ആ​ലു​വ: അ​തി​ഥി​ത്തൊ​ഴി​ലാ​ളി​യു​ടെ 12 വ​യ​സു​കാ​രി​യാ​യ മ​ക​ളെ കാ​ണാ​താ​യ സം​ഭ​വ​ത്തി​ൽ ക​സ്റ്റ​ഡി​യി​ലാ​യ യു​വാ​വി​ന്‍റെ അ​റ​സ്റ്റ് രേ​ഖ​പ്പെ​ടു​ത്തി. പശ്ചിമ ബം​ഗാ​ൾ മൂ​ർ​ഷി​ദാ​ബാ​ദ് സ്വ​ദേ​ശി മാ​ണി​ക്ക് (18) ആ​ണ് അ​റ​സ്റ്റി​ലാ​യത്. പ്ര​തി​ക്കെ​തി​രെ പോ​ക്സോ കേ​സ് ആ​ലു​വ ടൗ​ൺ പോ​ലീ​സ് ര​ജി​സ്റ്റ​ർ ചെ​യ്തു.

പെ​ൺ​കു​ട്ടി​യെ വി​വാ​ഹം ക​ഴി​ക്ക​ണ​മെ​ന്ന ഉ​ദ്ദേ​ശ​ത്തോ​ടെ ഇ​യാ​ൾ കൊ​ണ്ടു​പോ​വു​ക​യാ​യി​രു​ന്നെ​ന്ന് പോ​ലീ​സ് പ​റ​ഞ്ഞു. ഫോ​ണി​ലൂ​ടെ​യും നേ​രി​ട്ടും സൗ​ഹൃ​ദം സ്ഥാ​പി​ച്ച ശേ​ഷം ഞാ​യ​റാ​ഴ്ച വൈ​കി​ട്ട് അഞ്ചോ​ടെ എ​ട​യ​പ്പു​റം ഭാ​ഗ​ത്തുനി​ന്ന് നി​ർ​ബ​ന്ധി​ച്ചാ​ണ് അ​ങ്ക​മാ​ലി​യി​ലേ​ക്ക് കൊ​ണ്ടു​പോ​യ​ത്.

വീ​ട്ടി​ൽ നി​ന്ന് പ​ല​ച​ര​ക്ക് സാ​ധ​ന​ങ്ങ​ൾ വാ​ങ്ങാ​ൻ പോ​യ മ​ക​ളെ കാ​ണാ​നി​ല്ലെ​ന്ന പി​താ​വി​ന്‍റെ പ​രാ​തിയുടെ അ​ടി​സ്ഥാ​ന​ത്തി​ലാ​ണ് പോ​ലീ​സ് വ്യാ​പ​ക പ​രി​ശോ​ധന ന​ട​ത്തി​യ​ത്. ഗ്രൂ​പ്പു​ക​ളാ​യി തി​രി​ഞ്ഞ് നി​ര​വ​ധി വാ​ഹ​ന​ങ്ങ​ളും അ​മ്പ​തോ​ളം സിസിടിവിക​ളും പ​രി​ശോ​ധി​ച്ചു.

ഇ​തി​നി​ടെ കോൽ​ക്ക​ത്ത​യി​ലെ പെ​ൺ​കു​ട്ടി​യു​ടെ ബ​ന്ധു​വീ​ട്ടി​ലേ​ക്ക് വി​ളി​ച്ച് ട്രെ​യി​നി​ൽ നാ​ട്ടി​ലേ​ക്ക് വ​രു​മെ​ന്ന് അ​റി​യി​ച്ച​ത് വ​ഴി​ത്തി​രി​വാ​യി. പോ​ലീ​സ് ന​ട​ത്തി​യ ശാ​സ്ത്രീ​യ അ​ന്വേ​ഷ​ണ​ത്തി​നൊ​ടു​വി​ൽ അ​ങ്ക​മാ​ലി റെ​യി​ൽ​വേ സ്റ്റേ​ഷ​ന​ടു​ത്ത് ഒ​രു വീ​ട്ടി​ലു​ണ്ടെ​ന്ന് ക​ണ്ടെ​ത്തു​ക​യാ​യി​രു​ന്നു. ഡിവൈഎ​സ്പി ​എ . പ്ര​സാ​ദ്, ഇ​ൻ​സ്പെ​ക്ട​ർ എം.​എം മ​ഞ്ജു​ദാ​സ്, എ​സ്ഐ കെ. ​ന​ന്ദ​കു​മാ​ർ സിപിഒ ​മാ​രാ​യ മാ​ഹി​ൻ ഷാ ​അ​ബൂ​ബ​ക്ക​ർ, മു​ഹ​മ്മ​ദ് അ​മീ​ർ, കെ.​എം മ​നോ​ജ്, ടി.​ബി. സ​ന്ധ്യ തു​ട​ങ്ങി​യ​വ​രാ​ണ് അ​ന്വേ​ഷ​ണ സം​ഘ​ത്തി​ലു​ണ്ടാ​യി​രു​ന്ന​ത്.