ചേ​ര്‍​ത്ത​ല: വേ​മ്പ​നാ​ട്ടു​കാ​യ​ലി​ല്‍നി​ന്ന് ക​ക്കാ വാ​രി മ​ട​ങ്ങു​ന്ന​തി​നി​ടെ പോ​ള​ മൂലം മ​ണി​ക്കൂ​റു​ക​ളോ​ളം തൊഴിലാളികൾ കായലിൽ കു​ടു​ങ്ങി​. ത​ണ്ണീ​ര്‍​മു​ക്കം പ​ഞ്ചാ​യ​ത്ത് ആ​റാം വാ​ര്‍​ഡി​ല്‍ പ​ടി​ഞ്ഞാ​റേ കൂ​റ്റ​നാ​ട് രാ​ജേ​ഷ് (43), ഗി​രീ​ഷ് ഭ​വ​ന​ത്തി​ല്‍ ഗി​രീ​ഷ് (38) എ​ന്നി​വ​രെ​യാ​ണ് അ​ഗ്നി​ശ​മ​ന സേ​ന​യും പ്ര​ദേ​ശ​വാ​സി​ക​ളും ര​ക്ഷ​പ്പെ​ടു​ത്തി​യ​ത്.

ക​ക്കാവാ​രാ​ന്‍ പോ​യ വ​ള്ള​ങ്ങ​ളി​ല്‍ യ​ന്ത്രം ഘ​ടി​പ്പി​ച്ചി​രു​ന്നെ​ങ്കി​ലും ക​ന​ത്തതോ​തി​ല്‍ പോള തി​ങ്ങി നി​റ​ഞ്ഞി​രു​ന്നതിനാൽ വള്ളത്തിനു നീങ്ങാൻ കഴിഞ്ഞി ല്ല. ഇന്നലെ രാ​വി​ലെ അ​ഞ്ചോ​ടെ​യാ​ണ് ഇ​വ​ര്‍ യ​ന്ത്രം ഘ​ടി​പ്പി​ച്ച വ​ള്ള​ങ്ങ​ളി​ല്‍ ക​ക്കാവാ​രാ​ന്‍ പോ​യ​ത്. ക​ക്കാ വാ​രി മ​ട​ങ്ങു​ന്ന​തി​നി​ടെ ഒ​മ്പ​ത​ര​യോ​ടെ​യാ​ണ് ല​ക്ഷ്മി​ക​രി മേ​ഖ​ല​യി​ലെ തി​ങ്ങി നി​റ​ഞ്ഞി​രി​ക്കു​ന്ന പോ​ള​പ്പാ​യ​ലി​ല്‍ വ​ള്ള​ങ്ങ​ള്‍ കു​ടു​ങ്ങി​യ​ത്.

അ​ഗ്നി​ശ​മ​ന സേ​ന ചേ​ര്‍​ത്ത​ല അ​സി.​ സ്റ്റേഷ​ന്‍ ഓ​ഫീ​സ​ര്‍ ശ്രീ​കു​മാ​ര്‍, ഗ്രേ​ഡ് ഓ​ഫീ​സ​ര്‍ ആ​ര്‍. മ​ധു, ഫ​യ​ര്‍ ആ​ന്‍​ഡ് റെ​സ്‌​ക്യു ഓ​ഫീ​സ​ര്‍​മാ​രാ​യ കെ.​ആ​ര്‍. ര​ഞ്ജി​ത്ത്, എ.​എ​സ്. സു​ധീ​ഷ്, എ​സ്. ഉ​ണ്ണി, വി. ​വി​നീ​ത്, ഹോം​ഗാ​ര്‍​ഡ് അ​നീ​ഷ് എ​ന്നി​വ​ര്‍ ര​ക്ഷാ​പ്ര​വ​ര്‍​ത്ത​ന​ത്തി​നു നേ​തൃ​ത്വം ന​ല്‍​കി.