കു​മ​ളി: തേ​ക്ക​ടി ചെ​ക്ക്പോ​പോ​സ്റ്റി​ന് സ​മീ​പം ഓ​ടി​ക്കൊ​ണ്ടി​രു​ന്ന ഓ​ട്ടോ​റി​ക്ഷ​യി​ൽനി​ന്നു ഓ​ട്ടോ ഡ്രൈ​വ​റെ വ​നംജീ​വ​ന​ക്കാ​ര​ൻ റോ​ഡി​ലേ​ക്ക് വ​ലി​ച്ചി​ട്ടു. ഡ്രൈ​വ​ർ ഇ​ല്ലാ​തെ നി​യ​ന്ത്ര​ണം ന​ഷ്ട​പ്പെ​ട്ട ഓ​ട്ടോ സ​മീ​പ​ത്തെ ക​ട​യി​ലേ​ക്ക് ഇ​ടി​ച്ചു ക​യ​റി.

റോ​ഡി​ലേ​ക്ക് വീ​ണ ഓ​ട്ടോ​ഡ്രൈ​വ​ർ കു​മ​ളി താ​മ​ര​ക്ക​ണ്ടം സ്വ​ദേ​ശി ജ​യ​ച​ന്ദ്ര​ന് (58) പ​രി​ക്കേ​റ്റു. ബീ​റ്റ് ഫോ​റ​സ്റ്റ് ഓ​ഫീ​സ​ർ പി.​എം. സ​ക്കീ​ർ ഹു​സൈ​നാ​ണ് കാ​ക്കി​യു​ടെ ബ​ല​ത്തി​ൽ ഗു​ണ്ടാ​പ്പ​ണി ന​ട​ത്തി​യ​ത്. ചെ​ക് പോ​സ്റ്റി​ൽ വെ​ള്ളി​യാ​ഴ്ച വൈ​കു​ന്ന​രം നാ​ലോ​ടെ​യാ​ണ് സം​ഭ​വം. ഓ​ട്ടോ നി​യ​ന്ത്ര​ണം ന​ഷ്ട​പ്പെ​ട്ട് പാ​ഞ്ഞ് വ​രു​ന്ന​ത് ക​ണ്ട് ക​ട​യു​ടെ മു​ന്നി​ലു​ണ്ടാ​യി​രു​ന്നവ​രും ക​ട​യ്ക്കു​ള്ളി​ലു​ണ്ടാ​യി​രു​ന്ന​വ​രും പെ​ട്ടെ​ന്ന് മാ​റി​യ​തി​നാ​ൽ വ​ൻ അ​പ​ക​ടം ഒ​ഴി​വാ​യി. ഓ​ട്ടോ​യി​ലെ യാ​ത്ര​ക്കാ​രും ര​ക്ഷ​പ്പെ​ട്ടു.

സ​മീ​പ​ത്തെ ക​ട​ക​ളി​ൽനി​ന്നു​ള്ള സി​സി​ടി​വി ദൃ​ശ്യ​ങ്ങ​ളി​ൽ വ​നം ജീ​വ​ന​ക്കാ​ര​ന്‍റെ ആ​ക്ര​മ​ണം വ്യ​ക്ത​മാ​യി പ​തി​ഞ്ഞി​ട്ടു​ണ്ട്. തു​റ​ന്നുവ​ച്ചി​രു​ന്ന ചെ​ക്ക് പോ​സ്റ്റി​ൽ ഓ​ട്ടോ നി​ർ​ത്തി​യി​ല്ലെ​ന്നാ​ണ് വ​നംജീ​വ​ന​ക്കാ​ര​ന്‍റെ ഗു​ണ്ടാ​യി​സ​ത്തി​നു​ള്ള ന്യാ​യം. ഗു​രു​ത​ര കു​റ്റ​മാ​യി​ട്ടും വ​നംവ​കു​പ്പി​ന് കു​ലു​ക്ക​മി​ല്ല. ഓ​ട്ടോ ഡ്രൈ​വ​ർ ജ​യ​ച​ന്ദ്ര​ൻ ന​ൽ​കി​യ പ​രാ​തി​യി​ൽ വ​നം​വ​കു​പ്പ് ഉ​ദ്യോ​ഗ​സ്ഥ​നെ​തി​രേ പോ​ലീ​സ് കേ​സെ​ടു​ത്തു.

ജോ​ലി ത​ട​സ​പ്പെ​ടു​ത്താ​ൻ ശ്ര​മി​ച്ചെ​ന്ന സ​ർ​ക്കാ​ർ ഉ​ദ്യോ​ഗ​സ്ഥ​രു​ടെ പ​തി​വുപ​രാ​തി പ്ര​കാ​രം ഓ​ട്ടോ​ഡ്രൈ​വ​ർ​ക്കെ​തി​രേ വ​നം​വ​കു​പ്പും പോ​ലീ​സി​ൽ പ​രാ​തി ന​ൽ​കി. ഓ​ട്ടോ ഡ്രൈ​വ​ർ മ​ദ്യ​പി​ച്ചി​രു​ന്ന​താ​യും വ​നംജീ​വ​ന​ക്കാ​ര​ൻ ആ​രോ​പി​ക്കു​ന്നു. എ​ന്നാ​ൽ ഓ​ട്ടോ​ഡ്രൈ​വ​ർ മ​ദ്യ​പി​ച്ചി​രു​ന്ന​താ​യി എ​ങ്ങ​നെ ക​ണ്ടു​പി​ടി​ച്ചു​വെ​ന്ന് വ​നം ഉ​ദ്യോ​ഗ​സ്ഥ​ർ​ക്ക് ത​ന്നെ തി​ട്ട​മി​ല്ല.