കു​മ​ളി: കേ​ര​ള​ത്തി​ന്‍റെ ക​വാ​ട​വും പ്ര​മു​ഖ ടൂ​റി​സ്റ്റ് കേ​ന്ദ്ര​വു​മാ​യ കു​മ​ളി​യി​ൽ സ​ർ​ക്കാ​ർ ജ​ന​റ​ൽ ആ​ശു​പ​ത്രി സ്ഥാ​പി​ക്ക​ണ​മെ​ന്ന ആ​വ​ശ്യം ശ​ക്ത​മാ​കു​ന്നു. ആ​യി​ര​ക്ക​ണ​ക്കി​നാ​ളു​ക​ൾ ദി​വ​സവും വ​ന്നു​പോ​കു​ന്ന ടൗ​ണാ​ണ് കു​മ​ളി. അ​തു​പോ​ലെ ലോ​ക​പ്ര​സി​ദ്ധ ടൂ​റി​സം കേ​ന്ദ്ര​മാ​യ തേ​ക്ക​ടി​യി​ലേ​ക്കു​ള്ള ക​വാ​ട​പ​ട്ട​ണ​വും. ഈ ​ടൗ​ണി​നെ ആ​ശ്ര​യി​ച്ച് ജീ​വി​ക്കു​ന്ന ക​ർ​ഷ​ക​രും തൊ​ഴി​ലാ​ളി​ക​ളും അ​ട​ങ്ങി​യ ആ​യി​ര​ക്ക​ണ​ക്കി​ന് ആ​ളു​ക​ൾ ചു​റ്റു​പാ​ടു​മു​ണ്ട്. എ​ന്നാ​ൽ, സ​ർ​ക്കാ​ർ​ത​ല​ത്തി​ൽ ഇ​നി​യും മി​ക​ച്ച ചി​കി​ത്സാ​സൗ​ക​ര്യ​ങ്ങ​ൾ കു​മ​ളി​യി​ലും പ​രി​സ​ര​ത്തും ല​ഭ്യ​മ​ല്ല. കു​മ​ളി ഫാ​മി​ലി ഹെ​ൽ​ത്ത് സെ​ന്‍റർ മാ​ത്ര​മാ​ണ് സ​ർ​ക്കാ​ർ മേ​ഖ​ല​യി​ൽ ആ​ശ്ര​യം.

ത​മി​ഴ്നാ​ട്, ക​ർ​ണാ​ട​ക, പോ​ണ്ടി​ച്ചേ​രി, ആ​ന്ധ്ര, തെ​ലു​ങ്കാ​ന തു​ട​ങ്ങി​യ ദ​ക്ഷി​ണേ​ന്ത്യ​ൻ സം​സ്ഥാ​ന​ങ്ങ​ളി​ൽ​നി​ന്നു​ള്ള ശ​ബ​രി​മ​ല തീ​ർ​ഥാ​ട​ക​രു​ടെ പ്ര​ധാ​ന ഇ​ട​ത്താ​വ​ളം​കൂ​ടി​യാ​യ കു​മ​ളി​യി​ൽ ആ​ധു​നി​ക സൗ​ക​ര്യ​ങ്ങ​ളു​ള്ള സ​ർ​ക്കാ​ർ ആ​ശു​പ​ത്രി അ​ടി​യ​ന്ത​ര ആ​വ​ശ്യ​മാ​ണ് ജ​ന​കീ​യ സ​മി​തി ചൂ​ണ്ടി​ക്കാ​ട്ടു​ന്നു.

ജീ​വ​ൻ വ​ച്ചു​ള്ള ക​ളി

കു​മ​ളി​ക്ക് ഒ​രു ജ​ന​റ​ൽ ആ​ശു​പ​ത്രി എ​ന്ന ആ​വ​ശ്യ​വു​മാ​യി ജ​ന​കീ​യസ​മി​തി പോ​രാ​ട്ടം തു​ട​ങ്ങി​യി​ട്ട് വ​ർ​ഷ​ങ്ങ​ളാ​യി. എ​ന്നാ​ൽ, ഇ​തു​വ​രെ​യും അ​ധി​കൃ​ത​ർ ക​നി​ഞ്ഞി​ട്ടി​ല്ല. അ​ടി​യ​ന്ത​ര സാ​ഹ​ച​ര്യ​മു​ണ്ടാ​യാ​ൽ ചി​കി​ത്സ തേ​ടി ത​മി​ഴ്നാ​ട്ടി​ലെ തേ​നി​യി​ലേ​ക്കോ അ​ല്ലെ​ങ്കി​ൽ കോ​ട്ട​യ​ത്തേ​ക്കോ പോ​കേ​ണ്ട സ്ഥി​തി​യാ​ണ്. ഇ​വി​ടെ​നി​ന്ന് ഇ​ടു​ക്കി മെ​ഡി​ക്ക​ൽ കോ​ള​ജി​ലേ​ക്ക് 65 കി​ലോ​മീ​റ്റ​റും കോ​ട്ട​യം മെ​ഡി​ക്ക​ൽ കോ​ള​ജി​ലേ​ക്ക് 115 കി​ലോ​മീ​റ്റ​റും ദൂ​ര​മു​ണ്ട്.

തേ​ക്ക​ടി ബോ​ട്ട് ദു​ര​ന്ത​വും പു​ല്ലു​മേ​ട് ദു​ര​ന്ത​വു​മൊ​ക്കെ ഉ​ണ്ടാ​യ​പ്പോ​ഴാ​ണ് കു​മ​ളി​യി​ൽ ആ​ധു​നി​ക സൗ​ക​ര്യ​ങ്ങ​ളോ​ടെ​യു​ള്ള സ​ർ​ക്കാ​ർ ആ​ശു​പ​ത്രി ഇ​ല്ലാ​ത്ത​തി​ന്‍റെ പോ​രാ​യ്മ സ​മൂ​ഹം തി​രി​ച്ച​റി​ഞ്ഞ​ത്. നി​ല​വി​ലെ ഫാ​മി​ലി ഹെ​ൽ​ത്ത് സെന്‍റർ ജ​ന​റ​ൽ ആ​ശു​പ​ത്രി​യാ​യി ഉ​യ​ർ​ത്ത​ണ​മെ​ന്ന​താ​ണ് നാ​ട്ടു​കാ​രു​ടെ ആ​വ​ശ്യം.

ജ​ന​റ​ൽ ആ​ശു​പ​ത്രി വ​ന്നാ​ൽ

ജ​ന​റ​ൽ ആ​ശു​പ​ത്രി​വ​ന്നാ​ൽ 24 മ​ണി​ക്കൂ​റും ചി​കി​ത്സ കി​ട്ടു​മെ​ന്നു ജ​ന​കീ​യ സ​മി​തി പ​റ​യു​ന്നു. അ​തു​പോ​ലെ സ്പെ​ഷാ​ലി​റ്റി വി​ഭാ​ഗ​ങ്ങ​ളും തു​ട​ങ്ങാ​നാ​കും. ആ​യി​ര​ക്ക​ണ​ക്കി​നു തീ​ർ​ഥാ​ട​ക​രും ടൂ​റി​സ്റ്റു​ക​ളു​മ​ട​ക്കം വ​രു​ന്ന ടൗ​ണി​ൽ ഇ​ത് അ​ടി​യ​ന്ത​ര ആ​വ​ശ്യ​മാ​ണ്. ത​ക്ക​സ​മ​യ​ത്ത് ചി​കി​ത്സ കി​ട്ടാ​തെ മ​രി​ച്ച നി​ര​വ​ധി പേ​രു​ടെ ക​ഥ കു​മ​ളി​ക്കും പ​രി​സ​ര​ത്തു​മു​ള്ള​വ​ർ​ക്കു പ​റ​യാ​നു​ണ്ട്. ചി​കി​ത്സാ സൗ​ക​ര്യം ഒ​രു​ക്ക​ണ​മെ​ന്നാ​വ​ശ്യ​പ്പെ​ട്ട് ശ​ക്ത​മാ​യ സ​മ​ര​പ​രി​പാ​ടി​ക​ൾ തു​ട​രാ​ൻ തീ​രു​മാ​നി​ച്ചി​രി​ക്കു​ക​യാ​ണ് "കു​മ​ളി​ക്കൊ​രു ആ​ശു​പ​ത്രി ജ​ന​കീ​യ കൂ​ട്ടാ​യ്മ'.