ഇടിയോടിടി : കൂത്താട്ടുകുളത്ത് ആ​റു വാ​ഹ​ന​ങ്ങ​ൾ കൂ​ട്ടി​യി​ടി​ച്ചു; 35 പേർക്ക് പരിക്ക്
Tuesday, September 10, 2024 3:32 AM IST
കൂ​ത്താ​ട്ടു​കു​ളം: കൂ​ത്താ​ട്ടു​കു​ള​ത്ത് ആ​റു വാ​ഹ​ന​ങ്ങ​ൾ കൂ​ട്ടി​യി​ടി​ച്ച് ഉ​ണ്ടാ​യ അ​പ​ക​ട​ത്തി​ൽ 35 പേ​ർ​ക്ക്. പ​രി​ക്കേ​റ്റ​വ​രെ കൂ​ത്താ​ട്ടു​കു​ള​ത്തെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. അ​പ​ക​ട​ത്തി​ൽ ഗു​രു​ത​ര​മാ​യി പ​രി​ക്കേ​റ്റ യു​വ​തി​യെ വി​ദ​ഗ്ധ ചി​കി​ത്സ​യ്ക്കാ​യി കോ​ട്ട​യ​ത്തെ ആ​ശു​പ​ത്രി​യി​ലേ​ക്ക് മാ​റ്റി. കോ​ട്ട​യം ഭാ​ഗ​ത്തു​നി​ന്ന് മൂ​വാ​റ്റു​പു​ഴ ഭാ​ഗ​ത്തേ​ക്കു പോ​യ വാ​ഹ​ന​ങ്ങ​ളാ​ണ് ഒ​ന്നി​നു​പു​റ​കെ ഒ​ന്നാ​യി കൂ​ട്ടി​മു​ട്ടി​യ​ത്.

ഇ​ന്ന​ലെ വൈ​കു​ന്നേ​രം 3.45 നാ​ണ് അ​പ​ക​ടം ഉ​ണ്ടാ​യ​ത്. എം​സി റോ​ഡി​ൽ കൂ​ത്താ​ട്ടു​കു​ളം വി ​സി​നി​മ തി​യ​റ്റ​റി​ന് സ​മീ​പം ആ​റു വാ​ഹ​ന​ങ്ങ​ൾ കൂ​ട്ടി​യി​ടി​ക്കു​ക​യാ​യി​രു​ന്നു.

റോ​ഡി​നു മ​ധ്യ​ഭാ​ഗ​ത്താ​യി നി​ർ​ത്തി​യ ജീ​പ്പി​ന് പി​ന്നി​ൽ പി​ക്ക​പ്പും അ​തി​നു പി​ന്നി​ൽ ടി​പ്പ​റും ട്രാ​വ​ല​റും കെ​എ​സ്ആ​ർ​ടി​സി ബ​സും ബ​സി​നു പി​ന്നി​ൽ മ​റ്റൊ​രു കാ​റും ഇ​ടി​ക്കു​ക​യാ​യി​രു​ന്നു. കെ​എ​സ്ആ​ർ​ടി​സി ബ​സി​ലും ട്രാ​വ​ല​റി​ലും കാ​റി​ലും ഉ​ണ്ടാ​യി​രു​ന്ന​വ​ർ​ക്കാ​ണ് പ​രി​ക്കേ​റ്റ​ത്.


സാ​ര​മാ​യി പ​രി​ക്കേ​റ്റ കാ​ർ​യാ​ത്രി​ക, പാ​മ്പാ​ടി ഇ​ട​ത്ത​നാ​ട് ബോ​ബി​ന വ​ർ​ഗീ​സി​നെ കോ​ട്ട​യ​ത്തെ സ്വ​കാ​ര്യ ആ​ശു​പ​ത്രി​യി​ലേ​ക്ക് മാ​റ്റി. മ​റ്റാ​രു​ടെ​യും പ​രി​ക്ക് ഗു​രു​ത​ര​മ​ല്ല. അ​പ​ക​ട​ത്തെ​ത്തു​ട​ർ​ന്ന് എം​സി റോ​ഡി​ൽ ഗ​താ​ഗ​തം ത​ട​സ​പ്പെ​ട്ടെ​ങ്കി​ലും കൂ​ത്താ​ട്ടു​കു​ളം അ​ഗ്നി ര​ക്ഷാ​സേ​ന​യും പോ​ലീ​സും എ​ത്തി ഗ​താ​ഗ​തം പു​ന​സ്ഥാ​പി​ച്ചു.