തൊ​ടു​പു​ഴ: ന​ഗ​ര​സ​ഭ​യി​ൽ ഭ​ര​ണ​ത്തി​ലെ​ത്താ​നു​ള്ള നീ​ക്ക​ങ്ങ​ൾ ര​ണ്ടു ത​വ​ണ പാ​ളി​പ്പോ​യ​തി​നാ​ൽ ഇ​ത്ത​വ​ണ എ​ന്തു വി​ല കൊ​ടു​ത്തും ചെ​യ​ർ​പേ​ഴ്സ​ണ്‍ സ​ബീ​ന ബി​ഞ്ചു​വി​നെ​തി​രേ​യു​ള്ള അ​വി​ശ്വാ​സം വി​ജ​യി​പ്പി​ച്ച് ഭ​ര​ണം പി​ടി​ക്കാ​നു​ള്ള ശ്ര​മ​ത്തി​ൽ യു​ഡി​എ​ഫ് നേ​തൃ​ത്വം. ക​ഴി​ഞ്ഞ ത​വ​ണ ചെ​യ​ർ​പേ​ഴ്സ​ണ്‍ തെ​ര​ഞ്ഞെ​ടു​പ്പി​ൽ ഭ​ര​ണം ഉ​റ​പ്പി​ച്ച യു​ഡി​എ​ഫി​നെ അ​വ​സാ​നനി​മി​ഷ​ത്തി​ൽ അ​ട്ടി​മ​റി​ച്ച മു​‌സ്‌ലിം ലീ​ഗ് ഇ​ത്ത​വ​ണ ഒ​ന്നി​ച്ചുനി​ൽ​ക്കു​മോ എ​ന്ന കാ​ര്യ​ത്തി​ൽ വ്യ​ക്ത​ത​യി​ല്ല.

എ​ന്നാ​ൽ മു​‌സ്‌ലിം ലീ​ഗ് ഇ​ത്ത​വ​ണ ഒ​പ്പംനി​ൽ​ക്കു​മെ​ന്നും ചെ​യ​ർ​പേ​ഴ്സ​ന്‍റെ പ്ര​വ​ർ​ത്ത​ന​ത്തി​ൽ അ​തൃ​പ്തി​യു​ള്ള എ​ൽ​ഡി​എ​ഫ്, ബി​ജെ​പി അം​ഗ​ങ്ങ​ളും അ​വി​ശ്വാ​സ​ത്തെ അ​നു​കൂ​ലി​ക്കു​മെ​ന്നാ​ണ് യു​ഡി​എ​ഫ് ഘ​ട​കക​ക്ഷി​ക​ളാ​യ കോ​ണ്‍​ഗ്ര​സും കേ​ര​ള കോ​ണ്‍​ഗ്ര​സും ക​രു​തു​ന്ന​ത്.

ക​ഴി​ഞ്ഞ ത​ദ്ദേ​ശ തെ​ര​ഞ്ഞെ​ടു​പ്പി​ൽ ഭ​ര​ണ​ത്തി​ലെ​ത്താ​മെ​ന്ന യു​ഡി​എ​ഫി​ന്‍റെ പ്ര​തീ​ക്ഷ​യ്ക്ക് തി​രി​ച്ച​ടി​യേ​റ്റി​രു​ന്നു. ഭൂ​രി​പ​ക്ഷ​മു​ണ്ടാ​യി​ട്ടും കോ​ണ്‍​ഗ്ര​സ് വി​മ​ത​നാ​യി മ​ൽ​സ​രി​ച്ച സ​നീ​ഷ് ജോ​ർ​ജി​നെ​യും മു​‌സ്‌ലിം ലീ​ഗ് സ്വ​ത​ന്ത്ര ജെ​സി ജോ​ണി​യെ​യും ഒ​പ്പം ചേ​ർ​ത്ത് എ​ൽ​ഡി​എ​ഫ് ഭ​ര​ണം പി​ടി​ച്ചെ​ടു​ക്കു​ക​യാ​യി​രു​ന്നു. സ​നീ​ഷ് ജോ​ർ​ജ് ചെ​യ​ർ​മാ​നാ​കു​ക​യും ചെ​യ്തു. പി​ന്നീ​ട് ജെ​സി ജോ​ണി​യെ കൂ​റു​മാ​റ്റ നി​രോ​ധ​ന നി​യ​മ പ്ര​കാ​രം ഹൈ​ക്കോ​ട​തി അ​യോ​ഗ്യ​യാ​ക്കി​യി​രു​ന്നു.

പി​ന്നീ​ട് ഏ​താ​നും മാ​സ​ങ്ങ​ൾ​ക്കു മു​ന്പ് സ​നീ​ഷ് ജോ​ർ​ജ് കൈ​ക്കൂ​ലി​ക്കേ​സി​ൽ ആ​രോ​പ​ണ വി​ധേ​യ​നാ​യ​തോ​ടെ സ്ഥാ​ന​ത്തുനി​ന്നു രാ​ജി വ​യ്ക്കേ​ണ്ടി വ​ന്നു. എ​ൽ​ഡി​എ​ഫ് ത​ന്നെ ചെ​യ​ർ​മാ​നെ​തി​രേ അ​വി​ശ്വാ​സം കൊ​ണ്ടുവ​ന്നെ​ങ്കി​ലും ഇ​തു ച​ർ​ച്ച​യ്ക്കെ​ടു​ക്കു​ന്ന​തി​നു മു​ന്പ് രാ​ജി വ​യ്ക്കു​ക​യാ​യി​രു​ന്നു.

എ​ന്നാ​ൽ പി​ന്നീ​ട് വ​ന്ന ചെ​യ​ർ​മാ​ൻ തെ​ര​ഞ്ഞെ​ടു​പ്പി​ൽ കോ​ണ്‍​ഗ്ര​സ്-ലീ​ഗ് ത​ർ​ക്കം മൂ​ലം അ​രി​കെ​യെ​ത്തി​യ പ​ദ​വി ക​പ്പി​നും ചു​ണ്ടി​നു​മി​ട​യി​ൽ യു​ഡി​എ​ഫി​ന് ന​ഷ്ട​പ്പെ​ട്ടു. ചെ​യ​ർ​മാ​ൻ പ​ദ​വി വീ​തം വ​യ്ക്കു​ന്ന​തി​നെച്ചൊ​ല്ലി​യു​ണ്ടാ​യ ത​ർ​ക്ക​ത്തി​നൊ​ടു​വി​ൽ മു​‌സ്‌ലിം ലീ​ഗ് അം​ഗ​ങ്ങ​ൾ എ​ൽ​ഡി​എ​ഫ് സ്ഥാ​നാ​ർ​ഥിക്ക് വോ​ട്ടു ചെ​യ്ത​തോ​ടെ സ​ബീ​ന ബി​ഞ്ചു ചെ​യ​ർ​പേ​ഴ്സ​ണാ​യി തെ​ര​ഞ്ഞെ​ടു​ക്ക​പ്പെ​ട്ടു.

നേ​ര​ത്തേ 35 അം​ഗ കൗ​ണ്‍​സി​ലി​ൽ എ​ൽ​ഡി​എ​ഫ് 15, യു​ഡി​എ​ഫ് 12, ബി​ജെ​പി എ​ട്ട് എ​ന്നി​ങ്ങ​നെ​യാ​യി​രു​ന്നു ന​ഗ​ര​സ​ഭ​യി​ലെ ക​ക്ഷി​നി​ല. എ​ൽ​ഡി​എ​ഫി​നെ പി​ന്തു​ണ​ച്ചി​രു​ന്ന 11-ാംവാ​ർ​ഡ് കൗ​ണ്‍​സി​ൽ മാ​ത്യു ജോ​സ​ഫി​നെ​യും ഒ​ന്പ​താം വാ​ർ​ഡ് കൗ​ണ്‍​സി​ല​റും മു​ൻ വൈ​സ് ചെ​യ​ർ​പേ​ഴ്സ​നു​മാ​യി​രു​ന്ന ജെ​സി ജോ​ണി​യെ​യും ഹൈ​ക്കോ​ട​തി അ​യോ​ഗ്യ​യാ​ക്കി​യി​രു​ന്നു. ഇ​തോ​ടെ ര​ണ്ടു സീ​റ്റു​ക​ൾ കു​റ​ഞ്ഞ് എ​ൽ​ഡി​എ​ഫും 13 എ​ന്ന നി​ല​യി​ലെ​ത്തി.

എ​ൽ​ഡി​എ​ഫ് പി​ന്തു​ണ​യോ​ടെ ചെ​യ​ർ​മാ​നാ​യ സ​നീ​ഷ് ജോ​ർ​ജ് കൈ​ക്കൂ​ലി​ക്കേ​സി​ൽ അ​ക​പ്പെ​ട്ട് രാ​ജി​വ​യ്ക്കു​ക​യും സ്വ​ത​ന്ത്ര​നാ​യെ​ന്ന് പ്ര​ഖ്യാ​പി​ക്കു​ക​യും ചെ​യ്ത​തോ​ടെ എ​ൽ​ഡി​എ​ഫ് അം​ഗ​ങ്ങ​ൾ 12 ആ​യി ചു​രു​ങ്ങി.

അ​തേ​സ​മ​യം ജെ​സി ജോ​ണ​യെ അ​യോ​ഗ്യ​യാ​ക്കി​യ​തി​നെത്തു​ട​ർ​ന്ന് ഒ​ന്പ​താം വാ​ർ​ഡി​ൽ ന​ട​ന്ന ഉ​പ​തെ​ര​ഞ്ഞെ​ടു​പ്പി​ൽ യു​ഡി​എ​ഫ് വി​ജ​യി​ക്കു​ക​യും ചെ​യ്ത​തോ​ടെ യു​ഡി​എ​ഫി​ന്‍റെ അം​ഗ​ബ​ലം 13 ആ​യി ഉ​യ​ർ​ന്നു.

രാ​ജിവ​ച്ച​തി​നു ശേ​ഷം ക​ഴി​ഞ്ഞ ത​വ​ണ​ത്തെ ചെ​യ​ർ​മാ​ൻ തെ​ര​ഞ്ഞെ​ടു​പ്പി​ല​ട​ക്കം യു​ഡി​എ​ഫി​നൊ​പ്പ​മാ​യി​രു​ന്നു സ​നീ​ഷ് ജോ​ർ​ജ്. ഇ​ത്ത​വ​ണ അ​വി​ശ്വാ​സ​പ്ര​മേ​യ​ത്തെ പി​ന്തു​ണ​ച്ച് സ​നീ​ഷ് ജോ​ർ​ജും ഒ​പ്പി​ട്ട​താ​യാ​ണ് വി​വ​രം. ഇ​തോ​ടെ യു​ഡി​എ​ഫി​ന്‍റെ അം​ഗ​ബ​ലം 14 ആ​യി ഉ​യ​ർ​ന്നി​ട്ടു​ണ്ട്. ക​ഴി​ഞ്ഞ ചെ​യ​ർ​മാ​ൻ തെ​ര​ഞ്ഞെ​ടു​പ്പി​ൽ യു​ഡി​എ​ഫി​ന് വോ​ട്ട് ചെ​യ്ത സി​പി​എം സ്വ​ത​ന്ത്ര​യു​ടെ​യും ക​ഴി​ഞ്ഞ ചെ​യ​ർ​പേ​ഴ്സ​ണ്‍ തെ​ര​ഞ്ഞെ​ടു​പ്പി​നു ശേ​ഷം എ​ൽ​ഡി​എ​ഫു​മാ​യി അ​ക​ന്നുനി​ൽ​ക്കു​ന്ന ര​ണ്ട് സ്വ​ത​ന്ത്ന്മാ​രു​ടെ​യും പി​ന്തു​ണ​യും യു​ഡി​എ​ഫ് പ്ര​തീ​ക്ഷി​ക്കു​ന്നു​ണ്ട്.
ഇ​തി​നി​ടെ ക​ഴി​ഞ്ഞ ദി​വ​സം വ​ഴി​വി​ള​ക്കി​നെച്ചൊ​ല്ലി ബി​ജെ​പി നേ​താ​ക്ക​ളും ചെ​യ​ർ​പേ​ഴ്സ​ണും ത​മ്മി​ൽ വാ​ഗ്വാ​ദം ഉ​ണ്ടാ​യി​രു​ന്നു.

അ​തി​നാ​ൽ ചി​ല ബി​ജെ​പി അം​ഗ​ങ്ങ​ളും അ​വി​ശ്വാ​സ​ത്തെ പി​ന്തു​ണ​യ്ക്കു​മെ​ന്നാ​ണ് യു​ഡി​എ​ഫ് ക​രു​തു​ന്ന​ത്. എ​ന്നാ​ൽ അ​വി​ശ്വാ​സം പ​രാ​ജ​യ​പ്പെ​ട്ടാ​ൽ അ​ത് ന​ഗ​ര​സ​ഭ​യി​ലെ യു​ഡി​എ​ഫ് നേ​തൃ​ത്വ​ത്തി​ന് ക​ന​ത്ത തി​രി​ച്ച​ടി​യാ​യി മാ​റു​മെ​ന്നും വി​ല​യി​രു​ത്ത​പ്പെ​ടു​ന്നു.