ആ​ലു​വ: പു​തി​യ കെഎ​സ്ആ​ർടിസി ബ​സ് സ്റ്റാ​ൻ​ഡ് കെ​ട്ടി​ടം ഉ​ദ്ഘാ​ട​നം ചെ​യ്ത് മാ​സ​ങ്ങ​ൾ ക​ഴി​ഞ്ഞി​ട്ടും ഭ​ക്ഷ​ണ സൗ​ക​ര്യം ഇ​ല്ലാ​തെ യാ​ത്ര​ക്കാ​രും ജീ​വ​ന​ക്കാ​രും വ​ല​യു​ന്നു. ക​ഴി​ഞ്ഞ ദി​വ​സം സം​സ്ഥാ​ന​ത്തെ 16 കെഎ​സ്ആ​ർടിസി ഡി​പ്പോ​ക​ളി​ൽ റസ്റ്റ​റൻ​റു​ക​ൾ ആ​രം​ഭി​ക്കാ​ൻ ഇ- ​ടെ​ൻ​ഡ​ർ ക്ഷ​ണി​ച്ച പ​ട്ടി​ക​യി​ലും ആ​ലു​വ​യെ ഒ​ഴി​വാ​ക്കി.

കെ​ട്ടി​ട ന​മ്പ​രും ലൈ​സ​ൻ​സും ന​ൽ​കാ​ൻ ന​ഗ​ര​സ​ഭ ത​യാ​റാ​കാ​ത്ത​താ​ണ് ആ​ലു​വ​യെ ഒ​ഴി​വാ​ക്കാ​ൻ കാ​ര​ണം.ഉ​ദ്ഘാ​ട​നം ക​ഴി​ഞ്ഞ് ആ​റ് മാ​സ​ങ്ങ​ൾ ക​ഴി​ഞ്ഞി​ട്ടും കെ​ട്ടി​ടം പൂ​ർ​ണ സ​ജ്ജ​മാ​യി​ട്ടി​ല്ലെ​ന്ന പ​രാ​തി ഉ​യ​രു​ന്ന​തി​നി​ട​യി​ലാ​ണ് കെ​ട്ടി​ട​ത്തി​ന് ന​മ്പ​ർ ഇ​ടു​ന്ന​ത് വൈ​കു​ന്ന​ത്.

അ​ഞ്ച് വ​ർ​ഷം മു​മ്പ് ത​യാ​റാ​ക്കി​യ രൂ​പ​രേ​ഖ​യി​ൽ മൂ​ന്ന് വ​ട്ടം മാ​റ്റം വ​ന്ന​താ​ണ് വി​ന​യാ​യ​ത്. കെ​ട്ടി​ട​ത്തിന്‍റെ പു​തി​യ പ്ലാ​ൻ ത​യാ​റാ​ക്കാ​ൻ ടെ​ൻ​ഡ​ർ ന​ട​പ​ടി​ക​ൾ ആ​രം​ഭി​ച്ച​താ​യി കെഎ​സ്ആ​ർടിസി അ​ധി​കൃ​ത​ർ അ​റി​യി​ച്ചു.

വൈ​ദ്യു​തി ക​ണ​ക്ഷ​ൻ താ​ത്കാ​ലി​കം. നി​ല​വി​ൽ ക​രാ​റു​കാ​ര​ൻ നി​ർ​മാ​ണ​ത്തി​നാ​യി എ​ടു​ത്ത താ​ത്കാ​ലി​ക വൈ​ദ്യു​തി ക​ണ​ക്ഷ​നി​ലാ​ണ് ഫാ​നു​ക​ളും ലൈ​റ്റു​ക​ളും പ്ര​വ​ർ​ത്തി​ക്കു​ന്ന​ത്. ന​ഗ​ര​സ​ഭ​യു​ടെ പ്ര​വ​ർ​ത്ത​നാ​നു​മ​തി ഇ​ല്ലാ​ത്ത​തി​നാ​ൽ ക​ണ​ക്ഷ​ൻ ന​ൽ​കാ​ൻ കെഎ​സ്ഇബിയും ​കു​ടി​വെ​ള്ള ക​ണ​ക്ഷ​ൻ ന​ൽ​കാ​ൻ വാ​ട്ട​ർ അ​ഥോ​റി​റ്റി​യും ത​യാ​റ​ല്ല.

പ​ഴ​യ കെ​ട്ടി​ടം പൊ​ളി​ക്കു​ന്ന 2018 വ​രെ റോ​ഡ​രി​കി​ൽ ത​ന്നെ​യാ​യി​രു​ന്നു ബ​സ് ഡി​പ്പോ പ്ര​വ​ർ​ത്തി​ച്ചി​രു​ന്ന​ത്. പു​തി​യ ബ​സ് സ്റ്റാ​ൻ​ഡ് കെ​ട്ടി​ടം അ​ര കി​ലോ​മീ​റ്റ​റോ​ളം അ​ക​ത്തേ​ക്ക് ക​യ​റി​യാ​ണ് സ്ഥാ​പി​ച്ചി​രി​ക്കു​ന്ന​ത്. ഭാ​വി​യി​ൽ ഷോ​പ്പിം​ഗ് കോം​പ്ല​ക്സ് നി​ർ​മി​ക്കാ​മെ​ന്ന പ്ര​തീ​ക്ഷ​യി​ലാ​ണ് ഒ​രേ​ക്ക​റോ​ളം സ്ഥ​ലം ഒ​ഴി​വാ​ക്കി​യി​ട്ടി​രി​ക്കു​ന്ന​ത്.

എ​ന്തെ​ങ്കി​ലും ആ​വ​ശ്യ​ത്തി​ന് പു​റ​ത്തേ​ക്കി​റ​ങ്ങ​ണ​മെ​ങ്കി​ൽ മു​ന്നി​ലെ മൈ​താ​നം തി​രി​കെ താ​ണ്ട​ണം. ബ​സ് അ​തി​നി​ട​യി​ൽ വ​ന്നു പോ​കു​മോ​യെ​ന്ന ഭ​യം കാ​ര​ണം യാ​ത്ര​ക്കാ​ർ​ക്ക് ദൂ​രെ​യു​ള്ള ഹോ​ട്ട​ലു​ക​ളി​ലേ​ക്ക് പോ​കാ​നും മ​ടി​യാ​ണ്. കാന്‍റീ​ൻ ഇ​ല്ലാ​ത്ത​തി​നാ​ൽ ജീ​വ​ന​ക്കാ​രും ക​ഷ്ട​പ്പാ​ടി​ലാ​ണ്.