ​ൽ സി​സ്റ്റ​ർ ജോ​സ് ലി​ന​റ്റ്, പ്രൊ​വി​ൻ​ഷ്യ​ൽ സു​പ്പീ​രി​യ​ർ സി​സ്റ്റ​ർ നീ​ലി​മ തു​ട​ങ്ങി​യ​വ​ർ ശ​താ​ബ്ദി സ​മ്മേ​ള​ന​ത്തി​ൽ പ്ര​സം​ഗി​ക്കും.

സ​യ​ൻ​സ് ബ്ലോ​ക്ക് ഡ​യ​റ​ക്ട​ർ സി​സ്റ്റ​ർ ഫ്രാ​ൻ​സി​സ് ആ​ൻ, ലോ​ക്ക​ൽ മാ​നേ​ജ​ർ സി​സ്റ്റ​ർ ശി​ൽ​പ, പ്രി​ൻ​സി​പ്പ​ൽ ഡോ. ​അ​നു ജോ​സ​ഫ്, ജ​ന​റ​ൽ ക​ൺ​വീ​ന​ർ ഡോ. ​എം. സ​ജി​മോ​ൾ അ​ഗ​സ്റ്റി​ൻ, സ​മ്മേ​ള​ന​ത്തി​ന്‍റെ കോ ​ഓ​ർ​ഡി​നേ​റ്റ​ർ പ്ര​ഫ. ആ​ർ. ല​താ നാ​യ​ർ, ഡീ​ൻ​മാ​രാ​യ പ്ര​ഫ. നി​ർ​മ​ല പ​ത്മ​നാ​ഭ​ൻ, പ്ര​ഫ. എം.​എ​സ്. ക​ല എ​ന്നി​വ​രും പ​ത്ര​സ​മ്മേ​ള​ന​ത്തി​ൽ പ​ങ്കെ​ടു​ത്തു.

പ്ര​മു​ഖ​ർ പൂ​ർ​വ​വി​ദ്യാ​ർ​ഥി​നി​കൾ

സ്വാ​ത​ന്ത്ര്യ സ​മ​ര​സേ​നാ​നി അ​ക്കാ​മ്മ ചെ​റി​യാ​ൻ, കെ.​ആ​ർ. ഗൗ​രി​യ​മ്മ, മേ​ഴ്‌​സി ര​വി, ജ​മീ​ല പ്ര​കാ​ശം, ജ​സ്റ്റീ​സ്‌ അ​നു ശി​വ​രാ​മ​ൻ, ന​ടി​മാ​രാ​യ റാ​ണി ച​ന്ദ്ര, സം​യു​ക്ത വ​ർ​മ, ദി​വ്യ ഉ​ണ്ണി, സം​വൃ​ത സു​നി​ൽ, അ​മ​ല പോ​ൾ, അ​സി​ൻ തൊ​ട്ടു​ങ്ക​ൽ, ഗാ​യി​ക സു​ജാ​ത മോ​ഹ​ൻ, ര​ഞ്ജി​നി ജോ​സ്, വൈ​ക്കം വി​ജ​യ​ല​ക്ഷ്മി, എ​ഴു​ത്തു​കാ​രി ജ​യ​ശ്രീ മി​ശ്ര, വി​ജ​യ​ല​ക്ഷ്മി തു​ട​ങ്ങി രാ​ഷ്ട്രീ​യ, സാ​മൂ​ഹി​ക, ക​ലാ, കാ​യി​ക രം​ഗ​ങ്ങ​ളി​ൽ പ്ര​മു​ഖ​ർ സെ​ന്‍റ് തെ​രേ​സാ​സി​ലെ പൂ​ർ​വ വി​ദ്യാ​ർ​ഥി​നി​ക​ളു​ടെ പ​ട്ടി​ക​യി​ലു​ണ്ട്.