നെ​ടു​ങ്ക​ണ്ടം: നി​ർ​മാ​ണ നി​രോ​ധ​ന നി​യ​മം പി​ൻ​വ​ലി​ക്ക​ണ​മെ​ന്ന് ഇ​ടു​ക്കി മെ​ത്രാ​ൻ മാ​ർ ജോ​ൺ നെ​ല്ലി​ക്കു​ന്നേ​ൽ. ജി​ല്ല​യി​ലെ വി​വി​ധ വി​ഷ​യ​ങ്ങ​ൾ​ക്ക് പ​രി​ഹാ​രം ആ​വ​ശ്യ​പ്പെ​ട്ട് മു​ഖ്യ​മ​ന്ത്രി​ക്കു​ ന​ൽ​കി​യ നി​വേ​ദ​ന​ത്തി​ലാ​ണ് ആ​വ​ശ്യം ഉ​ന്ന​യി​ച്ച​ത്. നി​ർ​മാ​ണ നി​രോ​ധ​നം ജ​ന​ങ്ങ​ൾ​ക്ക് ശാ​പ​മാ​യി തീ​ർ​ന്നി​രി​ക്കു​ക​യാ​ണ്.

ഒ​രു പൗ​ര​ൻ എ​ന്ന നി​ല​യി​ൽ ജ​ന​ങ്ങ​ളു​ടെ അ​ടി​സ്ഥാ​ന അ​വ​കാ​ശ​ങ്ങ​ൾ ഈ ​നി​രോ​ധ​നം മൂ​ലം നി​ഷേ​ധി​ക്ക​പ്പെ​ടു​ക​യാ​ണ്. കേ​ര​ള​ത്തി​ൽ ആ​ക​മാ​നം നി​ർ​മാ​ണ നി​രോ​ധ​നം വ​രാ​ൻ ഇ​ട​വ​രു​ത്തും വി​ധം കോ​ട​തി​യി​ൽ സ​ർ​ക്കാ​ർ അ​ഭി​ഭാ​ഷ​ക​ൻ സ്വീ​ക​രി​ച്ച നി​ല​പാ​ട് തി​രു​ത്ത​പ്പെ​ട​ണം. 1960 മു​ത​ൽ 2016 വ​രെ ജ​ന​ങ്ങ​ൾ ന​ട​ത്തി​യി​രു​ന്ന നി​യ​മ​പ​ര​മാ​യ നി​ർ​മാ​ണ പ്ര​വ​ർ​ത്ത​ന​ങ്ങ​ൾ കേ​ര​ള​ത്തി​ൽ ആ​ക​മാ​നം ത​ട​യ​പ്പെ​ട്ടി​രി​ക്കു​ക​യാ​ണ്. ഈ ​നി​രോ​ധ​നം അ​ടി​യ​ന്ത​ര​മാ​യി നീ​ക്കം ചെ​യ്യാ​ൻ സ​ർ​ക്കാ​ർ ഉ​ണ​ർ​ന്നു പ്ര​വ​ർ​ത്തി​ക്ക​ണം.

ജി​ല്ല​യി​ൽ നി​ർ​മാ​ണ സാ​മ​ഗ്രി​ക​ൾ ല​ഭ്യ​മാ​കാ​ത്ത സാ​ഹ​ച​ര്യ​മാ​ണു​ള്ള​ത്. ലൈ​ഫ് പ​ദ്ധ​തി​യി​ൽ ഉ​ൾ​പ്പെ​ടെ ജ​ന​ങ്ങ​ൾ​ക്ക് വീ​ട് പ​ണി​യു​ന്ന​തി​നു​ള്ള ക​ല്ല്, മെ​റ്റ​ൽ, മ​ണ​ൽ തു​ട​ങ്ങി​യ​വ ഒ​ന്നും ജി​ല്ല​യി​ൽ ല​ഭി​ക്കു​ന്നി​ല്ല. അ​ന്യ​സം​സ്ഥാ​ന​ങ്ങ​ളി​ൽനി​ന്നും വി​ദൂ​ര പ്ര​ദേ​ശ​ങ്ങ​ളി​ൽ നി​ന്നും എ​ത്തി​ക്കേ​ണ്ട ഗ​തി​കേ​ടി​ലാ​ണ് ജ​ന​ങ്ങ​ൾ. ഇ​ത് ജ​ന​ങ്ങ​ൾ​ക്ക് വ​ലി​യ സാ​മ്പ​ത്തി​കന​ഷ്ടം ഉണ്ടാക്കുന്നു. അ​തി​നാ​ൽ ജി​ല്ല​യി​ൽ പ്രാ​ദേ​ശി​ക​മാ​യി ക​ല്ല് പൊ​ട്ടി​ച്ചെ​ടു​ക്കു​ന്ന​തി​നും പു​ഴ​മ​ണ​ൽ വാ​രു​ന്ന​തി​നും ന​ദി​ക​ളി​ലും ഡാ​മു​ക​ളി​ലും അ​ടി​ഞ്ഞു​കൂ​ടി​യി​രി​ക്കു​ന്ന മ​ണ​ൽ ഉ​പ​യോ​ഗി​ക്കു​ന്ന​തി​നും ജ​ന​ങ്ങ​ൾ​ക്ക് അ​വ​സ​രമൊ​രു​ക്ക​ണം.

ജി​ല്ല​യി​ൽ വ​ർ​ധിച്ചു​വ​രു​ന്ന വ​ന്യ​മൃ​ഗ ആ​ക്ര​മ​ണം ത​ട​യു​ന്ന​തി​ന് ഫ​ല​പ്ര​ദ​മാ​യ ന​ട​പ​ടി​ക​ൾ സ്വീ​ക​രി​ക്ക​ണം. വ​ന​ത്തി​നു​ള്ളി​ൽ വ​ന്യ​മൃ​ഗ​ങ്ങ​ൾ​ക്ക് വെ​ള്ള​വും ഭ​ക്ഷ​ണ​വും ക്ര​മീ​ക​രി​ക്കാ​ൻ ഉ​ത​കു​ന്ന പ​ദ്ധ​തി​ക​ൾ ന​ട​പ്പാ​ക്ക​ണം. ക​ർ​ഷ​ക​രു​ടെ കൃ​ഷി​ഭൂ​മി​യി​ൽ ഇ​റ​ങ്ങു​ന്ന കാ​ട്ടു​പ​ന്നി, കു​ര​ങ്ങ്, കു​റു​ക്ക​ൻ, മ​യി​ൽ തു​ട​ങ്ങി​യ ജീ​വി​ക​ളെ നേ​രി​ടു​ന്ന​തി​ന് ക​ർ​ഷ​ക​ർ​ക്ക് അ​നു​മ​തി ന​ൽ​ക​ണം. 2023ല്‍ ​നി​യ​മ​സ​ഭ പാ​സാ​ക്കി​യ കേ​ര​ള ലാ​ൻ​ഡ് അ​സൈ​ൻ​മെ​ന്‍റ് (അ​മെ​ൻ​ഡ്മെ​ന്‍റ്) ആ​ക്ടി​ന്‍റെ ച​ട്ട​ങ്ങ​ൾ എ​ത്ര​യും വേ​ഗം നി​ർ​മി​ച്ച് ജി​ല്ല​യി​ലെ ഭൂ​പ്ര​ശ​ന​ങ്ങ​ൾ ശാ​ശ്വ​ത​മാ​യി പ​രി​ഹ​രി​ക്ക​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.

ജി​ല്ല​യു​ടെ ആ​വ​ശ്യ​ങ്ങ​ളെ ഗൗ​ര​വ​ത്തോ​ടെ​യാ​ണ് കാ​ണു​ന്ന​തെ​ന്നും ഭൂ​പ്ര​ശ്ന​ങ്ങ​ൾ​ക്ക് എ​ത്ര​യും വേ​ഗം ന​ട​പ​ടി​യു​ണ്ടാ​കു​മെ​ന്നും മു​ഖ്യ​മ​ന്ത്രി ഉ​റ​പ്പു ന​ൽ​കി. രൂ​പ​ത വി​കാ​രി ജ​ന​റാ​ൾ മോ​ൺ. ജോ​സ് ക​രി​വേ​ലി​ക്ക​ൽ, ഫാ. ​ജി​ൻ​സ് കാ​ര​ക്കാ​ട്ട്, ഫാ.​ജോ​ർ​ജ് ത​കി​ടി​യേ​ൽ, ജോ​ർ​ജ് കോ​യി​ക്ക​ൽ എ​ന്നി​വ​രും മെ​ത്രാ​നൊ​പ്പം ഉ​ണ്ടാ​യി​രു​ന്നു.