കനത്ത മഴയിൽ മരം വീടിനു മുകളിലേക്ക് മറിഞ്ഞുവീണു
1339930
Monday, October 2, 2023 1:50 AM IST
വടക്കേക്കര: കനത്ത മഴയിൽ വീടിന് മുകളിലേക്ക് മരം മറിഞ്ഞു വീണു. ഞായർ പകൽ 9.30ന് തുരുത്തിപ്പുറം തേവുരുത്തിൽ ടി.പി. പ്രശാന്തിന്റെ വീടിന്റെ പുറകിലുള്ള അടുക്കളപ്പുരയിലേക്കാണ് തൊട്ടടുത്ത വീടിന്റെ പറമ്പിൽ നിന്നിരുന്ന ആഞ്ഞിലിമരം കടപുഴകി വീണത്.
അപകട സമയത്ത് പ്രശാന്തും ഭാര്യ ബിജിയും മക്കളായ മിത്രയും പവിത്രയും വീടിന്റെ മുൻവശത്തായിരുന്നതിനാൽ പരിക്കേൽക്കാതെ രക്ഷപ്പെട്ടു. മരം വീണതിനെതുടർന്ന് അടുക്കളപ്പുര പൂർണമായും നശിച്ചു.