നെ​ടു​ങ്ക​ണ്ടം: തൂ​ക്കു​പാ​ലം പു​ഷ്പ​ക​ണ്ട​ത്ത് ഇ​ത​ര സം​സ്ഥാ​ന തൊ​ഴി​ലാ​ളി​യാ​യ സ്ത്രീ​യെ ഭ​ര്‍​ത്താ​വ് ത​ല​യ്ക്ക​ടി​ച്ച് കൊ​ല​പ്പെ​ടു​ത്തി. അ​സം സ്വ​ദേ​ശി​നി​യാ​യ ബാ​ലെ ടു​ടു (50) ആ​ണ് കൊ​ല്ല​പ്പെ​ട്ട​ത്. സം​ഭ​വ​ത്തി​ല്‍ അ​സം സ്വ​ദേ​ശി​യാ​യ ഭ​ര്‍​ത്താ​വ് ഷ​നി​ചാ​ര്‍ മ​ര്‍​ഡി​യെ നെ​ടു​ങ്ക​ണ്ടം പോ​ലീ​സ് ക​സ്റ്റ​ഡി​യി​ലെ​ടു​ത്തു. ഞാ​യ​റാ​ഴ്ച വൈ​കു​ന്നേ​ര​ത്തോ​ടെ​യാ​ണ് സം​ഭ​വ​ങ്ങ​ളു​ടെ തു​ട​ക്കം. തൊ​ഴി​ലു​ട​മ​യി​ല്‍നി​ന്നു പ​ണം വാ​ങ്ങി വീ​ട്ടു​സാ​ധ​ന​ങ്ങ​ളും മ​ദ്യ​വും വാ​ങ്ങി​ ഭ​ര്‍​ത്താ​വും ഭാ​ര്യ​യും പു​ഷ്പ​ക​ണ്ട​ത്തു​ള്ള കൃ​ഷി​യി​ട​ത്തി​ലെ വീ​ട്ടി​ല്‍ എ​ത്തി. അ​ല്പ​സ​മ​യ​ത്തി​നു​ശേ​ഷം ഭ​ര്‍​ത്താ​വി​ന്‍റെ സു​ഹൃ​ത്ത് ഇ​വി​ടെ​യെ​ത്തു​ക​യും മൂ​വ​രും ചേ​ര്‍​ന്ന് മ​ദ്യ​പി​ക്കു​ക​യും ചെ​യ്തു.

രാ​ത്രി ഭാര്യയെ​യും സു​ഹൃ​ത്തി​നെയും ഒ​രു​മി​ച്ച് കണ്ടതോടെ വാ​ക്കേ​റ്റ​വും അ​ടി​പി​ടി​യും ഉ​ണ്ടാവുകയുമായിരു ന്നു. അ​ടി​യേ​റ്റ സു​ഹൃ​ത്ത് ഏ​ല​ക്കാ​ട്ടി​ലൂ​ടെ ഓ​ടി ര​ക്ഷ​പ്പെ​ട്ടു. ഇ​തി​നു​ശേ​ഷം ഭാ​ര്യ​യെ ഇ​യാ​ള്‍ മ​ര്‍​ദി​ക്കു​ക​യാ​യി​രു​ന്നു. ത​ടി​ക്ക​ഷ​ണം ഉ​പ​യോ​ഗി​ച്ച് ത​ല​യ്ക്ക​ടി​ച്ച് വീ​ഴ്ത്തി​യ​തോ​ടെ ബോ​ധ​ര​ഹി​ത​യാ​യ ഇ​വ​രെ വ​ലി​ച്ചി​ഴ​ച്ച് വീ​ടി​നു​ള്ളി​ല്‍ ഇ​ട്ടു. തി​ങ്ക​ളാ​ഴ്ച രാ​വി​ലെ തൊ​ഴി​ലു​ട​മ​യെ വി​ളി​ച്ച് ഭാ​ര്യ മ​രി​ച്ച​താ​യി ഇ​യാ​ള്‍ അ​റി​യി​ച്ചു.

സ്ഥ​ല​ത്തെ​ത്തി​യ നെ​ടു​ങ്ക​ണ്ടം പോ​ലീ​സ് ഭ​ര്‍​ത്താ​വി​നെ രാ​വി​ലെ​ത​ന്നെ ക​സ്റ്റ​ഡി​യി​ലെ​ടു​ത്തു. ഡോ​ഗ് സ്‌​ക്വാ​ഡ്, ഫോ​റ​ന്‍​സി​ക് വി​ദ​ഗ്ധ​ര്‍ തു​ട​ങ്ങി​യ​വ​രു​ടെ സം​ഘം സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. ഇ​ന്‍​ക്വ​സ്റ്റ് ന​ട​പ​ടി​ക​ള്‍ പൂ​ര്‍​ത്തി​യാ​ക്കി മൃ​ത​ദേ​ഹം ഇ​ടു​ക്കി മെ​ഡി​ക്ക​ല്‍ കോ​ളജി​ലേ​ക്ക് മാ​റ്റി. ഇ​ടു​ക്കി എ​സ്​പി ടി.​കെ. വി​ഷ്ണു പ്ര​ദീ​പ് ഐ.​എ​എ​സ്, ക​ട്ട​പ്പ​ന ഡിവൈഎ​സ്പി നി​ഷാ​ന്ത് മോ​ന്‍, നെ​ടു​ങ്ക​ണ്ടം സിഐ ജ​ര്‍​ലി​ന്‍ വി. ​സ്‌​ക​റി​യ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് കേ​സ് അ​ന്വേ​ഷ​ണം ന​ട​ക്കു​ന്ന​ത്.

തു​ട​ര്‍​ച്ച​യാ​യ കു​റ്റ​കൃ​ത്യ​ങ്ങ​ള്‍;
പോ​ലീ​സ് ക​ര്‍​ശ​ന ന​ട​പ​ടി​ക്ക്

നെ​ടു​ങ്ക​ണ്ടം: മേ​ഖ​ല​യി​ല്‍ ഇ​ത​ര സം​സ്ഥാ​ന തൊ​ഴി​ലാ​ളി​ക​ള്‍​ക്കി​ട​യി​ല്‍ തു​ട​ര്‍​ച്ച​യാ​യി കു​റ്റ​കൃ​ത്യ​ങ്ങ​ള്‍ റി​പ്പോ​ര്‍​ട്ട് ചെ​യ്യു​ന്ന സാ​ഹ​ച​ര്യ​ത്തി​ല്‍ പോ​ലീ​സ് ശ​ക്ത​മാ​യ ന​ട​പ​ടി​ക​ള്‍ ആ​രം​ഭി​ച്ച​താ​യി ക​ട്ട​പ്പ​ന ഡി​വൈ​എ​സ്പി വി.​എ. നി​ഷാ​ന്ത്മോ​ന്‍ അ​റി​യി​ച്ചു.

തൊ​ഴി​ലു​ട​മ​ക​ളു​ടെ പ​ക്ക​ല്‍നി​ന്നു കൃ​ത്യ​മാ​യ ക​ണ​ക്ക് രേ​ഖ​പ്പെ​ടു​ത്തു​ന്ന​തി​നു​ള്ള ന​ട​പ​ടി​ക​ള്‍ പോ​ലീ​സ് സ്റ്റേ​ഷ​നു​ക​ള്‍ കേ​ന്ദ്രീ​ക​രി​ച്ച് ആ​രം​ഭി​ച്ചി​ട്ടു​ണ്ട്. ഇ​ത് ഊ​ര്‍​ജി​ത​മാ​ക്കു​വാ​നു​ള്ള പ്ര​വ​ര്‍​ത്ത​ന​ങ്ങ​ള്‍ പു​രോ​ഗ​മി​ക്കു​ന്ന​താ​യും അ​ദ്ദേ​ഹം പ​റ​ഞ്ഞു.