കോ​ത​മം​ഗ​ലം: കോ​ട്ട​പ്പ​ടി പ​ഞ്ചാ​യ​ത്തി​ലെ മു​ട്ട​ത്തു​പാ​റ​യി​ല്‍ കി​ണ​റ്റി​ല്‍ വീ​ണ കാ​ട്ടാ​ന​യെ മ​യ​ക്കു​വെ​ടി വ​ച്ച് കൊ​ണ്ടു​പോ​കു​മെ​ന്ന പ്ര​ഖ്യാ​പ​ന​ത്തി​ന് വി​രു​ദ്ധ​മാ​യി കി​ണ​റി​ന്‍റെ വ​ശ​മി​ടി​ച്ച് ക​ര​ക​യ​റ്റി കാ​ടു​ക​ട​ത്തി വി​ട്ട വ​നം​വ​കു​പ്പ് ന​ട​പ​ടി വി​വാ​ദ​ത്തി​ലേ​ക്ക്. എം​എ​ൽ​എ​മാ​രാ​യ ആ​ന്‍റ​ണി ജോ​ണ്‍, എ​ൽ​ദോ​സ് കു​ന്ന​പ്പി​ള്ളി എ​ന്നി​വ​രു​ടെ നേ​തൃ​ത്വ​ത്തി​ൽ ചേ​ര്‍​ന്ന തീ​രു​മാ​ന​ത്തി​ന് വി​രു​ദ്ധ​മാ​യി​രു​ന്നു ന​ട​പ​ടി​യെ​ന്നാ​ണ് ആ​രോ​പ​ണം.

പ്ര​ദേ​ശ​വാ​സി​ക​ളേ​യും മ​റ്റ് ജ​ന​പ്ര​തി​നി​ധി​ക​ളേ​യും ക​ബ​ളി​പ്പി​ക്കു​ന്ന​താ​ണ് വ​നം വ​കു​പ്പ് ന​ട​പ​ടി​യെ​ന്നാ​ണ് ആ​രോ​പ​ണ​വു​മാ​യി ജ​ന​പ്ര​തി​നി​ധി​ക​ള​ട​ക്കം രം​ഗ​ത്തെ​ത്തി. മ​യ​ക്കു​വെ​ടി വെ​ച്ച് ആ​ന​യെ പു​റ​ത്തെ​ത്തി​ക്കാ​നു​ള്ള തീ​രു​മാ​ന​ത്തി​നു വി​രു​ദ്ധ​മാ​യി വ​നം​വ​കു​പ്പ് ത​ന്ത്ര​പ​ര​മാ​യി ആ​ന​യെ കി​ണ​റി​ല്‍​നി​ന്ന് പു​റ​ത്തു​ക​ട​ത്തുക​യാ​യി​രു​ന്നുവെന്നാണ് ആക്ഷേപം.

ആ​ളു​ക​ൾ പി​രി​ഞ്ഞു​പോ​യ​തി​നു പി​ന്നാ​ലെ യാ​തൊ​രു സു​ര​ക്ഷാ ന​ട​പ​ടി​ക​ളും എ​ടു​ക്കാ​തെ കിണർ പൊ​ളി​ച്ച് ആ​ന​യെ കര കയറ്റുകയാണ് ചെ​യ്തതെന്നും ജ​ന​പ്ര​തി​നി​ധി​ക​ളെ വി​ശ്വ​സി​ച്ച ആ​ളു​ക​ളെ ച​തി​ക്കു​ക​യാ​ണ് ഉ​ദ്യോ​ഗ​സ്ഥ രാ​ഷ്ട്രീ​യ നേ​തൃ​ത്വം ചെ​യ്ത​തെ​ന്ന് നാ​ട്ടു​കാ​രും ആ​രോ​പി​ക്കു​ന്നു.

15 മ​ണി​ക്കൂ​ര്‍ കി​ണ​റ്റി​ല്‍ കി​ട​ന്ന ആ​ന അ​വ​ശ​നാ​യെ​ന്ന അ​ടി​യ​ന്ത​ര സാ​ഹ​ച​ര്യം പ​രി​ഗ​ണി​ച്ചാ​ണ് ഈ ​തീ​രു​മാ​ന​മെ​ന്നാ​ണ് ഡി​എ​ഫ്ഒ പ​റ​യു​ന്ന​ത്. സാ​ഹ​ച​ര്യം വി​ശ​ദ​മാ​ക്കി മ​ല​യാ​റ്റൂ​ര്‍ ഡി​എ​ഫ്ഒ പ​ത്ര​ക്കു​റി​പ്പും ഇ​റ​ക്കി. മ​യ​ക്കു​വെ​ടി വ​യ്ക്കു​ന്ന​തി​ന് മു​ന്നോ​ടി​യാ​യി കി​ണ​ര്‍ വ​റ്റി​ക്കാ​ന്‍ പ​മ്പ് സെ​റ്റി​ന്‍റെ പൈ​പ്പ് ഇ​ട്ട​പ്പോ​ൾ ആ​ന വ​ലി​ച്ച​തു മൂ​ലം വെ​ള്ളം വ​റ്റി​ക്കു​ന്ന​ത് ഉ​പേ​ക്ഷി​ക്കേ​ണ്ടി വ​ന്നു.

മ​യ​ക്കു​വെ​ടി വ​യ്ക്കു​ന്ന​തി​ന് ക​പ്രി​ക്കാ​ട് അ​ഭ​യാ​ര​ണ്യം അ​സി​സ്റ്റ​ന്‍റ് ഫോ​റ​സ്റ്റ് വെ​റ്റ​റി​ന​റി ഓ​ഫീ​സ​ര്‍, പു​തൂ​ര്‍ ബ​യോ​ള​ജി​ക്ക​ല്‍ പാ​ര്‍​ക്ക് വെ​റ്റ​റി​ന​റി ഓ​ഫീ​സ​ര്‍, പാ​ല​ക്കാ​ട്‌​നി​ന്നു​ള്ള ദ്രു​ത​ക​ര്‍​മ സേ​നാം​ഗ​ങ്ങ​ള്‍ എ​ന്നി​വ​ര്‍​ക്കൊ​പ്പം ലോ​റി​യും ക്രെ​യി​നും ആ​വ​ശ്യ​മാ​യ സ​ജ്ജീ​ക​ര​ണ​ത്തോ​ടെ സ്ഥ​ല​ത്തു​ണ്ടാ​യി​രു​ന്നു. ജ​ന​ങ്ങ​ളു​ടെ സു​ര​ക്ഷ ക​ണ​ക്കി​ലെ​ടു​ത്ത് നാ​ല് വാ​ര്‍​ഡി​ല്‍ 144ഉം ​പ്ര​ഖ്യാ​പി​ച്ചു.

സ​മ​യം വൈ​കു​ന്ന​ത് ആ​ന​യു​ടെ ജീ​വ​ന് ഭീ​ഷ​ണി​യാ​കു​മെ​ന്നതു ക​ണ​ക്കി​ലെ​ടു​ത്താ​ണ് മ​യ​ക്കു​വെ​ടി വ​ച്ച് ആ​ന​യെ പി​ടി​കൂ​ടു​ന്ന ദൗ​ത്യം ഉ​പേ​ക്ഷി​ക്കേ​ണ്ടി​വ​ന്ന​ത്. സ്ഥ​ല​ത്തു​ണ്ടാ​യി​രു​ന്ന ആ​ര്‍​ഡി​ഒ, ഉ​ന്ന​ത പോ​ലീ​സ് ഉ​ദ്യോ​ഗ​സ്ഥ​ര്‍, മ​ല​യാ​റ്റൂ​ര്‍ ഡി​എ​ഫ്ഒ, പ​ഞ്ചാ​യ​ത്ത് ജ​ന​പ്ര​തി​നി​ധി​ക​ള്‍ എ​ന്നി​വ​രു​മാ​യി കൂ​ടി​യാ​ലോ​ചി​ച്ചാ​ണ് കി​ണ​റി​ന്‍റെ വ​ശ​മി​ടി​ച്ച് ആ​ന​യെ ക​ര​യ്ക്ക് ക​യ​റ്റാ​ന്‍ തീ​രു​മാ​നി​ച്ച​തെ​ന്നാ​ണ് മ​ല​യാ​റ്റൂ​ര്‍ ഡി​എ​ഫ്ഒ പ​ത്ര​ക്കു​റി​പ്പി​ലൂ​ടെ അ​റി​യി​ച്ച​ത്.

ഇ​തി​ന്‍റെ അ​ടി​സ്ഥാ​ന​ത്തി​ല്‍ ആ​ന​യെ ക​ര​യ്‌​ക്കെ​ത്തി​ച്ച് ജ​ന​ങ്ങ​ളു​ടെ ജീ​വ​നോ സ്വ​ത്തി​നോ നാ​ശ​ന​ഷ്ടം ഉ​ണ്ടാ​ക്കാ​തെ വ​ന​ത്തി​ലേ​ക്ക് തി​രി​കെ വി​ട്ടു. ആ​ന വ​ന​ത്തി​ല്‍ ക​യ​റി​യ​താ​യി ഉ​റ​പ്പ് വ​രു​ത്തി​യ ശേ​ഷം മാ​ത്ര​മാ​ണ് വ​ന​പാ​ല​ക​രും പോ​ലീ​സും സ്ഥ​ല​ത്ത് നി​ന്നു പോ​യ​തും. പ്ര​ത്യേ​ക ദൗ​ത്യ സം​ഘം സ്ഥ​ല​ത്ത് ക്യാ​മ്പ് ചെ​യ്ത് നി​രീ​ക്ഷ​ണ​വും ന​ട​ത്തു​ന്നു എ​ന്നും ഡി​എ​ഫ്ഒ​യു​ടെ പ​ത്ര​ക്കുറി​പ്പി​ലു​ണ്ട്.

മ​യ​ക്കു​വെ​ടി​വ​ച്ച് ആ​ന​യെ കൊ​ണ്ടു​പോ​കാ​നാ​ണ് യോ​ഗ​ത്തി​ലെ​ടു​ത്ത തീ​രു​മാ​ന​മെ​ന്ന് പ​ഞ്ചാ​യ​ത്ത് പ്ര​സി​ഡ​ന്‍റ് മി​നി ഗോ​പി പ​റ​ഞ്ഞു. വൈ​കി​ട്ട് മ​ഴ പെ​യ്ത​പ്പോ​ള്‍ പു​ര​യി​ട​ത്തി​ലെ വീ​ട്ടി​ലേ​ക്ക് ക​യ​റി​നി​ന്ന സ​മ​യ​ത്തി​നി​ടെ​യാ​ണ് മ​ണ്ണി​ടി​ച്ച് ആ​ന​യെ ക​യ​റ്റി​വി​ട്ട​ത്. ഇ​ത് പ​ഞ്ചാ​യ​ത്തി​ന്‍റെ കൂ​ടെ അ​റി​വോ​ടെ​യാ​ണെ​ന്ന ആ​രോ​പ​ണം പ്ര​സി​ഡ​ന്‍റ് നി​ഷേ​ധി​ച്ചു.

ജ​ന​ങ്ങ​ള്‍​ക്ക് ന​ല്‍​കി​യ ഉ​റ​പ്പ് ലം​ഘി​ച്ച് മ​റ്റൊ​രു തീ​രു​മാ​നം ന​ട​പ്പാ​ക്കി​യ വ​നം​വ​കു​പ്പ് ന​ട​പ​ടി വ​ള​രെ മോ​ശ​മാ​യി​പ്പോ​യെ​ന്നും അ​വ​ര്‍ വ്യ​ക്ത​മാ​ക്കി. മ​ല​യാ​റ്റൂ​ര്‍ ഡി​എ​ഫ്ഒ​യു​ടെ വാ​ദം ശു​ദ്ധ നു​ണ​യാ​ണെ​ന്ന് വാ​ര്‍​ഡ് മെ​മ്പ​ര്‍ സ​ന്തോ​ഷ് അ​യ്യ​പ്പ​നും ആ​രോ​പി​ച്ചു.

കാ​ട്ടാ​ന​യെ മ​യ​ക്കു​വെ​ടി വ​ച്ച് പി​ടി​ച്ച് വ​ന​ത്തി​ല്‍ തു​റ​ന്നു​വി​ടാ​നാ​ണ് എം​എ​ല്‍​എ​യു​ടെ അ​ധ്യ​ക്ഷ​ത​യി​ല്‍ ചേ​ര്‍​ന്ന യോ​ഗ​ത്തി​ല്‍ തീ​രു​മാ​നി​ച്ച​ത്. ഉ​ദ്യോ​ഗ​സ്ഥ​ര്‍​ക്കെ​തി​രെ നി​യ​മ​ന​ട​പ​ടി​യു​മാ​യി മു​ന്നോ​ട്ട് പോ​കാ​ൻ തീ​രു​മാ​നി​ച്ച​താ​യും വാ​ര്‍​ഡ് മെ​മ്പ​ര്‍ പ​റ​ഞ്ഞു.

ന​ട​പ​ടി വേ​ണ​മെ​ന്ന് എം​എ​ൽ​എ

കോ​ത​മം​ഗ​ലം: കോ​ട്ട​പ്പ​ടി​യി​ൽ കാ​ട്ടാ​ന​യെ നാ​ട്ടി​ൽ തു​റ​ന്നു​വി​ടാ​ൻ ഇ​ട​യാ​ക്കി‍​യ ഉ​ദ്യോ​ഗ​സ്ഥ​ർ​ക്കെ​തി​രെ ന​ട​പ​ടി​യെ​ടു​ക്ക​ണ​മെ​ന്ന് എ​ൽ​ദോ​സ് കു​ന്ന​പ്പ​ള്ളി എം​എ​ൽ​എ വ​കു​പ്പ് മ​ന്ത്രി​ക്ക് അ​യ​ച്ച പ​രാ​തി​യി​ൽ ആ​വ​ശ്യ​പ്പെ​ട്ടു.

ആ​ന​യെ മ​യ​ക്കു​വെ​ടി​വ​ച്ച് ക്രെ​യി​ൻ ഉ​പ​യോ​ഗി​ച്ച് ഉ​യ​ർ​ത്തി പി​ടി​കൂ​ടി കാ​ട്ടി​ൽ ക​യ​റ്റി​വി​ടാ​ൻ ജ​ന​പ്ര​തി​നി​ധി​ക​ൾ കൂ​ടി​ച്ചേ​ർ​ന്നെ​ടു​ത്ത തീ​രു​മാ​നം ന​ട​പ്പാ​ക്കാ​തെ പോ​യ​ത് പ്ര​കോ​പ​ന​പ​ര​മാ​ണ്. ജ​ന​പ്ര​തി​നി​ധി​ക​ളു​ടെ സാ​ന്നി​ധ്യ​ത്തി​ലെ​ടു​ത്ത തീ​രു​മാ​നം മ​ന്ത്രി​യു​ടെ അ​റി​വോ​ടെ​യാ​ണോ അ​ട്ടി​മ​റി​ച്ച​തെ​ന്ന് വി​ശ​ദ​മാ​ക്ക​ണം.

രാ​ഷ്ട്രീ​യ മു​ത​ലെ​ടു​പ്പ് ന​ട​ത്താ​തെ സ​മ​വാ​യ​ത്തി​നാ​ണ് ശ്ര​മി​ച്ച​ത്. യോ​ഗ തീ​രു​മാ​ന​ങ്ങ​ൾ ജി​ല്ലാ ക​ള​ക്ട​ർ വ​ഴി ത​ത്സ​മ​യം വ​നം മ​ന്ത്രി​യെ അ​റി​യി​ക്കു​ക​യും ചെ​യ്തു. അ​പ​ക​ടം ഒ​ഴി​വാ​ക്കാ​നാ​യി നി​രോ​ധ​നാ​ജ്ഞ ന​ട​പ്പാ​ക്കി​യി​ട്ട് അ​തി​ന്‍റെ മ​റ​വി​ൽ ആ​ന​യെ ലാ​ഘ​വ​ത്തോ​ടെ തു​റ​ന്നു​വി​ടാ​ൻ ഇ​ട​യാ​യ വ​നം​വ​കു​പ്പി​ന്‍റെ ന​ട​പ​ടി പ്ര​തി​ഷേ​ധാ​ർ​ഹ​മാ​ണെ​ന്നും എം​എ​ൽ​എ പ​റ​ഞ്ഞു.

ഉ​ദ്യോ​ഗ​സ്ഥ - രാ​ഷ്ട്രീ​യ ഒ​ത്തു​ക​ളി​യെ​ന്നു കി​ഫ

കോ​ത​മം​ഗ​ലം: കോ​ട്ട​പ്പ​ടി​യി​ൽ കിണറ്റിൽ വീ​ണ ആ​ന​യെ ജ​ന​വാ​സ മേ​ഖ​ല​യി​ലേ​ക്കു ക​യ​റ്റി​വി​ട്ട​തു​മാ​യി ബ​ന്ധ​പ്പെ​ട്ട് ജ​ന​പ്ര​തി​നി​ധി​ക​ളും, ആ​ർ ഡി ​ഒ അ​ട​ക്ക​മു​ള്ള സ​ർ​ക്കാ​ർ ഉ​ദ്യോ​ഗ​സ്ഥ​ന്മാ​രും കാ​ണി​ച്ച​തു കൊ​ടി​യ വ​ഞ്ച​ന​യെ​ന്നു കി​ഫ എ​റ​ണാ​കു​ളം ജി​ല്ലാ ക​മ്മി​റ്റി. വി​ഷ​യ​ത്തി​ൽ ഉ​ദ്യോ​ഗ​സ്ഥ - രാ​ഷ്ട്രീ​യ ഒ​ത്തു​ക​ളി​യാ​ണു ന​ട​ന്ന​ത്.

നാ​ട്ടു​കാ​ർ കാ​ണി​ച്ച സ​ഹ​ക​ര​ണ​ത്തി​നും, അ​വ​രു​ടെ ആ​ത്മാ​ർ​ഥ​ത​ക്കും പു​ല്ലു ക​ൽ​പ്പി​ച്ചാ​ണു വൈ​കു​ന്നേ​രം മ​ഴ​യു​ടെ മ​റ​വി​ൽ ആ​ന​യെ ജ​ന​വാ​സ മേ​ഖ​ല​യി​ലേ​ക്കു ക​യ​റ്റി​വി​ട്ട​ത്. എം​എ​ൽ​എ​മാ​ർ കാ​ണി​ച്ച വ​ഞ്ച​ന​യ്ക്ക് മാ​പ്പു​പ​റ​യ​ണം.

മേ​ലി​ൽ ഉ​ണ്ടാ​കു​ന്ന ഇ​ത്ത​രം പ്ര​തി​സ​ന്ധി​ക​ളി​ൽ വ​നം വ​കു​പ്പി​നെ​യും ജ​ന​പ്ര​തി​നി​ക​ളെ​യും വി​ശ്വാ​സ​ത്തി​ലെ​ടു​ക്കാ​തെ ക​ർ​ഷ​ക പ​ക്ഷ​ത്തു​നി​ന്ന് ശ​ക്ത​മാ​യ പ്ര​തി​രോ​ധം തീ​ർ​ക്കു​മെ​ന്നും കി​ഫ ജി​ല്ലാ പ്ര​സി​ഡ​ന്‍റ് സി​ജു​മോ​ൻ ഫ്രാ​ൻ​സി​സ് പ​റ​ഞ്ഞു.