തൊ​ടു​പു​ഴ: ന​ഗ​ര​ത്തി​ലെ പു​ഴ​യോ​ര ബൈ​പാ​സി​ൽ കാ​ർ നി​യ​ന്ത്ര​ണംവി​ട്ട് പു​ഴ​യി​ലേ​ക്ക് പ​തി​ച്ചു. ഡ്രൈ​വ​ർ പ​രി​ക്കേ​ൽ​ക്കാ​തെ അ​ത്ഭു​ത​ക​ര​മാ​യി ര​ക്ഷ​പ്പെ​ട്ടു. ഇ​ന്ന​ലെ രാ​ത്രി പ​ന്ത്ര​ണ്ടോ​ടെ​യാ​ണ് സം​ഭ​വം. കാ​ഞ്ഞി​ര​മ​റ്റം സ്വ​ദേ​ശി​യാ​ണ് അ​പ​ക​ട​ത്തി​ൽ​പ്പെ​ട്ട​ത്. കോ​ലാ​നി-വെ​ങ്ങ​ല്ലൂ​ർ ബൈ​പാ​സി​ൽനി​ന്നു ബേ​ബി മെ​മ്മോ​റി​യ​ൽ ആ​ശു​പ​ത്രി​യു​ടെ ഭാ​ഗ​ത്തേ​ക്ക് വ​ന്ന കാ​ർ പാ​പ്പൂ​ട്ടി ഹാ​ളി​ന് സ​മീ​പ​ത്തെ വ​ള​വി​ൽ നി​യ​ന്ത്ര​ണം വി​ട്ട് തൊ​ടു​പു​ഴ​യാ​റി​ലേ​ക്ക് മ​റി​യു​ക​യാ​യി​രു​ന്നു.

സ​മീ​പ​ത്തു​ണ്ടാ​യി​രു​ന്ന നാ​ട്ടു​കാ​ർ പു​ഴ​യി​ലി​റ​ങ്ങി കാ​റി​ന്‍റെ ചി​ല്ല് പൊ​ട്ടി​ച്ചാ​ണ് അ​പ​ക​ട​ത്തി​ൽ​പ്പെ​ട്ട​യാ​ളെ ര​ക്ഷ പ്പെ​ടു​ത്തി​യ​ത്. വാ​ഹ​നം പു​ഴ​യി​ലേ​ക്ക് പ​തി​ച്ചെ​ങ്കി​ലും കു​റ്റി​ക്കാ​ട്ടി​ലേ​യ്ക്ക് വീ​ണ​തി​നാ​ൽ വെ​ള്ള​ത്തി​ൽ ഒ​ഴു​കി​പ്പോ​യി​ല്ല.

റോ​ഡ​രി​കി​ലെ ര​ണ്ട് വൈ​ദ്യു​തി പോ​സ്റ്റു​ക​ൾ ത​ക​ർ​ത്താ​ണ് കാ​ർ പു​ഴ​യി​ലേ​ക്ക് പ​തി​ച്ച​ത്. ഈ ​ഭാ​ഗ​ത്ത് റോ​ഡി​ന് സം​ര​ക്ഷ​ണ ഭി​ത്തി​യോ ക്രാ​ഷ് ബാ​രി​യ​റോ ഉ​ണ്ടാ​യി​രു​ന്നി​ല്ല. ഇ​തി​ന് ഏ​താ​നും മീ​റ്റ​ർ മു​ന്പി​ലാ​യി സ്പീ​ഡ് ബ്രേ​ക്ക​ർ സ്ഥാ​പി​ച്ചി​ട്ടു​ണ്ട്. വെ​ങ്ങ​ല്ലൂ​ർ ഭാ​ഗ​ത്തുനി​ന്നു വ​രു​ന്ന വാ​ഹ​ന​ങ്ങ​ൾ പു​ഴ​യി​ലേ​ക്ക് പ​തി​ക്കുംവി​ധം തു​റ​ന്ന രീ​തി​യി​ലു​ള്ള വ​ള​വാ​ണ് ഇ​വി​ടം. അ​തി​നാ​ൽ ഇ​വി​ടെ അ​പ​ക​ടസാ​ധ്യ​ത വ​ള​രെ​യേ​റെ​യാ​ണ്.

വാ​ഹ​ന​ത്തി​ന് വേ​ഗ​ത ചെ​റി​യ തോ​തി​ൽ കൂ​ടി​യാ​ൽ പോ​ലും ഇ​വി​ടെ​യെ​ത്തു​ന്പോ​ൾ നി​യ​ന്ത്ര​ണം വി​ട്ട് പു​ഴ​യി​ലേ​യ്ക്ക് പോ​കു​ന്ന സ്ഥി​തി​യാ​ണ്. ഇ​വി​ടു​ത്തെ അ​പ​ക​ട സാ​ഹ​ച​ര്യം ഇ​തി​ന് മു​ന്പും പ​ല പ്രാ​വ​ശ്യം ചൂ​ണ്ടി​ക്കാ​ട്ടി​യി​ട്ടു​ണ്ടെ​ങ്കി​ലും പ​രി​ഹാ​ര​മു​ണ്ടാ​ക്കാ​ൻ ബ​ന്ധ​പ്പെ​ട്ട അ​ധി​കൃ​ത​ർ ത​യാ​റാ​യി​ട്ടി​ല്ല.

റോ​ഡ് ഗ​താ​ഗ​ത യോ​ഗ്യ​മാ​ക്കി​യ​തി​ന് ശേ​ഷം ഇ​തേ റോ​ഡി​ൽ അ​മി​ത വേ​ഗ​ത്തി​ൽ വാ​ഹ​ന​ങ്ങ​ൾ പോ​കു​ന്ന​തും മ​ത്സ​രഓ​ട്ടം ന​ട​ത്തു​ന്ന​തും ഉ​ൾ​പ്പെ​ടെ​യു​ള്ള സം​ഭ​വ​ങ്ങ​ൾ ഉ​ണ്ടാ​യി​രു​ന്നു. ഇ​തും അ​ധി​കൃ​ത​ർ മു​ഖ​വി​ല​ക്കെ​ടു​ത്തി​രു​ന്നി​ല്ല. പി​ന്നീ​ട് ഒ​രു യു​വാ​വി​ന്‍റെ മ​ര​ണ​ത്തെത്തു​ട​ർ​ന്നാ​ണ് സ്പീ​ഡ് ബ്രേ​ക്ക​ർ സ്ഥാ​പി​ക്കാ​ൻ അ​ധി​കൃ​ത​ർ ത​യാ​റാ​യ​ത്.

റോ​ഡ് നി​ർ​മി​ച്ച് തു​റ​ന്നുകൊ​ടു​ക്കാ​ൻ തീ​രു​മാ​നി​ച്ച​പ്പോ​ൾ ത​ന്നെ ഇ​തി​ന്‍റെ അ​പ​ക​ടാ​വ​സ്ഥ മോ​ട്ടോ​ർ വാ​ഹ​ന വ​കു​പ്പ് ചൂ​ണ്ടി​ക്കാ​ട്ടി​യി​രു​ന്നു.

രാ​പ​ക​ൽ വ്യ​ത്യാ​സ​മി​ല്ലാ​തെ ഇ​പ്പോ​ഴും വാ​ഹ​ന​ങ്ങ​ൾ ഈ ​റൂ​ട്ടി​ൽ അ​മി​ത വേ​ഗ​ത്തി​ലാ​ണ് ക​ട​ന്നുപോ​കു​ന്ന​ത്.

മ​തി​യാ​യ രീ​തി​യി​ൽ സം​ര​ക്ഷ​ണ വേ​ലി നി​ർ​മി​ക്കു​ന്ന​തി​നൊ​പ്പം നി​രീ​ക്ഷ​ണ കാ​മ​റ​ക​ളും സ്ഥാ​പി​ക്കു​ക​യും അധികൃതരുടെ നേ​തൃ​ത്വ​ത്തി​ൽ പ​രി​ശോ​ധ​ന ക​ർ​ശ​ന​മാ​ക്ക​ണ​മെ​ന്നും നാ​ട്ടു​കാ​ർ ആ​വ​ശ്യ​പ്പെ​ട്ടു.