ചെറുതോണി: കേ​ര​ള ബാ​ങ്ക് ഉ​ൾ​പ്പെ​ടെ​യു​ള്ള സ​ഹ​ക​ര​ണ സ്ഥാ​പ​ന​ങ്ങ​ൾ ജി​ല്ല​യി​ലെ മൂ​ന്നു ല​ക്ഷം രൂ​പ വ​രെ​യു​ള്ള ചെ​റു​കി​ട വാ​യ്പ​ക​ൾ പൂ​ർ​ണ​മാ​യും മ​റ്റു വാ​യ്പ​ക​ളു​ടെ പ​ലി​ശ​യും എ​ഴു​തി​ത്ത​ള്ളി ക​ർ​ഷ​ക​രെ ജ​പ്തി ന​ട​പ​ടി​ക​ളി​ൽനി​ന്നു ര​ക്ഷി​ക്ക​ണ​മെ​ന്ന് ഇ​ടു​ക്കി ബി​ഷ​പ് മാ​ർ ജോ​ണ്‍ നെ​ല്ലി​ക്കു​ന്നേ​ൽ. നാ​ട്ടി​ൽ നൂ​റു​ക​ണ​ക്കി​നു വ്യ​ക്തി​ക​ൾ​ക്കാ​ണ് സ​ഹ​ക​ര​ണ സ്ഥാ​പ​ന​ങ്ങ​ളി​ൽനി​ന്നു ജ​പ്തി നോ​ട്ടീ​സ് ല​ഭി​ച്ചി​ട്ടു​ള്ള​ത്. ചി​ല​യി​ട​ങ്ങ​ളി​ൽ ജ​പ്തി ന​ട​പ​ടി​ക​ളും ആ​രം​ഭി​ച്ചി​ട്ടു​ണ്ട്.

സം​സ്ഥാ​ന​ത്ത് പൊ​തു​വേയും ജി​ല്ല​യി​ൽ പ്ര​ത്യേ​കി​ച്ചും 2018, 2019 വ​ർ​ഷ​ങ്ങ​ളി​ലു​ണ്ടാ​യ മ​ഹാ​പ്ര​ള​യ​വും 2020-ലെ ​കോ​വി​ഡ് മ​ഹാ​മാ​രി​യും ഹൈ​റേ​ഞ്ചി​ലെ ജ​നജീ​വി​ത​ത്തെ ദു​രി​ത​ത്തി​ലാ​ക്കി. കൃ​ഷി​യും ചെ​റു​കി​ട വ്യ​വ​സാ​യ​ങ്ങ​ളും ടൂ​റി​സ​വും താ​റു​മാ​റാ​വു​ക​യും ഈ ​മേ​ഖ​ല​യെ ആ​ശ്ര​യി​ച്ച് ജീ​വി​ച്ചി​രു​ന്ന​വ​രു​ടെ ജീ​വി​തം പ്ര​തി​സ​ന്ധി​യി​ലാ​വു​ക​യും ചെ​യ്തു. ഇ​തി​ന്‍റെ ഫ​ല​മാ​യി ജി​ല്ല​യി​ലെ 65,000 ത്തോ​ളം ആ​ളു​ക​ൾ വി​വി​ധ ധ​ന​കാ​ര്യ സ്ഥാ​പ​ന​ങ്ങ​ളി​ൽനി​ന്നെ​ടു​ത്ത വാ​യ്പ​ക​ൾ തി​രി​ച്ച​ട​വ് മു​ട​ങ്ങി പ​ലി​ശ​യും പി​ഴ​പ്പ​ലി​ശ​യും വ​ർ​ധി​ച്ച് ജ​പ്തി ഭീ​ഷ​ണി നേ​രി​ടു​ക​യാ​ണ്.

ഭീ​മ​മാ​യ തു​ക അ​ട​ച്ചു തീ​ർ​ക്ക​ണ​മെ​ന്നും 2019-ൽ ​കേ​ര​ള ബാ​ങ്ക് ന​ൽ​കി​യ സ​ർ​ഫാ​സി ആ​ക്ടി​ന്‍റെ അ​ടി​സ്ഥാ​ന​ത്തി​ൽ കോ​ട​തി ഉ​ത്ത​ര​വ് വ​ഴി ജ​പ്തി ന​ട​പ​ടി​ക​ൾ സ്വീ​ക​രി​ക്കു​മെ​ന്നും ഫോ​ണി​ലൂ​ടെ​യും നേ​രി​ട്ടും ഭീ​ഷ​ണി​പ്പെ​ടു​ത്തു​ക​യും ന​ട​പ​ടി ആ​രം​ഭി​ക്കു​ക​യും ചെ​യ്തി​ട്ടു​ണ്ട്. താ​മ​സി​ക്കു​ന്ന വീ​ട്ടി​ൽനി​ന്ന് ആ​ളു​ക​ളെ ഇ​റ​ക്കി​വി​ടാ​ൻ ഒ​രു ബാ​ങ്കി​നും അ​ധി​കാ​ര​മി​ല്ല. ഇ​ത്ത​രം ന​ട​പ​ടി സാ​ധാ​ര​ണ​ക്കാ​ർ​ക്ക് താ​ങ്ങാ​നാ​വി​ല്ല.

സ​ർ​ഫാ​സി നി​യ​മ​ത്തി​ലെ സെ​ക്‌ഷ​ൻ 31/I ​ക​ർ​ഷ​ക​ർ​ക്ക് സം​ര​ക്ഷ​ണം ഉ​റ​പ്പുന​ൽ​കു​ന്നു​ണ്ട്. ഇ​ത​നു​സ​രി​ച്ച് കൃ​ഷി​ഭൂ​മി ഈ ​നി​യ​മ​ത്തി​ന്‍റെ പ​രി​ധി​യി​ൽ വ​രി​ല്ലെ​ന്ന് കൃ​ത്യ​മാ​യി പ​റ​യു​ന്നു​ണ്ട്. എ​ന്നാ​ൽ ബാ​ങ്കു​ക​ൾ ഇ​തു മ​റ​ച്ചുപി​ടി​ച്ച് നി​യ​മ​വി​രു​ദ്ധ​മാ​യി ക​ർ​ഷ​ക​രെ ഇ​റ​ക്കി​വി​ടാ​നാ​ണ് ശ്ര​മി​ക്കു​ന്ന​ത്.​ ഈ സാ​ഹ​ച​ര്യ​ത്തി​ൽ സ​ർ​ക്കാ​ർ ജി​ല്ല​യ്ക്കാ​യി പ്ര​ഖ്യാ​പി​ച്ചി​ട്ടു​ള്ള പ്ര​ത്യേ​ക പാ​ക്കേ​ജി​ൽ ഉ​ൾ​പ്പെ​ടു​ത്തി ആ​ത്മ​ഹ​ത്യ​യു​ടെ വ​ക്കി​ൽ എ​ത്തി​നി​ൽ​ക്കു​ന്ന 65,000 ത്തോ​ളം ആ​ളു​ക​ളു​ടെ ചെ​റു​കി​ട വാ​യ്പ​ക​ളും മ​റ്റു വാ​യ്പ​ക​ളു​ടെ പ​ലി​ശ​യും പി​ഴ​പ്പ​ലി​ശ​യും എ​ഴു​തി​ത്ത​ള്ള​ണ​മെ​ന്നും ബാ​ങ്കു​ക​ളു​ടെ ജ​പ്തി ന​ട​പ​ടി അ​ടി​യ​ന്ത​ര​മാ​യി നി​ർ​ത്തി​വ​യ്ക്കു​ന്ന​തി​നു​ള്ള ഉ​ത്ത​ര​വി​റ​ക്കി ക​ർ​ഷ​ക​രെ സ​ഹാ​യി​ക്ക​ണ​മെ​ന്നും ബി​ഷ​പ് ആ​വ​ശ്യ​പ്പെ​ട്ടു.