തൊ​ടു​പു​ഴ: ഇ​ടു​ക്കി​ക്ക് ഒ​രി​ക്ക​ൽ​കൂ​ടി ച​ന്തം ചാ​ർ​ത്തി എംജി സ​ർ​വ​ക​ലാ​ശാ​ല ക​ലോ​ത്സ​വ​ത്തി​ന് ഹൈ​റേ​ഞ്ചി​ന്‍റെ ക​വാ​ട​മാ​യ തൊ​ടു​പു​ഴ​യി​ൽ തി​രി​തെ​ളി​ഞ്ഞു. ഇ​നി​യു​ള്ള ആ​റു ദി​നം സ​ർ​ഗ​പ്ര​തി​ഭ​ക​ൾ മാ​റ്റു​ര​യ്ക്കു​ന്ന അ​വി​സ്മ​ര​ണീ​യ നി​മി​ഷ​ങ്ങ​ൾ​ക്ക് തൊ​ടു​പു​ഴ വേ​ദി​യാ​കും. അ​ഞ്ച് വ​ർ​ഷ​ത്തി​ന് ശേ​ഷം മൂ​ന്നാം ത​വ​ണ​യാ​ണ് അ​ൽ അ​സ്ഹ​ർ കോ​ള​ജ് കാ​ന്പ​സ് എം​ജി ക​ലോ​ത്സ​വ​ത്തി​ന് വേ​ദി​യാ​കു​ന്ന​ത്. ദ​സ്ത​ക്, അ​ണ്‍​ടി​ൽ ലാ​സ്റ്റ് ബ്രീ​ത്ത് എ​ന്ന പേ​രി​ൽ സം​ഘ​ടി​പ്പി​ക്കു​ന്ന ക​ലോ​ത്സ​വ​ത്തെ ആ​ഘോ​ഷ പൂ​ർ​വം തൊ​ടു​പു​ഴ​ക്കാ​ർ വ​ര​വേ​റ്റു.

ഇ​ന്ന​ലെ രാ​ത്രി ഏ​ഴി​ന് ഉ​ദ്ഘാ​ട​ന സ​മ്മേ​ള​ന​ത്തി​ന് ശേ​ഷം മ​ത്സ​രം തു​ട​ങ്ങു​മെ​ന്ന് പ​റ​ഞ്ഞി​രു​ന്നെ​ങ്കി​ലും എ​ട്ട​ര​യോ​ടെ​യാ​ണ് സ​മ്മേ​ള​നം ആ​രം​ഭി​ച്ച​ത്. അ​ൽ അ​സ്ഹ​ർ കാ​ന്പ​സി​ൽ സാ​ഹി​ത്യ​കാ​ര​ൻ പി.​വി. ഷാ​ജി​കു​മാ​ർ ക​ലോ​ത്സ​വം ഉ​ദ്ഘാ​ട​നം ചെ​യ്തു. ച​ട​ങ്ങി​ന് താ​ര​പ്പൊ​ലി​മ​യേ​കി റി​ലീ​സി​നൊ​രു​ങ്ങു​ന്ന ലൗ​ലി എ​ന്ന ചി​ത്ര​ത്തി​ലെ താ​ര​ങ്ങ​ളാ​യ മാ​ത്യു തോ​മ​സ്, ജോ​മോ​ൻ ജ്യോ​തി​ർ, ആ​ഷ്‌ലിൻ, അ​ശ്വ​തി മ​നോ​ഹ​ർ എ​ന്നി​വ​ർ വി​ശി​ഷ്ടാ​തി​ഥി​ക​ളാ​യെ​ത്തി. ച​ട​ങ്ങി​ൽ വി​ളം​ബ​ര ജാ​ഥ​യി​ൽ മി​ക​ച്ച പ്ര​ക​ട​നം കാ​ഴ്ച​വ​ച്ച കോ​ളേ​ജു​ക​ൾ​ക്ക് സ​മ്മാ​ന​ങ്ങ​ൾ ന​ൽ​കി.

തി​രു​വാ​തി​ര, കേ​ര​ള​ന​ട​നം, ക​ഥ​ക​ളി, ഭ​ര​ത​നാ​ട്യം എ​ന്നീ ഇ​ന​ങ്ങ​ൾ ഇ​ന്ന​ലെ രാ​ത്രി വി​വി​ധ വേ​ദി​ക​ളി​ൽ അ​ര​ങ്ങേ​റി. വൈ​കി ആ​രം​ഭി​ച്ച​തി​നാ​ലും മ​ത്സ​രാ​ർ​ത്ഥി​ക​ളു​ടെ ബാ​ഹു​ല്യ​വും കാ​ര​ണം പു​ല​ർ​ച്ചെ വ​രെ വേ​ദി​ക​ളി​ൽ മ​ത്സ​ര​ങ്ങ​ൾ നീ​ണ്ടു. രാ​ത്രി വൈ​കി​യും മ​ത്സ​ര​ങ്ങ​ൾ കാ​ണാ​ൻ ജ​നം വേ​ദി​ക​ളി​ലേ​ക്ക് എ​ത്തി. 278 കോ​ളേ​ജു​ക​ളി​ലെ 6396 മ​ത്സ​രാ​ർ​ത്ഥി​ക​ളാ​ണ് 23 വ​രെ നീ​ളു​ന്ന ക​ലോ​ത്സ​വ​ത്തി​ൽ പ​ങ്കെ​ടു​ക്കു​ന്ന​ത്. സ​മ​ത്വ​ത്തി​നാ​യി പ്ര​തി​രോ​ധം തീ​ർ​ത്ത നാ​ടു​ക​ളു​ടെ പേ​രാ​ണ് ക​ലോ​ത്സ​വ വേ​ദി​ക​ൾ​ക്കു ന​ൽ​കി​യി​രി​ക്കു​ന്ന​ത്.

പ്ര​ധാ​ന വേ​ദി​യു​ടെ പേ​രാ​യ കേ​ര​ള​ത്തി​നു പു​റ​മെ ക്യൂ​ബ, ഗാ​സ, ഇം​ഫാ​ൽ, അ​മ​രാ​വ​തി, വീ​ഴ്‌വെണ്‍​മ​ണി, വാ​ച്ചാ​ത്തി, ക​യ്യൂ​ർ, തേ​ഭാ​ഗ എ​ന്നി​ങ്ങ​നെ​യാ​ണ് മ​റ്റ് വേ​ദി​ക​ളു​ടെ പേ​രു​ക​ൾ.