കൊ​ച്ചി‌\കളമശേരി: അ​ഴി​മ​തിക്ക െതിരേ ജീ​വി​തം നീ​ക്കിവച്ച പോ​രാ​ളി​യാ​യി​രു​ന്നു ഇ​ന്ന​ലെ അ​ന്ത​രി​ച്ച ക​ള​മ​ശേ​രി സ്വ​ദേ​ശി ജി.​ഗി​രീ​ഷ് ബാ​ബു. രാ​ഷ്ട്രീ​യ കേരളത്തെ പി​ടി​ച്ചുകു​ലു​ക്കി​യ ഒ​ട്ടേ​റെ അ​ഴി​മ​തി സം​ഭ​വ​ങ്ങ​ളാ​ണ് സു​രേ​ഷ് ബാ​ബു പു​റ​ത്തുകൊ​ണ്ടു​വ​ന്നി​ട്ടു​ള്ള​ത്.

പാ​ലാ​രി​വ​ട്ടം മേ​ല്‍​പാ​ലം അ​ഴി​മ​തി​ക്കേ​സ് തു​ട​ങ്ങി ഏ​റ്റ​വു​മൊ​ടു​വി​ല്‍ മു​ഖ്യ​മ​ന്ത്രി​ക്കും മ​ക​ള്‍​ക്കും യു​ഡി​എ​ഫ് നേ​താ​ക്ക​ള്‍​ക്കു​മെ​തി​രാ​യ മാ​സ​പ്പ​ടി വി​വാ​ദ കേ​സ് വ​രെ നീ​ളു​ന്നു ഗിരീഷ് ബാ​ബു ഇ​ട​പെ​ട്ട് ന​ട​ത്തി​യ അ​ഴി​മ​തി വി​രു​ദ്ധ പോ​രാ​ട്ടം. മാ​സ​പ്പ​ടി​ക്കേ​സി​ല്‍ ഇ​ന്ന​ലെ ഹൈ​ക്കോ​ട​തി ഹ​ര്‍​ജി പ​രി​ഗ​ണി​ക്കാ​നി​രി​ക്കെ​യാ​ണ് ഗി​രീ​ഷ് ബാ​ബുവിന്‍റെ വിയോഗം.

മാ​സ​പ്പ​ടി​ക്കേ​സി​ല്‍ വി​ജി​ല​ന്‍​സ് അ​ന്വേ​ഷ​ണം വേ​ണ​മെന്ന ഹ​ര്‍​ജി​യാ​ണ് ഗി​രീ​ഷ് ഏ​റ്റ​വും അ​വ​സാ​നം ഹൈ​ക്കോ​ട​തി​യി​ല്‍ ന​ല്‍​കി​യ​ത്. ഇ​തി​നു മു​മ്പ് പാ​ലാ​രി​വ​ട്ടം മേ​ല്‍​പാ​ലം അ​ഴി​മ​തി​ക്കേ​സ്, മു​ന്‍​മ​ന്ത്രി വി.​കെ. ഇ​ബ്രാ​ഹിം കു​ഞ്ഞി​നെ​തി​രാ​യ ക​ള്ള​പ്പ​ണം വെ​ളു​പ്പി​ക്ക​ല്‍ കേ​സ്, ച​മ്ര​വ​ട്ടം പാ​ല​ത്തി​ലെ അ​പ്രോ​ച്ച് റോ​ഡു​ക​ളു​ടെ നി​ര്‍​മാ​ണ​വു​മാ​യി ബ​ന്ധ​പ്പെ​ട്ട് മു​ന്‍ പൊ​തു​മ​രാ​മ​ത്ത് വ​കു​പ്പു സെ​ക്ര​ട്ട​റി ടി.​ഒ. സൂ​ര​ജി​നെ​തി​രെ​യു​ള്ള കേ​സ് തു​ട​ങ്ങി​യ​വ​‌യ്ക്കൊക്കെ പി​ന്നി​ല്‍ ഗി​രീ​ഷി​ന്‍റെ അ​ഴി​മ​തി വി​രു​ദ്ധ പോ​രാ​ട്ട​ത്തി​ന്‍റെ ക​ഥ​യു​ണ്ട്.

വി​വാ​ദ സ്വാ​മി സ​ന്തോ​ഷ് മാ​ധ​വ​നു​മാ​യി ബ​ന്ധ​മു​ള്ള സ്വ​കാ​ര്യ സ്ഥാ​പ​ന​ത്തി​ന് ഹൈ ​ടെ​ക്ക് ഐ​ടി പാ​ര്‍​ക്ക് തു​ട​ങ്ങാ​ന്‍ മി​ച്ചഭൂ​മി അ​നു​വ​ദി​ച്ചെ​ന്ന കേ​സാ​ണ് മ​റ്റൊ​ന്ന്. ഈ ​കേ​സി​ല്‍ മു​ന്‍​മ​ന്ത്രി അ​ടൂ​ര്‍ പ്ര​കാ​ശി​നെ​തി​രെ വി​ജി​ല​ന്‍​സ് കോ​ട​തി അ​ന്വേ​ഷ​ണ​ത്തി​ന് ഉ​ത്ത​ര​വി​ട്ടി​രു​ന്നു. ചി​ല​വ​ന്നൂ​ര്‍ കാ​യ​ല്‍ കൈ​യേ​റി സ്വ​കാ​ര്യ ബോ​ട്ടു​ജെ​ട്ടി​യും ചു​റ്റു​മ​തി​ലും നി​ര്‍​മി​ച്ചെ​ന്നാ​രോ​പി​ച്ച് ന​ട​ന്‍ ജ​യ​സൂ​ര്യ​ക്കെ​തി​രെ ന​ല്‍​കി​യ കേ​സ്, ബോ​ള്‍​ഗാ​ട്ടി​യി​ല്‍ തീ​ര​സം​ര​ക്ഷ​ണ നി​യ​മം ലം​ഘി​ച്ച് കെ​ട്ടി​ടം നി​ര്‍​മി​ച്ചെ​ന്നാ​രോ​പി​ച്ച് ഗാ​യ​ക​ന്‍ എം.​ജി. ശ്രീ​കു​മാ​റി​നെ​തി​രെ​യു​ള്ള കേ​സ്, ലൈം​ഗി​കാ​തി​ക്ര​മ​ത്തി​നി​ര​യാ​യ യു​വ​ന​ടി​യു​ടെ പേ​രു വെ​ളി​പ്പെ​ടു​ത്തി​യെ​ന്ന് ആ​രോ​പി​ച്ച് ന​ട​ന്‍ അ​ജു വ​ര്‍​ഗീ​സി​നെ​തി​രെ ന​ല്‍​കി​യ കേ​സ്, ദേ​ശീ​യ​പാ​ത​യി​ലെ ടോ​ള്‍ പി​രി​വി​നെ​തി​രാ​യ ഹ​ര്‍​ജി, കൊ​ച്ചി​ന്‍ സ​ര്‍​വ​ക​ലാ​ശാ​ല​യി​ലെ ഭൂ​മി കൈ​യേ​റ്റം, മൂ​ന്നാ​റി​ല്‍ റോ​ഡു നി​ര്‍​മാ​ണ​ത്തി​ന്‍റെ മ​റ​വി​ല്‍ ക​രാ​റു​കാ​ര​ന്‍ പാ​റ ക​ട​ത്തി കേ​സ് തു​ട​ങ്ങി നി​ര​വ​ധി കേ​സു​ക​ളി​ല്‍ ഗി​രീ​ഷ് ബാ​ബു ഹ​ര്‍​ജി​ക്കാ​ര​നാ​യി​രു​ന്നു.

നേടിയെടുത്തത് അനവധി അനുകൂല വിധികൾ

പി​എ​സ്‌​സി അം​ഗ​മാ​കാ​ന്‍ കൈ​ക്കൂ​ലി വാ​ങ്ങി​യ​ത്, ക​ള​മ​ശേ​രി​യി​ലെ എ​യ​ര്‍​പോ​ര്‍​ട്ട് സീ​പോ​ര്‍​ട്ട് റോ​ഡ് കൈയേ​റ്റം, കേ​ന്ദ്ര സ​ര്‍​ക്കാ​ര്‍ ശാ​സ്ത്ര സ്ഥാ​പ​ന​മാ​യ ഐ​സ​റി​ന്‍റെ നി​ര്‍​മാ​ണ അ​ഴി​മ​തി​ക്കെ​തി​രെ സി​ബി​ഐ​ക്ക് ഹ​ര്‍​ജി, പോ​ലീ​സ് ഡോ​ഗ് സ്‌​കോ​ഡ് പ​രി​പാ​ല​ന സം​ര​ക്ഷ​ണ​ത്തി​ന്‍റെ മ​റ​വി​ലെ കോ​ടി​ക​ളു​ടെ​ അ​ഴി​മ​തി, കാ​ക്ക​നാ​ട് സ​ര്‍​ക്കാ​ര്‍ പ്ര​സി​ലെ ഈ​യ​ത്തി​ല്‍ നി​ര്‍മി​ച്ച 45 ട​ണ്‍​ മെ​റ്റി​ലു​ക​ള്‍ ക​ട​ത്തി​യ കേ​സ്, കൊ​ച്ചി ധ​നു​ഷ് കോ​ടി ദേ​ശീ​യ​പാ​ത​യി​ലെ ഗ്യാ​പ് റോ​ഡി​ലെ മ​ണ്ണി​ടി​ച്ചി​ലി​നെ​തി​രെ ഹ​ര്‍​ജി, മൂ​ന്നാ​ര്‍ ബോ​ഡി മേ​ട്ട് റോ​ഡ് നി​ര്‍​മാ​ണ​ത്തി​ന്‍റെ മ​റ​വി​ല്‍ ക​രാ​റുകാ​ര​ന്‍ 100 കോ​ടി​യു​ടെ പാ​റ​ ക​ട​ത്തി​യ​തി​നെ​തി​രെ ന​ട​ത്തി​യ കേ​സ്, ക​ള​മ​ശേ​രി ന​ഗ​ര​സ​ഭ എ​സ്‌​സി വി​ഭാ​ഗ​ത്തി​ന് പ​ണി​ത ക​ട​മു​റി ന​ല്‍​കാ​ത്ത​തി​ലും ശോ​ച്യാ​വ​സ്ഥ​യും ചൂ​ണ്ടി​ക്കാ​ട്ടി​യു​ള്ള ഹ​ര്‍​ജി എ​ന്നി​വ ഏ​റെ ശ്ര​ദ്ധി​ക്ക​പ്പെ​ട്ട​വ​യും അ​നു​കൂ​ല​വി​ധി കി​ട്ടി​യി​ട്ടു​ള്ള​വയുമാ​ണ്.

പ​ല കേ​സു​ക​ളും ഇ​പ്പോ​ഴും കോ​ട​തി​ക​ളു​ടെ പ​രി​ഗ​ണ​ന​യി​ലു​ണ്ട്. മ​റ്റു ചി​ല കേ​സു​ക​ളി​ല്‍ കോ​ട​തി തെ​ളി​വി​ല്ലെ​ന്നു ക​ണ്ട് ത​ള്ളു​ക​യും ചെ​യ്തി​രു​ന്നു. അ​ഴി​മ​തി​ക്കെ​തി​രെ​യു​ള്ള നി​യ​മ​യു​ദ്ധ​ങ്ങ​ള്‍​ക്കൊ​പ്പം വി​ഷ​യം പൊ​തു സ​മൂ​ഹ​ത്തി​നു മു​ന്നി​ല്‍ തു​റ​ന്ന ച​ര്‍​ച്ച​യാ​ക്കാ​നും ഒ​ട്ടേ​റെ നി​യ​മ പോ​രാ​ട്ട​ങ്ങ​ള്‍ ബാ​ക്കി​യാ​ക്കി​ ക​ട​ന്നുപോ​യ​ ഗിരീഷിനായി.