കട്ട​പ്പ​ന: വ​ഴി​യോ​ര​ക്ക​ച്ച​വ​ട​ത്തി​നെ​തി​രേ ന​ട​പ​ടി സ്വീ​ക​രി​ക്കു​മെ​ന്ന ന​ഗ​ര​സ​ഭ​യു​ടെ ഉ​റ​പ്പ് പാ​ഴാ​യി. ന​ഗ​ര​ത്തി​ൽ അ​ങ്ങോ​ള​മി​ങ്ങോ​ളം നി​രോ​ധി​ത പ്ലാ​സ്റ്റി​ക് ക​വ​റു​ക​ൾ ഉ​ൾ​പ്പെ​ടെ ഉ​പ​യോ​ഗി​ച്ചു​ള്ള വ​ഴി​യോ​ര​ക്ക​ച്ച​വ​ടം ത​കൃ​തി​യാ​കു​ന്നു.

ക​ട്ട​പ്പ​ന ന​ഗ​ര​ത്തി​ൽ അ​ന​ധി​കൃ​ത വ​ഴി​യോ​ര​ക്ക​ച്ച​വ​ടം വ്യാ​പ​ക​മാ​യ​തോ​ടെ വ്യാ​പാ​രി​ക​ളും വ്യാ​പാ​രി സം​ഘ​ട​ന​ക​ളും പ്ര​തി​ഷേ​ധ​വു​മാ​യി രം​ഗ​ത്തെ​ത്തി​യി​രു​ന്നു. അ​ന്നെ​ല്ലാം ഇ​ത്ത​ര​ത്തി​ലെ ക​ച്ച​വ​ട​ത്തി​നെ​തി​രേ ന​ട​പ​ടി സ്വീ​ക​രി​ക്കു​ന്നു​ണ്ടെ​ന്നും ന​ട​പ​ടി ക​ർ​ശ​ന​മാ​ക്കു​മെ​ന്നും ന​ഗ​ര​സ​ഭ ഉ​റ​പ്പു ന​ൽ​കി​യി​രു​ന്നു. എ​ന്നാ​ൽ, പ​ക​ലും രാ​ത്രി​യും വ​ഴി​യോ​ര​ക്ക​ച്ച​വ​ടം ത​കൃ​തി​യാ​വു​ക​യാ​ണ്. ത​മി​ഴ്നാ​ട്ടി​ൽനി​ന്ന​ട​ക്ക​മു​ള്ള​വ​രാ​ണ് വാ​ഹ​ന​ങ്ങ​ളി​ൽ പ​ച്ച​ക്ക​റി ഉ​ൾ​പ്പെ​ടെ​യു​ള്ള സാ​ധ​ന​ങ്ങ​ൾ വി​ൽ​ക്കു​ന്ന​തി​നാ​യി ന​ഗ​ര​ത്തി​ൽ എ​ത്തു​ന്ന​ത്.

പ​ല ഘ​ട്ട​ങ്ങ​ളി​ലും വ​ഴി​യോ​ര​ക്ക​ച്ച​വ​ടം ന​ഗ​ര​സ​ഭാ അ​ധി​കൃ​ത​രെ അ​റി​യി​ച്ചി​ട്ടും ന​ട​പ​ടി​ക​ൾ ഉ​ണ്ടാ​കു​ന്നി​ല്ല. സ്ഥി​തി ഇ​ത്ത​ര​ത്തി​ൽ തു​ട​ർ​ന്നാ​ൽ വ്യാ​പാ​ര​സ​മൂ​ഹം ഒ​ന്നാ​കെ നി​യ​മ​ങ്ങ​ൾ തെ​റ്റി​ക്കു​ക​യും വ​ഴി​യോ​രക്ക​ച്ച​വ​ട​ക്കാ​രെപ്പോ​ലെത​ന്നെ നി​യ​മ​ങ്ങ​ൾ കാ​റ്റി​ൽ പ​റ​ത്തി വ്യാ​പാ​രം ന​ട​ത്തു​ക​യും ചെ​യ്യു​മെ​ന്നും വ്യാ​പാ​രി വ്യ​വ​സാ​യി സ​മി​തി ജി​ല്ലാ വൈ​സ് പ്ര​സി​ഡ​ന്‍റ് മ​ജീ​ഷ് ജേ​ക്ക​ബ്‌ പ​റ​ഞ്ഞു.

ഏ​താ​നും ആ​ഴ്ച​ക​ൾ​ക്കു മു​മ്പ് ക​ട്ട​പ്പ​ന പൊ​തു​മാ​ർ​ക്ക​റ്റി​ൽ വ്യാ​പാ​ര സ്ഥാ​പ​ന​ങ്ങ​ളി​ൽ വി​ൽ​പ്പ​ന​യ്ക്കാ​യു​ള്ള വ​സ്തു​ക്ക​ൾ ഡി​സ്പ്ലേ ചെ​യ്ത​തി​ന് ന​ഗ​ര​സ​ഭ ന​ട​പ​ടി​യെ​ടു​ത്തി​രു​ന്നു. ഇ​തേ സാ​ഹ​ച​ര്യ​ത്തി​ലാ​ണ് വ​ഴി​യോ​ര​ക്ക​ച്ച​വ​ടം മ​റു​ഭാ​ഗ​ത്ത് ത​കൃ​തി​യാ​കു​ന്ന​ത്. വ​ഴി​യോ​രക്ക​ച്ച​വ​ട​ത്തി​നെ​തി​രേ ബോ​ർ​ഡ് സ്ഥാ​പി​ക്കു​ക​യോ അ​റി​യി​പ്പ് ന​ൽ​കു​ക​യോ ഇ​തു​വ​രെ ചെ​യ്തി​ട്ടി​ല്ല. ന​ഗ​ര​സ​ഭ​യു​ടെ വ്യാ​പാ​രി​ദ്രോ​ഹ ന​ട​പ​ടി​ക്കെ​തി​രേ പ്ര​തി​രോ​ധം തീ​ർ​ക്കു​മെ​ന്നും നേ​താ​ക്ക​ൾ വ്യ​ക്ത​മാ​ക്കി .

ക​ട്ട​പ്പ​ന ഇ​ടു​ക്കി ക​വ​ല, വെ​ള്ളി​യാം​കു​ടി റോ​ഡ്, ബി​വ​റേ​ജ് റോ​ഡ് എ​ന്നി​വി​ട​ങ്ങ​ളി​ലാ​ണ് വ​ഴി​യോ​ര​ക്ക​ച്ച​വ​ടം സ​ജീ​വ​മാ​യി​രി​ക്കു​ന്ന​ത്. അ​തോ​ടൊ​പ്പം ക​ട്ട​പ്പ​ന കു​ന്ത​ളം​പാ​റ മാ​ർ​ക്ക​റ്റ് റോ​ഡി​ൽ ഇതരസംസ്ഥാന തൊ​ഴി​ലാ​ളി​ക​ളു​ടെ വ​ഴി​യോ​ര​ക്ക​ച്ച​വ​ട​വും വ​ർ​ധി​ച്ചി​ട്ടു​ണ്ട്.